七大外國人唔理解韓國人嘅行為
每個外國人都理解唔到嘅韓國人七大行為！韓國人鍾意砌石塔？！究竟點解呢？
Hello，大家好，我哋係由韓國人每日提供最新韓國旅行資訊嘅Creatrip。
嚟韓國旅行嘅時候，如果去一啲山上面或者係寺廟嘅地方都一定會見到石塔，有好多路過嘅人見到韓國人用呢一啲石頭堆起都會覺得好奇怪！其實唔止係呢樣，仲有好多古靈精怪嘅行為外國人都理解唔到，今日小編就親自同大家講吓點解韓國人會有呢一啲咁得意嘅行為啦！
七大外國人唔理解韓國人嘅行為
1. 喺有山嘅地方砌石塔
喺韓國有山或者寺廟嘅地方都會成日見到唔少石塔，喺電視劇或者電影之中都好成日見到啲人會喺石頭面前許願或者祈禱，其實韓國人每次經過呢一啲石塔嘅時候，都會放一兩舊石頭喺上面。
實際上其實堆石塔係好早以前嘅傳統，因為韓國人一直崇拜山神，山、河、樹等等嘅自然景觀都被奉為神靈，佢哋每一次喺嗰度許願就會放一舊石頭喺上面。
韓國人認為咁樣做係可以將幸運、幸福、健康融入埋係一啲石頭裏面，咁就會夢想成真。
2. 咖啡完成之前伸手入咖啡販賣機裡面
唔少人都知道韓國人係非常之心急，佢哋喺自動咖啡販賣機買咖啡嘅時候，好多時都會喺咖啡未完成之前就已經伸隻手入去。
其實咁樣做係有機會會燙傷，但有好多韓國人都等唔切就伸隻手入去。
不過為咗安全起見，其實都係盡量等咖啡沖完之後先至伸手入去拎啦！
3. 食到魚骨嘅時候會食白飯
如果大家唔小心喺食魚嘅時候食到魚骨會點做呢？其實好多韓國人都會喺呢個情況食白飯！
唔少韓國古老嘅民間療法都係話「食一啖白飯就會可以將條魚骨吞落肚。 」
不過有啲人都話如果一次食太多白飯嘅話，魚骨有機會會吉到身體另外嘅部位，所以都係有啲危險，如果驚危險嘅話都可以試吓飲水！
4. 剪好啲肉先食
如果鍾意食五花肉或者係燒牛肉嘅朋友，都一定會知道韓國人喺烤完肉之後用鉸剪剪嚟食。
實際上其實韓國人用鉸剪剪肉係非常之常見嘅事，因為佢哋想剪晒啲肉然後將肉放埋落菜裏面包起嚟一齊食。
唔知大家又鍾意剪開嚟食定係成舊大大嚿咁食呢？
5. 肚唔舒服嘅時候用針吉手指
呢個亦都係韓國嘅民間療法之一，雖然冇醫學根據，但係好多人都可以解決到肚唔舒服嘅問題，實際上有好多韓國人消化不良嘅時候，都會用消毒針輕輕吉一吉手指公旁邊到出少少血。
如果流出嚟嘅血係黑色或者金色嘅話，咁就代表你嘅身體有好多唔好嘅嘢堆積咗喺入面，所以留咗出嚟會比較舒服啲。
不過呢一個都只係民間療法，冇醫學根據嘅，所以要試嘅朋友就諗清楚啦！
6. 病嘅時候要飲辣椒粉燒酒
唔少韓國人都覺得燒酒有醫病嘅作用，喺病嘅時候將辣椒粉加入燒酒裏面飲嘅話唔單止可以令身體出汗，仲可以幫助排毒，所以好多韓國人都會咁樣做！
不過呢一個做法都係比較年長嘅人先會咁做，而家啲後生仔女係唔會咁樣做㗎 ！
報導指出飲辣椒粉燒酒其實係唔好
7. 俾蜜蜂咬搽大醬
呢一個都係韓國嘅傳統民間療法，同樣都係冇醫學根據嘅！韓國人都覺得如果俾蜜蜂針嘅時候，就要喺嗰個部位度搽大醬，就咁聽落都覺得好痛，不過令人出乎意料之外嘅就係好多人試過都覺得好有效。
因為以前韓國人係會用好多器皿去保存呢一啲大醬，而呢一啲缸亦都係放喺室外，所以就非常涼爽。每一個韓國人都話搽完之後會好快好返，大醬唔單止可以用嚟調味，仲可以用嚟醫病，係咪覺得好神奇呢？
以上七樣就係韓國人先會用到嘅傳統天方，或者係一啲比較特別嘅行為，好多韓國人都唔係太理解，唔知大家又會唔會想試下呢？希望藉住呢篇文章可以令大家更加清楚知道韓國人得意嘅小行為啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
