Hello，大家好，我哋係由韓國人每日提供最新韓國旅行資訊嘅Creatrip。

香港有好多潮語，其實韓國都唔例外，佢哋同朋友傾計嘅時候都會講好多潮語！等小編同大家介紹七個形容韓國人嘅terms，唔知你又聽過未呢？

形容人嘅7大韓國潮語

 1. 베이글남 （Bagel男孩）

唔知大家鍾唔鍾意食Bagel呢？喺韓國有個講法叫Bagel男孩，通常都係形容一啲好後生，身材高大又大隻嘅男仔。

唔少韓國女仔見到呢種男仔都會叫佢哋베이글남 (貝果男孩）。

突然想去食Bagel..?🤣

2. 곰같은 여자/ 남자 (熊仔女孩/男孩）

有啲韓國人會話：「我識咗一個熊仔頭嘅男仔」，其實意思即係話佢識咗一個內心好溫暖，好溫柔嘅男仔。呢個字比起形容女仔，多數都係形容男仔比較多，大家係咪都好希望可以遇到熊仔頭嘅男仔呢？

3. 여우같은 여자/남자 （狐狸女孩/男孩) 

其實呢句嘢香港人都會成日講，姐係形容啲好狡猾，唔可靠嘅人。好多韓國人都會用呢句嘢形容一啲機心重，或者係成日裝模作樣嘅人！

4. 된장녀 (拜金女) 

呢個形容詞香港人都會成日用，同香港人講嘅一樣，韓國人都係用拜金女形容一啲貪圖名牌或者奢侈品嘅女仔。

  韓國人真係唔用冒牌貨？

5. 벤츠남 (Benz男） 

呢個意思就係用嚟形容一啲好有錢，靚仔得嚟又有靚車嘅男仔。特別係想表達呢種男仔可以渣住架靚車，喺馬路上奔馳好有型咁解！

6. 꽃뱀 (花蛇) 

以為花蛇個名好似幾好聽咁？其實呢個係一個貶義詞，用嚟形容一啲成日講人壞話嘅人，同埋專呃男人錢嘅靚女，唔知大家又有冇聽個呢個詞呢？

7. 멍뭉이 (狗仔) 

如果你聽到韓國人叫你狗仔，唔好誤會人哋係講你唔好，其實係話你好積極，好可愛嘅意思。因為狗仔就係一隻好可愛好勤力嘅動物，所以只係話你好似狗仔嘅性格咋！

以上7個就係韓國人成日會用嚟形容人嘅潮語，如果你下次聽到韓國人咁講你嘅話就知咩意思啦！

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購