1. 이리와 안겨

인사이트

이리와 안겨喺廣東話意思係指「過嚟俾我攬下你啦>///<」，呢個字經常喺唔少韓劇都會聽過，簡單得嚟但就超有魅力！特別係心情唔好嗰陣，如果對方咁講，心情即刻已經會好一半，好似即刻打咗支強心針咁！

2. 다리 너 먹어

아이돌이슈

唔知大家平時食炸雞嘅時候，最鍾意食咩部位呢？最滑最好食當然係雞脾位啦！不過一隻雞只得兩隻脾，如果係2個人以上根本就會分得唔平均，呢個時候如果有人肯講出「 다리 너 먹어 」= 雞脾你食啦，小編覺得有人會咁做，真係完全係愛啊哈利！

3. 보고싶었어

MSN

大家就算唔太識睇韓文，係唔係都覺得呢個字好熟口熟面呢？或者俾大家估下音 「Bo go sip- eoss -eo 」，大家又蹹唔蹹得出呢？無錯啦！佢就係「好掛住你啊」咁解，如果大家返工攰咗成日，放工見到另一半嚟接自己。

好多時第一反應都可能會問：「你做咩無喇喇嚟咗嘅」，另一半咁話因為掛住你咪嚟囉，大家又會唔會好冧呢？

4. 오늘도 예뻐

네이트판

오늘 = 今日、 도 = 都 、예뻐 = 靚 

男仔係唔係好多時都會好驚女朋友問：「我今日有咩唔同咗啊？」喺呢個時候，男士們只要學識講呢句「你今日都好靚」，大家就唔使再怕俾女朋友話，同時又可以得到女朋友歡心。

5. 너만 사랑해

보고코리아

女朋友最鍾意問嘅離唔開「你愛唔愛我？」、「你有幾愛我？」、「你鍾意打機定揀我？」男士們睇到呢度係唔係都開始覺得有啲頭痛呢？呢個時候比起女朋友先問，男仔只要深情咁講句「我只係愛你一個」即刻可以令到女朋友收聲哈哈。

小編每次睇韓劇，只要聽到呢個都會忍唔住心動哈哈哈。

6. 먼저 퇴근해

허핑턴포스트

打工仔返工最期望同期待嘅會係啲呢？當然就係返工可以準時收工，唔使OT就更加輕鬆！不過比起唔準時收工，如果老闆突然都話大家都辛苦啦，今日提早放工（먼저 퇴근해）啦！現實中....雖然可能好少會發生，不過有時FF下都唔錯.....

7. 택배 왔어요

네이버

택배 = 快遞 、왔어요 = 嚟咗啦

喺香港如果聽到快遞嚟咗啦！可能第一時間都會諗到又有嘢做啦.....不過喺韓國，大家都知韓國快遞有幾快，有時今日買聽日就收到，每次聽到都覺得一樣心動。

小編仲見到有韓國網民留言話「오빠 있잖아」 = 有OPPA喺度唔使驚

唔知以上7句大家又覺得邊句係最心動呢？歡迎大家留言話俾小編聽！

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面