韓國人為咗增高會做嘅事
韓國人為咗增高竟然會做出呢幾樣嘢？網民都話：「下！咁都得？」
Hello，大家好，我哋係由韓國人話你知每日最新韓國資訊嘅Creatrip。
韓國人好注重身高，佢哋覺得身高係可以影響你嘅社會地位，而唔少韓國嘅父母都話：「為咗令我嘅仔女高多10cm，我做咩都得！」究竟韓國人想變高嘅時候會做啲咩行為呢？小編一齊同大家睇睇啦！
韓國人嘅平均身高
韓國人嘅身高可以話係亞洲裏面數一數二最高，而英國嘅研究顯示指出，喺過去100年間女性嘅平均身高增加左20 cm。另外亦都有研究指出，韓國女性嘅平均高度由142.2 cm升至162.3 cm，而韓國男仔嘅平均高度由159.8 cm升到174.9 cm等。近年，韓國男仔嘅平均高度就為173.8 cm，以韓國女性嘅高度就係161.4 cm。
韓國人嘅平均身高點解會升得咁快？
1. 快速嘅經濟增長
20世紀後半期韓國嘅經濟恢復，係其中一個影響平均身高上升嘅重要因素之一。因為經濟恢復得快咗之後，韓國人就可以有足夠嘅錢去買更有營養更健康嘅食物，令身體更加健康。
2. 韓國政府對飲食生活同健康管理嘅作出好大嘅貢獻
另外一樣重要元素就係韓國過政府鼓吹韓國人要為健康做多啲運動。韓國政府早喺20世紀就提高市民對運動嘅意識，希望韓國市民可以有更好嘅營養，仲會改善農村嘅公共衛生問題添！
韓國政府仲制定咗一啲健康同埋醫療有關嘅保險項目，仲有會要求所有學生每日喺學校飲牛奶，補充更加高嘅蛋白質。
3. 韓國人開始更清楚健康嘅重要性
而家新一代嘅家長更加知道健康嘅重要性，佢哋都會支持唔同嘅教育活動。佢哋仲會定期去健康檢查，目的就係想自己嘅仔女快高長大！
韓國人為咗增高咩都做得出？
因為韓國係一個好體重外表嘅國家，所以佢哋對高度都好有要求。唔少家長都話：「為咗可以令我嘅仔女高啲，我可以不惜一切！」韓國人亦都話如果佢哋喺學校學唔到好多嘢，都可以透過其他唔同嘅活動去學嘢，但係如果唔夠高嘅話，我冇辦法將來再增高。
曾經係唔少韓國綜藝節目裏面都有人講過，如果一個男人都唔係180 cm嘅話就等於一個失敗者。雖然引起各界好多質疑，但唔少韓國人都係默默地跟住呢個標準去做。唔少父母都擔心自己嘅仔女將來俾人歧視，所以都用盡方法想佢哋可以高啲。
韓國嘅父母為咗令自己嘅仔女可以高啲，佢哋竟然會帶自己嘅仔女去診所打荷爾蒙針，大概一年就要打一次。雖然呢種增高方法好貴，但都唔係100%有效，但韓國嘅父母都會抱住希望咁希望自己嘅仔女去打荷爾蒙針，小編聽到呢個做法簡直嚇咗一跳！
除咗打荷爾蒙針之外，韓國人仲將佢哋嘅仔女送去一啲學院度做健身訓練。有韓國人就話，佢會每個星期帶個女去健身房做三次運動，每次大概兩個鐘，希望透過運動可以令佢哋快啲長高。
仲有就係，有好多唔滿意自己身高嘅韓國男仔通常都會着增高鞋墊。最令人驚訝嘅係，好多人為咗增高而去做整形手術。佢哋會因為想高啲，所以佢將佢哋嘅腿部增長，目的只係為咗外型更加好睇。
其實韓國社會對外貌真係好高要求，唔少韓國人都會受到好大壓力。唔知大家又覺得點睇呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
