喺韓國搵美食餐廳嘅方法
韓國人到底點搵特別嘅Cafe或美食店？要打咩關鍵字先會搵得到？小編私心教大家！
Hello，大家好，我哋係由韓國人每日提供最新韓國旅行資訊嘅Creatrip。
唔知大家平時喺香港，如果想搵間好食又可以打卡嘅Cafe或餐廳會點搵呢？韓國人好鍾意善用Naver、IG去搵好嘢食。因為只要用咗呢兩個apps，就可以好快知最近韓國hit啲咩！今日小編就要教大家用咩關鍵字就可以搵到韓國美食店！
喺韓國搵美食店方法
1. Instagram hashtags
平時大家玩IG，唔知多唔多用到hashtags呢？其實hashtags真係一個好幫手，因為你只要打啱關鍵字就會出好多相關資訊。
主要關鍵字 | 其他關鍵字 | |
美食店 | 맛집 | 맛집추천 맛집스타그램, 맛집탐방 맛집투어 |
Cafe | 카페 | 카페스타그램 카페추천 |
酒吧/飲酒地方 | 술집 | 술집추천 술집스타그램 |
熱點 | 핫플레이스 핫플 | 핫플투어 핫플레스 핫플추천 핫플탐방 |
呢個方法真係好簡單，大家只需要記住以上幾個關鍵字就得，想搵一間好食嘅餐廳或Cafe，大家可以喺「關鍵字」前打地點，好似如果想喺弘大搵餐廳，大家只需要打홍대맛집 (홍대 = 弘大 + 맛집 = 美食店)，就可以見到好多人推介。
又或者想喺梨大搵Cafe，只要打이대카페 (이대 = 梨大 + 카페 = Cafe)就會搵到，通常iger都會加返個餐廳名或加location，如果大家睇啱其中一1間，只要跟住地圖去就得。
Naver或者Kakao Map
如果大家想再集中啲搵譬如燒肉、大腸、炸雞等，呢個方法會方便得多，因為佢會一次過顯示哂你附近有關聯嘅店，就好似小編想喺東大門食炸雞，只要喺Naver打치킨(炸雞)，基本上就可以一眼睇哂附近有邊間店。
廣東話 | 韓文 |
五花肉 | 삼겹살 |
炒辣雞 | 닭갈비 |
燉雞 | 찜닭 |
打邊爐 | 샤브샤브 |
馬鈴薯（薯仔）排骨湯 | 감자탕 |
泡菜湯 | 김치찌개 |
炸雞 | 치킨 |
米腸 | 순대국밥 |
壽司 | 초밥 |
Pizza | 피자 |
炸醬麵 | 짜장면 |
米線 | 쌀국수 |
豬腸 | 곱창 |
更簡單方法
如果大家覺得韓文太難，唔知點打好？不如就follow我哋Creatrip香港平台啦！Facebook、IG每日更新！
我哋會為大家提供最新同流行韓國資訊，Cafe、美食店、新聞、韓國文化通通都有，咁多好介紹，你又點可以錯過呢？（雖然仲有好多不足，不過真係好多謝一直以嚟支持 大家每一個like、每一個留言，小編都有睇到 ）
- Instagram： creatrip.hk
- Facebook：Creatrip 帶你認識韓國每一面
以上方法大家又學識未呢？大家又覺得邊個方法最方便？(當然係第.....哈哈哈哈哈)
如果有更多想知嘅內容，都可以隨時留言或者dm話俾我哋知：）
Instagram：creatrip.hk
