韓國練習生禁食7款食物
諗起都灰... 做練習生已經夠辛苦！唔俾食呢7樣嘢真係超痛苦！
Hello，大家好，我哋係由韓國人每日提供最新韓國旅行資訊嘅Creatrip。
正所謂想做韓國idol甚艱難，除咗要不斷練習唱歌跳舞之外，仲要keep好一副好身材，最重要係要控制埋飲食添！好多人都會覺得以下呢7種嘢都係我哋平時嘅家常便飯，但對於做緊練習生嘅人嚟講係絕對唔可以食以下食物。唔知大家可唔可以為咗出道，堅持到唔食呢啲嘢呢？
韓國練習生禁食7款食物
1. 炸雞
Red Vevlvet嘅成員講過佢哋公司係絕對唔會俾食炸雞，炸雞喺韓國非常之普遍，喺韓國街邊都會見到唔少舖頭，好多時一星期都會至少食一次，不過如果要做練習生嘅話，有3年時間都唔可以食炸雞，好多時啲練習生都會要求經理人買俾佢哋，但經理人都真係左右做人難啊！
2.漢堡包
Oh My Girl 嘅 YooA曾經講過：「有一次真係太想食漢堡包，所以偷偷地去咗買，但唔好彩俾公司嘅人發現咗。」嗰陣因為太驚，所以喺廁所避咗一日，真係冇諗過想食個漢堡包都會咁麻煩。
3. 辣炒年糕
雖然辣炒年糕係國民美食，但其實佢嘅卡路里真係高得驚人！AOA某成員講過：「做練習生嘅時候時不時要量吓體重，如果keep唔到體重就會被公司淘汰。」甚至有次頂唔住偷食過咗體重，俾當時老師鬧咗一大餐！
4. 雪糕
正所謂壓力大食吓甜品就一身鬆曬，雖然做藝人好大壓力，但偏偏好多時想食甜品解解壓都唔得！BTS嘅成員都話試過差啲被發現，但佢哋當時都好醒咁收埋落袋入面。
5. 麵包
麵包係好多人都鍾意食嘅嘢，特別係食當麵包做早餐，不過食太多好易肥，所以各大嘅娛樂公司都唔俾佢哋嘅練習生食麵包。
6. 炸醬麵
炸醬麵都係另外一種被禁止練習生食嘅食物，因為太高卡路里嘅關係，練習生喺訓練期間都係唔可以食。當年BTS仲係練習生嘅時候忍唔住好想食炸醬麵，所以要講大話話去廁所，但事實就去咗買嚟食！
7. 豬腳
最後一樣就係豬腳，唔少人去韓國旅行嘅時候都會想試嘅美食，Twice嘅成員曾經喺節目提過佢哋當年咗練習生嘅時候好想食豬腳，但唔想俾CCTV錄到，所以要喺鞋櫃隔離扮綁鞋帶，但其實係偷偷地食豬腳。
唔知要大家持續幾年，唔可以食以上呢7種食物大家又得唔得呢？如果係小編我就一定搞唔掂啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
