難理解嘅韓國人行為
喺外國人眼中可能會難理解嘅韓國人行為？雖然街上唔多垃圾，但就會有好多地雷？
황요산
a month ago
Hello，大家好，我哋係由韓國人每日提供最新韓國旅行資訊嘅Creatrip。
每個國家都有自己獨特文化？不過就算小編已經嚟咗6年，有啲行為到而家都係理解唔到，到底有啲咩？大家又會唔會同感呢？
外國人係法理解嘅韓國文化
1. 喺公共地方刷牙
正常人刷牙次數基本上可以話係2次，但係韓國人就會一日至少刷3次牙。早晚各一、Lunch time完咗再刷多次，大家可以睇得出佢哋對口腔護理有幾咁重視，小編見過韓國人會喺公共廁所刷牙之外，走廊、機場、就連餐廳都見過。
2. 撞完人唔講對唔住
直到呢一刻小編都仲係好唔理解，正常如果撞到人禮貌上都會講句「唔好意思」、或者「對唔住」。不過喺韓國，小編真係20次先見到一次會有人講「對唔住」，小編第一次聽到嘅時候，真係覺得好神奇.....
3. 喺公共地方除完鞋之後棟高腳坐
한국일보
如果喺香港同長輩食飯，只要棟高腳坐都會俾人鬧冇家教，不過喺韓國，佢哋完全冇呢個問題，大家都睇得好開。
4. 不斷䟴腳
成日會聽到長輩講：「人搖福薄，樹搖葉落」，成日䟴腳福氣就會冇哂，但不過喺韓國人身上係冇呢個講法。
5. 只飲凍水
一開始水嚟韓國嘅時候，真係好唔習慣，每次去餐廳食飯都只係得凍水，完全冇熱水。不過都唔可以怪韓國人，因為佢哋覺得凍水先係對腸胃好。
6. 隨地吐痰
wbcb
韓國街上雖然唔多垃圾桶，但韓國人都唔會隨地拋垃圾。不過街上垃圾唔多，但喺街會見到好多痰或口水跡，喺韓國行路真係時時都要小心踩到地雷。
唔知以上6個點，大家又會唔會有同感呢？抑或仲有其他點，大家會更有同感，歡迎大家留言話俾小編聽。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
熱門文章
