韓國藝人TMI

韓國藝人TMI，你絕對諗唔到韓國藝人反轉嘅一面！其中金秀賢原來係.....

미쿠

2 years ago

Hello，大家好，我哋係由韓國人每日提供最新韓國旅行資訊嘅Creatrip。

今日小編就想同大家分享以下幾位韓星嘅TMI（Too Much Information），可能大家本身已經對佢哋好瞭解，希望透過小編嘅分享大家會對佢哋有新嘅睇法～

韓國藝人TMI

EXO - SuHo

IG＠kimjuncotton

EXO嘅隊長SuHo俾大家嘅印象，就係皮膚好白同埋對眼好似小鹿咁清澈咁靚，佢嘅形象就好似教會哥哥咁識得照顧人，但事實上佢喺EXO入面唯一一個佛教徒！

孔旻智

IG@_minzy_mz

Minzy俾大家嘅印象都係佢深厚嘅舞蹈功力，但大家又知唔知，其實佢大學嗰陣係主修神學？因為佢有一個夢想就係成為牧師向小朋友傳教，唔知大家有冇同小編一樣覺得，Minzy呢個夢想同佢喺舞台上強勁嘅風格好有反差？唔知會唔會有一日可以見到牧師身份嘅Minzy呢？小編都好期待！

Block B - Zico

IG＠woozico0914

平時睇韓星嘅ig，見到佢哋多數都係用iPhone手機，但原來Zico係Samsung Galaxy嘅忠實粉絲，佢從來都未用過iPhone！大概係由2013年開始，Zico已經經常被目睹用Galaxy系列嘅電話。只要去過韓國旅行大家就會發現韓國有好多人不論男女都食煙，不過原來Zico係唔食煙㗎，同佢rapper嘅形象真係相當大反差！

Jay Park

IG＠jparkitrighthere

Jay Park除咗本身就係韓國代表性嘅rapper，同佢強勢嘅外表相反，Jay Park都係唔食煙而且仲會定時去教會，係一個虔誠嘅基督徒！

金秀賢

인사이트코리아

出演完《來自星星的你》男主角之後成功成為韓國最頂尖男演員之一嘅金秀賢。早前主演嘅《雖然是精神病但沒關係》亦都成功引起極大迴響！喺呢兩套電視劇入面，金秀賢都係用直髮進行演出，但其實大家又知唔知佢係天生「爆炸頭」？

喺佢嘅出道作品《泡菜乳酪微笑》入面佢就有講過，其實佢就係靠呢一頭自然捲嘅頭髮成功通過試鏡。金秀賢嘅頭髮只要濕水就會即刻卷起，大家可以喺佢出演過嘅作品入面搵到啲蛛絲馬跡㗎～

丁海寅

IG@holyhaein

關於丁海寅嘅TMI就係，因為佢嘅出道年齡比起其他男演員遲，所以其實佢係已經完成左佢嘅學業同埋兵役，粉絲唔需要擔心有兩年空白期見唔到「國民年下男」嘅作品！

因為對於一般韓國嘅男演員嚟講，兩年嘅兵役會令佢哋喺螢幕上面淡出，粉絲都會無可避免地流失，所以已經完成兵役就唔需要擔心呢個問題。

崔宇植

IG＠dntlrdl

唔知大家有無睇過《寄生上流》呢套奧斯卡史上第一部獲得最佳影片同最佳原創劇本獎嘅亞洲電影？作為主角之一嘅崔宇植原來係加拿大國籍！崔宇植喺加拿大同屋企人生活咗十年，後來因為想實現演員嘅夢想而回流返韓國，好彩佢有做到呢個決定我哋先可以喺螢幕上欣賞到佢嘅演出！

馬東石

IG@madongseok_

講起演員馬東石，大家係咪即刻諗起佢超級大隻、全身肌肉嘅形象？其實佢都係持有外國國籍，而且仲要係美國。喺佢18歲嘅時候就同屋企人移民咗去美國，佢成身嘅肌肉小編深信係要歸功於佢大學讀體育系，而畢業之後佢就成為咗私人教練，仲擔任過唔少出名嘅武術演員嘅教練！

金希沅

나무위키

如果你係韓劇嘅忠實粉絲，一定有喺唔少韓劇見過佢嘅演出！唔知大家對金希沅嘅初印象會唔會幻想到，一個大叔喺便利店出面同成班朋友飲燒酒？不過其實佢係完全滴酒不沾，就算去聚餐都正係飲水同可樂！喺一個飲酒文化咁盛行嘅國家竟然有完全唔飲酒嘅人，小編都覺得非常神奇。

HYUKOH - Oh Hyuk

IG＠hyukoh2000

喺韓國人氣非常高嘅獨立樂團HYUKOH，主唱Oh Hyuk原來係學霸？據說佢學生時期曾經擔任過日文學科嘅學生代表。雖然外表唔似一般嘅乖學生，唔單止有紋身，臉上都有唔少嘅穿孔，但係正正就證明咗唔可以以貌取人。同時佢仲係弘益大學美術系嘅學生，連HYUKOH嘅大部分成員都有接受大學程度嘅教育，可以話係高學歷樂隊。

禹元才

IG＠aomgofficial

禹元才由一開始出演《Show Me The Money》已經收穫好大嘅關注，有留意開韓國rapper嘅話，一定有聽過佢個名。大家又知唔知原來禹元才都係一個學霸呢？自細就拎過唔少獎學金，喺佢讀高中嘅時候仲拎過全級第二，擔任埋英語話劇社嘅社長，簡直係名副其實嘅「模範生」。小編覺得「엄친아」呢個韓文就完全可以代表禹元才，意思即係「無論做咩都好出色嘅人」！

BIGBANG - G-DRAGON