Hello，大家好，我哋係由韓國人每日提供最新韓國旅行資訊嘅Creatrip。

喺韓國人心目中，香港係一個好繁華而且好有魅力嘅一個地方，唔知大家又知唔知，好多韓國都嚟過香港拍過MV嘅呢？唔搵唔知香港原來有好多打卡點！大家暫時嚟唔到韓國，但都可以跟住韓星遊一轉香港。

韓星香港MV拍攝地

1. 彩虹村

Seventeen MV截圖

Seventeen MV截圖

炯燮X義雄 MV截圖

彩虹村可以話無論係遊客定係香港人，都一定會去打卡嘅地方，外牆同球場都係由七彩顏色組成，唔少韓星MV都喺度取過景！

2. 勵德邨

Seventeen MV截圖

Seventeen MV截圖

GOT7 MV截圖

眼利嘅朋友應該一眼就會睇得出呢度係大坑嘅勵德邨，因為勵德邨係香港唯一一個圓柱形建築，無論由上面影定下面影，兩種風格都好唔同，擺上IG一定呃到唔少like。呢度唔單止韓星鍾意去取景，就連以前好多港產片都喺度拍過。不過因為係住宿區，大家去嘅時候要安靜啲啊！

3. 海山樓

Seventeen MV截圖

聖圭 MV截圖

香港人叫佢海山樓多，台灣人就會叫佢做怪獸大廈，自從電影《變型金剛4》去過呢度取景之後，大家都跟住去影，不過因為之前太多人去同太嘈，而家好似封咗，唔俾人去影。

4. 天星碼頭

Seventeen MV截圖

GOT7 MV截圖

Seventeen MV截圖

天星碼頭可以話係好多遊客嚟到必去景點之一，除咗大家一定要試吓搭天星小輪之外，大家睇夜景一定會去呢度。

5. 女人街

Seventeen MV截圖

相信大家對女人街一定都會好熟悉，想食平嘢同買平嘢，10個有8個香港人都應該會諗到佢。同時女人街又近花園街同西洋菜街，捐窿捐罅搵美食呢度一定冇錯！

6. 赤柱

Seventeen MV截圖

Seventeen MV截圖

Seventeen MV截圖

炯燮X義雄 MV截圖

赤柱係一個海岸小鎮，算係一個遠離市區嘅一個地方。唔少人放假都會去一日遊，嗰度有好多小店，同時帶有一啲異國風情。除咗MV出現過嘅打卡點之外，赤柱仲有好多隱藏景點等住大家去打卡。

7. 華南邨停車場天台

GOT7 MV截圖

呢到有多個圓圈貫穿成一條淺藍色隧道，睇落簡單但已經嚟引咗唔少人去影相打卡。

8. 旺角地鐵站

GOT7 MV截圖

小編覺得香港同其他國家地鐵站好唔同，香港每一個站都有自己嘅獨特顏色，而紅色背景牆嘅旺角，相信大家一定都去過。

9. 西環泳棚

GOT7 MV截圖

GOT7 MV截圖

西環泳棚相信喺呢幾年最多人去打卡嘅地方，唔少人都會趁日落嘅時候去影相，因為呢個時候係特別靚，GOT7都有去過㗎！

10. 砵典乍街

GOT7 MV截圖

GOT7 MV截圖

砵典乍街可以話一向都係成日會見到嘅拍攝取景地，基本上好多港產片同MV都有出現過，下次大家都不妨好似GOT7咁擺pose影返相街頭相啦！

11. 偉業街天橋

聖圭 MV截圖

呢度之所以會多人識，可能係因為呢度拍過《志明與春嬌》，亦因為咁多咗好多人去影相打卡。

12. 中環碼頭

炯燮X義雄 MV截圖

炯燮X義雄 MV截圖

其實香港嘅渡輪都好有特色，唔單止價錢平，仲要好快就可以過到海，韓國人嚟到香港除咗一定會想試搭2層巴士之外，渡輪都一定會搭！

13. 西環貨櫃碼頭

聖圭 MV截圖

呢幾年真係唔少人都去西環打卡影相，小編曾經仲見過有人喺度影過畢業，另一種風格好特別！

唔知以上13個打卡點，大家又去過幾多個呢？歡迎大家留言話俾小編聽！

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購