logo

韓國病例數破萬

韓國新冠確診數破萬!由第1例到第10,000例只係過咗74日...處於下風嘅韓國點樣挽回劣勢?

Yeong
4 years ago

Hello,大家好,我哋係由韓國人話你知每日最新韓國資訊嘅Creatrip


#武漢肺炎#韓國新聞
#韓國總病例數破萬

截至04月03日10點,全世界嘅新冠肺炎總確診數量衝破百萬大關。

韓國由01月20日起確認第一宗病例,到今日(03日)74日嘅時間,確診數量已破萬例(10,062例),成為世界上第15個病例數破萬嘅國家。


Creatrip為咗關心韓國嘅朋友,會持續更新相關新聞(點我)

大家唔需要太過擔心同緊張,記住出門口一定要戴口罩同勤洗手!

🤞🏻 Creatrip Youtube上線囉

✨馬上Follow我哋IG
instagram.com/creatrip.hk

🎈香港⇋韓國航班取消現況



韓國疫情階段


01月20日,韓國喺仁川機場攔獲一名女性,確認為第一宗病例後,上調危機警報到第一階段「注意」。

大約一星期後,韓國只有零星病例,政府將危機警報調升到第二階段「警戒」,未有太大動作。


二月初,韓國取消所有外國人自動通關入國禮遇。

入境審查限制去過湖北嘅外國人入境。中國、香港、澳門機場入境嘅旅客,需要喺入境個陣,提供有效電話號碼驗證。


來源:한국일보

韓國人恐懼病毒,而出現排華風波,不過只係個別事例。

一星期後,情況急轉即下,02月18日一名大邱60歲女性確認為第31例確診者,而她喺出現症狀之後,竟然繼續前往新天地教會禮拜。


02月20日,確診者破百,韓國政府宣布進入社區感染階段。

3日後(02月23日),韓國政府宣布將危機警報上調到最高嘅「嚴重」級別。

再過3日後,26號,韓國確診數破千;再過一星期(03月04日),確診者暴風式增長到破5千大關。



大約一個月後,04月03日,韓國病例數破萬。

韓國由第1例到第1萬例,唔過74日。不過,好彩嘅係,治癒人數已突破黃金交叉,達到6千人次。




韓國政府防疫措施

來源:NEWSIS

二月底確診者大量爆發,但多數集中喺大邱、慶北一帶。

當中,大多數係新天地教會集體感染嘅患者。


韓國政府全面篩檢大邱市出現症狀嘅人,更要求新天地教會交出全體21.5萬教徒名單,以進行新冠肺炎疫情篩檢。

雖然部分教徒唔配合,但政府揚言會提告,最終順利篩檢全體教徒。

疫情大規模爆發嘅情況喺三月中旬稍微好轉。

🙌 新天地教遭殺人罪告發


其他防疫措施,韓國用Drive Thru、迷你電話亭式嘅檢驗方法,針對所有疑似病例進行大量檢測,幾乎每日檢測近一萬個人。

因而發現大量感染者,大部分都係輕症,算係亡羊補牢,避免更大規模擴散。


來源:釜山市議會

確診者好多?咁係透過壓倒性檢查快速搵出嚟。 

唔逃避,勇敢咁同武漢肺炎搏鬥嘅國家就係大韓民國。

韓國政府借鏡台灣、澳門經驗,推動口罩「實名購買」,針對相關法律修法,例如禁止口罩出口、上調未有自行隔離嘅罰則、入境全面管制(隔離14日)等等。



行政措施上,首次因傳染病而被列為特別重災區嘅大邱、慶北,政府將提供資源協助當地居民嘅生活同重建。


另外,韓國發布緊急命令,未來兩星期內,儘量減少社交活動,維持2米社交距離。

希望可以喺開學前將疫情影響降到最低;日前又宣布延後開學,甚至連大學入學考試都延期。

🙌 韓國高考延期




韓國民間防疫措施


民間部分,二月底爆發大量群聚感染後,大多數人都已經有所警覺,戴口罩出街。

所以韓國喺歐美疫情大爆發嘅時候,感染人數仍然可以稍微穩定落嚟。


另外,因為大邱、慶北喺今次疫情嘅影響最慘烈,韓國各界對呢兩個地方嘅援助不斷。

企業、藝人、經紀公司甚至係個體戶,都捐贈大量金錢同物資畀相關機構,以協助韓國走過呢場風暴。

尤其係唔少藝人出身嘅大邱,得到好多演藝圈人士嘅幫助。

🙌 疫情下嘅韓國


除咗大邱、慶北之外嘅自治區,知道災區嘅醫療資源緊張,即刻協助轉院、調派醫療人力,避免大邱、慶北醫療體系崩潰,或者影響到原有重症病患嘅資源。


韓國好多酒類企業都捐出物資,例如捐贈燒酒原料酒精,或者自行稀釋,轉製消毒酒精等等,感動無數韓國人。


🙌 韓國酒精國家隊出動



韓國疫情隱憂


目前為止,韓國大型集體感染主要嚟自教會、職場、療養院等。

相比境外傳入嘅病例嚟講,呢類本土感染更加難控制同追查,只可以大量篩檢,用隔離方式杜絕擴散。


全世界好多國家都提出鎖國政策,包含韓國鄰近嘅中國、日本,近日都宣布禁止外國人或部分國家(地區)人士入境。

韓國目前只係以「所以入境人士全面隔離14天」嚟對應,係咪可以有效杜絕境外傳入嘅病例,仍然有待觀察。

🙌 入境韓國全面隔離14天


面對因疫情影響,而經濟蕭條嘅情況,韓國政府同各自治團體都提出補助、消費券等措施,協助受影響嘅市民。

不過,有唔少人質疑,呢啲措施係咪只係為咗即將喺04月15日嘅選舉?

🙌 韓國發放災難救助金



總結

來源:NEWSNACK

韓國喺疫情上,因為新天地教會而爆發大規模感染,但經過韓國政府、醫療團隊積極檢驗,即使病例數高,但痊癒率突破50%。

喺後期收尾嘅過程,文在寅政府算係交到合格嘅成績單。


不過,疫情會持續幾耐?今次嘅疫情唔單單靠韓國單方面有效制止國內疫情,就可以結束。

嚟自其他國家、歐美、隱藏感染者嘅威脅,先啱唔開始。


🤞🏻 Creatrip Youtube上線囉

✨馬上Follow我哋IG
instagram.com/creatrip.hk

🎈香港⇋韓國航班取消現況

其他延伸閱讀
確診者的一封信韓國高考延期
熱門文章

LoadingIcon
熱門文章