Hello，大家好，我哋係由韓國人每日提供最新韓國旅行資訊嘅Creatrip。

出嚟玩總會有意想唔到嘅事發生，雖然做好準備，但都有時候會措手不及，最令人煩惱嘅就係喺韓國病咗，想去買藥食又唔識講，可以點？一齊睇小編今日整理嘅藥局必備韓文教學啦！

韓國藥局韓文「常見症狀」

發燒	咳嗽
발열 Bal-Yeol	기침 Gi-Chim
流鼻水	頭痛
콧물 Kot-Mul	두통 Du-Tong
喉嚨痛	腹瀉
후두통 Hu-Du-Tong	설사 Seol-Sa
M痛	肌肉痠痛
생리통 Saeng-Ri-Tong	근육 아픔 Geun-Yug A-Peum
便祕	暈車(船)
변비 Byeon-Bi	멀미 Meol-Mi
皮膚過敏	嘔吐
피부 알레르기 Pi-Bu Al-Re-Reu-Gi	구토 Gu-To

另外再教大家簡單幾個韓文身體部位單字啦！

以上嘅單字，只要喺後面加個「아프다」（痛），例如「머리 아프다」（頭痛） 、「팔 아프다」（手痛）等，同醫生講佢㗎都會明！  

以上係一啲嚟韓國可能會遇到嘅相關症狀，小編整理咗一啲可以常見嘅成藥，俾大家參考。大家亦可以直接行入藥局同職員形容病徵，就會買到相應嘅藥。

另外要提醒大家，韓國嘅Olive Young、LOHB's呢啲地方，唔似香港嘅屈臣氏、萬寧咁可以買到成藥，要買嘅話就要認住「약（Yak）（藥）」，就會搵到藥局。

便利店可以買到嘅應急藥

有時藥局閂咗門買唔到藥點算好？其實都可以去便利店！24小時都開門，唔怕買唔到！

4. 타이레놀 500 밀리그람：止痛藥

• 價格：一盒 ₩3,100

呢盒止痛藥喺韓國超有效，頭痛、M痛、牙痛等都可以用佢解決，不含咖啡因，就算空腹食都唔怕，呢隻藥適合12歲或以上嘅人服用，一次服用1至2粒， 隔4至6個鐘再食，但要注意每日唔可以超多過8粒。

2. 어린이 타이레놀 현탁액：止痛藥（小童）

• 價格：一盒₩6,750

同啱啱介紹嘅係同一牌子，不過呢一隻適用於4個月大之後嘅小朋友食，為咗令小朋友易入口，當中加咗車厘子味，去除藥物苦味，主要係根據自己體重服用劑量（10~15mg/kg）係最適當，注意每日唔可以服用超過5次（75ml/kg）。

3. 어린이 부루펜시럽：感冒藥（小童）

• 價格：₩7,450

通常呢隻藥係小朋友發燒嘅時候，可以用作退燒，小朋友一日服用3-4次，每次30-40mg，如果係成人服用，一次200-400mg，同樣都係分3-4次。體重小於30公斤嘅小朋友每日唔可以超過25mg，建議唔好空腹服用。

4. 베아제 3정(초록/綠色) & 닥터 베아제 3정(주황/橙色)

• 價格：베아제（綠色） ₩1,500 & 닥터 베아제（橙色）₩1,700

雖然上圖係10粒裝，但喺便行店通常都係3粒裝，而橙色藥效會比綠色勁，如果因為消化不良、食慾不振、暴飲暴食、體重減輕，肚唔舒服都可以服用佢，成人一次1粒，一日3次，建議飯後先食。

5. 훼스탈 골드 6정 & 훼스탈 플러스 6정：腸胃消化藥

• 價格：₩1,800

同樣都係可以改善消化不良嘅藥，雖然兩款都係一樣效果，但小編建議如果係胃氣脹可以服用Festal Gold，食完嘢之後先唔舒服，就服用Festal Plus，成人一次1粒，一日3次，飯後服用。

6. 판콜에이 내복액 30mL 3병：感冒藥

• 價格：₩2,600

呢隻藥可以緩解感冒症狀（流鼻水、鼻塞、喉嚨痛、咳嗽、痰多、發燒、頭痛、關節痛、肌肉痛等問題），成人一次30ml，一日3次，飯後30分鐘服用。另外如果仲會食其他解熱鎮痛藥，建議先問醫生或藥師。

7. 판피린티정 3정：感冒、四肢痠痛、頭痛

價格：₩1,800

同啱啱介紹嘅藥一樣，基本感冒症狀食佢都會有效，成人一日一粒，飯後30分鐘服用。另外如果仲會食其他解熱鎮痛藥，建議先問醫生或藥師。

8 . 제일쿨파프：酸痛貼

2. 신신파스 RX(5P)

嚟旅行買Shopping買太大，拎太多重嘢，或者腳痛都可以敷呢兩隻酸痛貼，唔同藥房價錢都會唔一樣，通常都係₩3,000 - ₩4,000左右，買之前大家可以睇清楚係冷/熱敷。

雖然希望大家嚟韓國玩唔會唔舒服，但有時真係好難講，如果真係唔舒服，千祈唔好忍，記住要去藥局/便利店買藥！如果大家食完藥都仲係唔掂，可能就要去睇醫生，雖然睇醫生會比較貴（冇保險），但健康最重要！

呢篇文只係俾大家遇到緊急事，可以有一個參考。
如果要藥物處方，最好問返專業醫師意見。

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購