韓國「5·18光州民主化運動」
願每個承受子彈同悲傷嘅地方都可以有民主...41年前嘅今日「5·18光州民主化運動」
Hello，大家好，我哋係由韓國人每日提供最新韓國旅行資訊嘅Creatrip。
1980年5月18號，亦即係43年前嘅今日，民主化運動喺韓國光州展開序幕，為咗阻止全斗煥進行軍事獨裁，由韓國人民主動發起嘅抗爭，喺韓國嘅政治同民主發展史上面，留低沉痛嘅歷史。小編就要介紹同518光州民主化運動有關嘅作品《逆權司機》，俾大家了解一下518民主化運動紀念日，喺韓國人心目中嘅意義。
你有冇睇過《逆權司機》呢？
韓國電影《逆權司機》係一套享譽盛名嘅一部劇情片，無論係劇情編排同歷史紀錄上，都具有相當高水準！佢亦曾經代表韓國角逐當年嘅奧斯卡最佳外語片，同時寫低南韓影史多項記錄，相信大家應該都會對呢部電影有印象~ 呢套戲講述咗「518民主化運動」，令好多新一代嘅韓國年輕人，同唔了解韓國歷史嘅外國人，更加了解韓國喺追尋民主嘅腳步上，承載咗幾多人嘅血淚同悲傷。但喺43年前嘅5月18號，韓國到底發生咗啲咩事呢？
1980年5月18號
518紀念財團
1976年10月26號，喺韓國進行獨裁統治26年嘅朴正熙總統遭到暗殺身亡，崔圭夏出任代理總統，宣布第二日起全韓國大部分地區戒嚴，但由嗰個時候開始，因為獨裁嘅朴正熙總統過世，韓國人爭取民主化嘅心都燃起咗星星之火。
518紀念財團
喺同年年底，全斗煥發動軍事政變（史稱雙十二政變），攞到最高軍權繼續維持軍事獨裁。原本以為結束咗朴正熙總統嘅獨裁統治之後，韓國可以有啲改變，但面臨嘅係更加恐怖嘅全斗煥，示威要求佢落台，爭取民主化嘅聲浪都越嚟越大。
1980年嘅5月17號，全斗煥宣布擴大範圍，全韓國進入戒嚴狀態，再逮捕反對黨派大老，大學停學，停止一切政治活動。
中央Sunday
韓國運動經濟
5月18號全斗煥喺當時示威規模盛大嘅光州地區，出動軍隊鎮壓，抵達光州之後，軍人毫不留情咁對市民開槍屠殺。
518紀念財團
518紀念財團
518紀念財團
根據歷史記載，當時全斗煥仲出動咗空降部隊進行鎮壓，並當街處死市民，甚至下令封鎖光州，唔俾消息傳到其他大城市。根據外國媒體報導，光州事件大概有兩千人受傷甚至死亡。
518紀念財團
518紀念財團
係邊個揭露光州運動嘅真相？
喺電影《逆權司機》入面，德國記者于爾根·辛茲彼得搭的士由首爾去光州，用底片記錄咗全斗煥殘暴嘅所作所為，公諸於世。原來佢哋全部都係歷史上真實存在嘅人！
韓國日報
如果冇于爾根·辛茲彼得將光州真相帶返去德國，將獨裁者嘅惡行公開，至今可能好多人都唔會知道518民主化運動對韓國有幾咁重要。
중도일보
518運動後續...
電影入面嘅場景已經夠觸目驚心，但根據光州事件嘅倖存者表示，嗰日無辦法用「可怕」嚟評價。1980年5月18號嘅光州，真係好似地獄一樣。
全斗煥喺鎮壓光州之後，上任總統開啟獨裁統治，將光州事件改成「金大中、親(北)共主義者內亂事件」，甚至禁止人民討論光州事件，大量逮捕示威、受難者遺屬。
全斗煥
後來因為抗議聲浪日漸壯大，唔單止係人民，相關政府人員都開始討論起「光州事件」嘅真相，全韓各地都開始民主化示威。
全斗煥喺1987年結束任期，扶植盧泰愚接任再次引發人民不滿。1988年係漢城奧運，為咗平息紛爭，盧泰愚總統喺1987年6月29號發表八點民主化宣言，或稱《六‧二九宣言》，將總統選舉改為人民直接選舉，意義上結束咗韓國近四十年以嚟嘅獨裁同軍人威權統治。亦由嗰刻開始，「光州事件」喺韓國正式可以被討論。
盧泰愚
1993年，當年嘅金泳三政府將光州事件定為全斗煥為咗掌權而做出嘅暴行，第二年518紀念財團成立，受害者對全斗煥同軍人嘅法律追溯行動正式開始。
而1996年全斗煥遭判處死刑、盧泰愚遭判處監禁22年6個月，光州事件正式獲得平反。
備註：1997年更審全斗煥無期徒刑、5月18號立為國家紀念日、新任總統金大中同金泳三協定特赦全斗煥同盧泰愚
雖然過咗43年，但追尋當年光州事件嘅真相，同真實責任，仍然係好重要。民主得來不易，好多人付出血淚同生命，唔單止係韓國，世界上每一處為咗民主而流汗、流血嘅地方，都希望呢啲承受子彈同悲傷嘅地方，都好似韓國咁走向自由，閱讀正確歷史、書寫無疑真相。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
