韓國酒店禁止提供即棄洗漱梳妝用品
韓國酒店唔再提供牙膏牙刷同沖涼用品？！以後都要自己帶定？
Hello，大家好，我哋係由韓國人每日提供最新韓國旅行資訊嘅Creatrip。
嚟旅行唔少得要搵住宿，唔知道大家會prefer住民宿定酒店呢？小編自己會比較偏好住酒店，不過最近韓國政府宣佈由2024年3月底起將會全面禁止酒店提供即棄用品，到底具體情況係點，各大酒店又會採取咩措施，大家嚟旅行又需要注意啲咩，一齊睇落去啦！
撳下面張圖預約住宿領取獨家優惠券👇🏻
韓國酒店禁止提供即棄洗漱梳妝用品
이데일리
早前韓國國會通過咗《資源節約再利用促進法（자원의 절약과 재활용촉진에 관한 법률）》，宣佈由3月29號開始，有超過50間客房嘅住宿場所一律唔可以免費提供即棄牙刷、牙膏、洗頭水、護髮素、沖涼液等洗漱梳妝用品，如被揭發違反法例，將會被罰款300萬韓幣（約HKD 17,604.17）。
네이트뉴스
一聽到呢個消息，有好多韓國網友即刻喺二手買賣平台出售各種高級酒店嘅名牌沖涼用品同牙膏牙刷，甚至連拖鞋都有XD
不過大家唔需要太擔心，韓國大型住宿場所例如樂天同新羅旗下酒店，仲有威斯汀朝鮮酒店都表示已經將大部分客房嘅洗頭水、護髮素同沖涼液轉成大支裝，客人可以唔需要自備咁麻煩。
香港亦都會喺今年地球日（4月22號）進行類似管制，不過無論係喺韓國定香港，都有唔少人覺得呢條法例無補於事，甚至會帶嚟反效果。
아시아경제
唔少網友覺得如果酒店本身唔會提供牙刷牙膏，有好多人都會喺附近便利店買即棄裝，反而會令問題變得更嚴重。倒不如將洗漱梳妝用品由免費變成需要付費，咁做嘅話因為提供嘅用品都係同一款，所以回收嘅時候會更加方便。
한국경제
另外如果沖涼用品變成大支裝，雖然客人可以唔洗自己買/帶，但始終要同其他人一齊用，難免會令人擔心唔衛生。而韓國酒店業界人士表示，轉用大支裝沖涼用品之後會固定好樽口，防止客人直接打開，亦都會採取其他措施，儘量減少為客人帶來不便。
不過始終每間酒店做法唔同，所以建議大家如果book嘅酒店規模比較細，或者唔想同其他人用同一支沖涼用品，記住要去便利店/超市買定，而牙刷牙膏方面就記住一定要自己帶啦！
行程突然有變都可以免費取消👍🏻
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
