韓國政府推行全新簽證 —— 「Workation Visa」
咩係Workation？所有外國人都可以申請去韓國做嘢？
Hello，大家好，我哋係由韓國人每日提供最新韓國旅行資訊嘅Creatrip。
相信有唔少朋友都會想一邊返工，一邊去其他國家住一排。早前韓國法務部宣佈，由1月1號開始會試推行「Digital Nomad Visa（Workation Visa）」，到底呢款係咩visa，又有邊個先可以申請？一齊睇落去啦！
想體驗韓國生活？
咩係Digital Nomad？Workation又係咩？
한국일보
Digital Nomad嘅中文係「數碼遊牧」，係指唔會喺一個固定地方工作，透過網絡賺錢嘅人。Workation呢個字都有異曲同工之妙，呢個term係Work同Vacation嘅合成字，意思係一邊做嘢一邊去旅行！呢個生活模式相信好多人都好羡慕，返工嘅時候可以唔受地點同時間約束，一邊賺錢之餘仲可以享受旅行嘅樂趣！
Digital Nomad Visa（Workation Visa）介紹
전자신문
今次韓國政府推出Workation Visa嘅目的係希望可以令外國人可以一邊喺自己國家/地區嘅公司返工，一邊喺韓國旅行同享受生活。本身外國人如果想去韓國，需要申請旅遊visa，或者好似香港咁免簽證入境，不過最多都只可以逗留90日，之後就需要出境。
不過只要有呢個visa，本身有一份穩定工作嘅外國人都可以喺韓國逗留1-2年！因為呢款visa嘅門檻比較高，主要係想吸引高收入嘅外國人喺韓國旅行嘅時候消費，借此促進韓國經濟，同時將韓國文化傳播到世界各地。到底要點樣先可以申請到呢？
세계일보
首先申請人必須要有一份穩定而且可以遠距離進行嘅工作，亦都要喺同一個行業從事超過1年先得。另外人工方面要求都比較高，年薪需要係韓國上一個年度嘅GNI（本地居民總收入）嘅2倍或以上！例如韓國2022年GNI係4,248萬韓幣（約42480000），申請人年薪就需要係8,496萬韓幣（約84960000）或以上，變相每個月人工需要最少708萬韓幣（約7080000）...
기업은행
另外申請人士亦都需要持有最少1億韓幣嘅醫療保險（應該係希望萬一發生咩事都唔需要政府出錢賠XD）不過要注意嘅係攞住呢個visa唔可以喺韓國就業，如果想喺韓國搵工嘅話就要另外申請其他合法工作簽證。而Workation Visa有效期為1年，之後可以續簽一次，最多可以喺韓國逗留2年。
동아일보
本身攞緊短期簽證嘅人士如果符合資格，可以直接轉成Workation Visa，如果本身喺外地嘅話就可以喺當地韓國領事館申請。
唔知大家對呢個簽證有冇興趣呢？小編見到個年薪數字都真係打咗個突XD 有咩意見都可以喺下面留言分享俾小編知！
想體驗韓國生活？
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com
