logo

韓國議員倡議訂立「同居伴侶法」

「同居伴侶法」議案第一次正式喺韓國被倡議!到底呢條法例能唔能夠成功通過?

유키
10 months ago

Hello,大家好,我哋係由韓國人每日提供最新韓國旅行資訊嘅Creatrip


大家都知道,其實韓國都係一個幾傳統嘅國家,成家立業可以話係必須,而且韓國人對同性伴侶關係嘅評價亦都唔算太正面。不過上年(2023年)有議員首次喺國會建議訂立同居伴侶法!喺一個咁傳統嘅國家,居然有國會議員會咁樣挺身而出,倡議訂立保障同居伴侶嘅法例?



韓國議員倡議訂立「同居伴侶法」

韓國新聞 韓國同居伴侶法

同居伴侶關係所指嘅係無血緣或婚姻關係嘅兩個成人,經過協議後決定共同生活同分擔家事,因而結成嘅同居關係。

如果法例成功通過,同居伴侶將會被賦予同居、家事代理權(唔需要對方授權都可以用對方名義代為處理)、收養親生/養子、產假、受防止家暴政策保護等等嘅權利,同時需要履行撫養、互相幫助、債務連帶責任、等一般婚姻及家族關係嘅義務。


韓國同居伴侶法 龍慧仁 韓國家庭模式경향신문


韓國基本所得黨議員龍慧仁表示,而家呢個年代不斷出現新嘅家庭模式,家庭嘅定義同形態亦都有好大嘅改變。佢認為家庭並冇一個特定形態,政府亦都應該要配合社會同時代嘅變化,保護未被現行法例承認為家庭嘅伴侶,希望呢條法例可以成為呢班人嘅經濟同感情上嘅安全網,解決佢哋而家面對緊嘅各種問題。


韓國 同居伴侶法 同居伴侶權力 同居伴侶義務

법률신문


唔知大家知唔知,原來韓國之前曾經進行過幾次相關嘅討論!2014年,新政治民主聯合(而家嘅民主黨)議員陳善美曾經準備過向政府倡議新增同性伴侶法,不過當時喺宗教團體抗議之下呢個計劃最終告吹。早排韓國總統大選亦都有候選人提出類似嘅承諾,連民主黨代表亦都曾經表示需要正式討論引入同居伴侶法,證明其實韓國都開始變得更加開放,包容多元社會。


韓國多元社會 非結婚關係 非血緣關係家庭 同性情侶 韓國同性경향신문


其實呢條法例喺法國同丹麥已經一早喺2,000年前成功通過,相信係因為西方國家思想比較開放,而且婚前懷孕比例亦都比韓國高出好多。不過韓國政府對承認非婚姻關係嘅同居伴侶為合法家族嘅法例持負面態度,而且相信比較保守嘅宗教團體都一定會極力反對,唔少人都覺得時機尚早,未必可以成功立法。


 承認「出櫃」嘅韓國藝人

時隔一年,暫時都未有消息話呢條法例會通過,大家又對呢個議題有咩睇法呢?




如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面

 韓國代購

熱門文章

LoadingIcon
熱門文章