韓星Cafe | BB Girls(原稱Brave Girls)成員玟瑩「C.RAZER COFFEE」

韓星開嘅Cafe可能就喺你左近！Brave Girls成員玟瑩新開Cafe！

유키

a year ago

Hello，大家好，我哋係由韓國人每日提供最新韓國旅行資訊嘅Creatrip。

相信各位Fearless都知道，Brave Girls成員玟瑩（민영）早排開咗間Cafe，聽講佢本人有時候都會喺鋪頭幫手！小編一聽到呢個消息就即刻去咗幫襯，到底小編有冇見到玟瑩本人呢？

BB Girls(原稱Brave Girls)成員玟瑩「C.RAZER COFFEE」資訊

地址：서울 동대문구 경희대로4길 44
營業時間：11:00 - 22:00
小Tips：1號線、京義·中央線、京春線回基站（회기역）1號出口行7分鐘

BB Girls(原稱Brave Girls)成員玟瑩「C.RAZER COFFEE」介紹

韓國明星Cafe Brave Girls玟瑩

今日小編諗住帶大家睇吓前Brave Girls成員玟瑩最近喺慶熙大學附近開嘅「C.RAZER COFFEE」！其實「C.RAZER COFFEE」係一間連鎖Cafe，喺韓國好多地方都有，而慶熙店本身係一間咖啡學院，亦都只提供外賣服務。不過自從玟瑩接手呢度之後，進行咗大裝修，俾各位客人可以堂食~

玟瑩Cafe 玟瑩咖啡廳

韓國旅行回基慶熙大學景點

雖然店面唔大，不過鋪頭入面大概有5~6張雙人檯，另外亦都有1~2張大檯，仲有一兩個室外位。小編當時係平日下晝去嘅，都等咗一陣先有位坐，所以想去嘅朋友們可能就要避開Tea Time或者其他高峰時間啦！鋪頭另一邊就係counter同整咖啡嘅地方，仲有一個甜品櫃，大家叫嘢食之前可以睇吓有咩想食~

韓國Cafe 韓國咖啡廳推薦

Brave Girls玟瑩Cafe 內部裝修

Brave Girls玟瑩咖啡廳內部

Brave Girls玟瑩 Cafe 裝飾

話明係韓星Cafe，就當然有唔少同呢位歌手有關嘅擺設同裝飾啦！鋪頭入面其中一邊嘅牆上面有玟瑩嘅相，亦都有Brave Girls相關嘅模型同fans整嘅獎杯，真係好有意義~ 另外鋪頭有幾個角落都放有玟瑩嘅相框，小編去嗰陣咁啱遇上有日本Fans，佢哋都一直不斷影相留念，相信Fans們一定會好鍾意呢個地方！

慶熙大學 Brave Girls玟瑩 Cafe Menu

Menu方面，其實呢度賣嘅飲品大部分都同普通Cafe差唔多，亦都有英文對照，大家可以參考吓。

Brave Girls玟瑩 Cafe 推薦飲品推薦Menu YamYam Set - 維也納咖啡 + 艾草Tiramisu（₩7,500）
Jjeob-Jjeob Set - 青蘋果梳打 + 檸檬牛角包（₩7,500）
艾草雪糕（₩6,300）
馬格利米酒奶昔（₩6,500）

「C.RAZER COFFEE」亦都有特別嘅Set Menu，兩款都係以玟瑩養嘅狗仔名命名，一個叫「YamYam Set」，一個叫「Jjeob-Jjeob Set」。另外呢度最特別嘅飲品相信一定係馬格利米酒奶昔！因為呢款飲品真係用韓國傳統米酒整嘅，所以成年人先買到~

玟瑩Cafe Set Menu

Brave Girls Cafe Brave Girls咖啡廳

小編最後就揀咗維也納咖啡+ 艾草Tiramisu嘅「YamYam Set」。呢度嘅維也納咖啡係鮮奶咖啡上面有一層甜甜地嘅Cream，完全唔會苦，平時覺得咖啡太苦嘅朋友們可以由呢款飲品開始入門！另一方面，相信大家對艾草Tiramisu可能都會有啲陌生，呢款甜品嘅艾草味唔算太重，蛋糕亦都非常濕潤，上面仲有一塊煙韌嘅年糕，非常有韓國特色！

另外只要買呢兩個Set，就可以得到一個杯套、一張玟瑩小卡同一張狗仔貼紙，係fans嘅你一定要收藏呢幾款限定禮物！

Brave Girls玟瑩 C.RAZER COFFEE 地址位置交通