Hello，大家好，我哋係由韓國人每日提供最新韓國旅行資訊嘅Creatrip。

香港啲超級市場通常都唔會有固定休息嘅日子，呢點同韓國好唔同！韓國超市同百貨公司每個月都有指定休息日子，所以搞到好多朋友嚟旅行嘅時候成日都會撞板XD 不過今年（2024年）傳出呢個政策要被廢除！你又覺得係好事定壞事？

 最新韓國超市&百貨公司休息日

韓國超市固定休息日

強制制定固定休息日嘅原因係？

금천뉴스

由1993年開始，韓國各地開始出現大型超級市場，因為當時韓國經濟狀況比較差，而大型超市標價比起街市同小攤檔更加固定同統一，所以韓國政府亦都鼓勵開多啲大型超市。

매일경제

雖然咁做可以穩定物價，不過隨住大型超市越開越多，銷售業競爭就越大，而傳統市場同中小型攤販亦都出現生存危機。

樂天釜山店接駁巴士（이코노미스트）

而且其實喺2001年就曾經有出現過反大型超市嘅情況！因為當時韓國百貨公司同大型超市都會有專門嘅接駁巴士，令大家都會因為覺得方便而選擇去大型超市。除咗影響到中小型攤販，仲連帶影響埋巴士同的士業，所以最後就限制咗接駁巴士嘅營運，不過並無太大成效，反而仲令超過3,000個接駁車司機面臨失業...

nexteconomy

好似頭先所講，由於大型超市持續發展同擴張，導致周邊小攤檔同傳統市場流失客源，所以政府喺2012年修訂咗《流通產業發展法（유통산업발전법）》，其中第12條之2就規定大型超市每個月一定要休息2日。但其實好多人都覺得呢個方法治標不治本，因為只要避開嗰兩日，大家都仍然可以照去超級市場買嘢XD

至於點解韓國樂天超市、emart、Homeplus大多數都會揀每個月第二同第四個禮拜日休息呢？其實呢個係地方自治團體要求嘅做法，考慮到通常weekend會比較多客人，所以覺得大型超市喺禮拜日休息就可以將客人導流去其他中小型鋪頭。

有冇人質疑過呢條法例？

국민일보

有好多人都批評呢個做法根本毫無功效，所以首爾江東區、松坡區嘅超市喺修訂法例之後冇幾耐就進行訴訟，仲贏埋場官司，喺2012年6月22日起，解除義務公休日規定。

시장경제신문

不過仍有好多超市有按照法例休息，就算唔係禮拜日，都會遵守一個月內休息兩天嘅規定。

[最新更新!]

연합뉴스

喺大型超市嘅抗議下，韓國政府喺2024年1月22日決議廢除超市義務休息限制嘅規定。相關法案廢除後，大型超市唔一定要按照地方自治團體要求喺weeekend休息，可以自由決議休唔休息，定改做其他日子。

超市固定休息嘅利與弊？

농업경제신문

反對大型超市固定休息嘅理由好簡單，資方想賺多啲錢、附近中小商家想吸引人流，而且呢個方法套用喺韓國人身上根本治標不治本。

而支持保留固定休息多數都係勞工們，認為咁做可以節省人力資源，令員工真正獲得休息時間！除此之外也都有數據顯示，一個地方嘅大型超市執笠之後，附近嘅中小商店營業額竟然下滑3成，被認為係搶走客源嘅大型超市，反而係幫緊佢哋XD

不過近呢幾年大部份人都開始習慣喺網上買嘢（可以直接送到屋企門口啊嘛!），未來韓國大型超市仲會唔會有咩政策上嘅改變，真係要拭目以待啦。

最新韓國大型超市/百貨休息日

撳我睇詳情

如果有更多想知嘅內容，都可以隨時留言或者dm話俾我哋知：）

   Instagram：creatrip.hk

  Facebook：Creatrip 帶你認識韓國每一面

   韓國代購