Hello，大家好，我哋係由韓國人每日提供最新韓國旅行資訊嘅Creatrip。

今日（5月19號）韓國法務部發表公文表示，由6月1號起，將會重新開放外籍旅客短期訪問（C-3）簽證，係時隔2年幾第一個好消息！

C-3簽證係以市場調查、諮詢、一般商旅、旅遊、療養、探親、會議等目的，嚟韓國可以有90日以內簽證。

동아일보

消息一出即係代表韓國正式開放國界，原本疫情期間，只允許有訪問目的先可以申請嘅C-3簽證，擴大範圍至一般國家團體、個別觀光、探親、商業活動等所有領域，只要被分類喺一般國家（Level 1）嘅外國人都可以申請。

換句話說，韓國旅遊市場有望喺2022年6月1號起，重新恢復曙光，但先前濟州島免簽，香港仍然唔喺名單入面。

뉴시스

提提大家，如果係申請咗簽證，就唔需再申請K-ETA，因為K-ETA係「免簽證入境」者需事先申請嘅許可制度，無論係以短期、長期簽證入境韓國，只要有事先申請簽證，就唔需再申請K-ETA。

另外由2022年5月23號起，入境韓國前48小時內發放PCR陰性證明，放寬至24小時醫院快篩（RAT）證明就可以，同時放寬針對小童疫苗施打入境隔離措施。

至於一般成人，如果打完2劑疫苗滿14至180日，3劑疫苗滿180日以上，無論係拎咩簽證入境韓國，都免除隔離措施（入境後PCR檢查須為陰性）。

  2022韓國入境政策及社交距離政策

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購