logo

韓國神奇商品

韓國超人氣神奇&獨特電子產品到日常創意小物!膠囊啤酒機超適合酒鬼買返部!

Yujin Jeong
a year ago

Hello,大家好,我哋係由韓國人話你知每日最新資訊嘅Creatrip


唔知大家平時睇韓劇或者嚟韓國旅行,有冇發現到韓國一啲神奇商品呢?今日想同大家介紹幾樣韓國神奇家電產品!10個趣大家又會俾幾多趣呢?



韓國人氣&神奇電子產品

1. 泡菜雪櫃

泡菜雪櫃


喺韓國,以前一個家庭會喺年頭整一年泡菜量,之後再慢慢食,由於泡菜會因溫度變化而快速熟成或變味,所以泡菜雪櫃有助於保持適當溫度(0~-1度),所以大部分韓國人屋企,都會有一個泡菜雪櫃。


韓國泡菜雪櫃


네이버 쇼핑


不過因為會整泡菜嘅家庭越嚟越少,唔少人都將泡菜雪櫃變成普通雪櫃咁用,但比較特別嘅係每一個格可以調節唔同溫度,主要係-1至28度之間,唔少人會用嚟放水果、蔬菜、肉類、啤酒等。

 


2. Styler 蒸氣電子衣櫃
Styler 蒸氣電子衣櫃

투데이 에너지


之前LG新出嘅Styler蒸氣電子衣櫃,一推出冇耐已經吸引唔少人去買!因為疫情影響,大家都更注重衛生,佢可以用蒸氣技術,乾衣嘅同時殺埋菌,減少衣服異味等。



3. 植物栽培機

韓國植物栽培機

 LG틔운 미니 광고


因為疫情影響,想吸收新鮮空氣,欣賞下花草樹木都唔係一件容易嘅事,所以韓國LG就推出咗一部植物栽培機,等大家喺屋企可以種植花草,望住佢心情都開心啲,聽講呢一部LG tiiun mini只係推出咗6日,就已經賣出1,000部,最特別嘅係,你可以用手機連住部機,Check住溫度同埋水位,望住佢哋一日一日咁成長,都有種自豪同療癒感!



4. 膠囊啤酒機

韓國LG膠囊啤酒機

LG전자


膠囊咖啡機可能大家聽得多,但膠囊啤酒機你又試過未?LG呢部機總共推出咗五款膠囊,製作過程好簡單,但就要等兩個星期左右,一部機大約係4百萬韓幣,對於酒鬼嚟講真係最適合不過!



5. 可以控制溫度嘅空氣清新機

韓國空氣清新機

 LG전자


空氣清新機唔單止喺屋企,就連Cafe或者圖書館都好易見到,因為韓國屋企就算成日打掃,都仲係會有好多塵,所以就會安裝一部空氣清新機保持清潔,但而家嘅空氣清新機仲可以控制埋溫度,有冷風或者暖風功能!



韓國方便日常生活嘅創意產品

1. 扶手電梯消毒機
韓國扶手電梯消毒機

 데일리시큐


因為疫情影響,大家可以見到好多扶手電梯都有安裝呢一部機器,有咗佢就可以進行自動殺菌消毒,令人就算掂到,用嘅時候都安心啲。



2. 燒酒自動倒酒器

韓國 燒酒自動倒酒器


有時三五知己一齊飲燒酒,唔想自己郁手,不如就用呢一部燒酒自動到酒器,方便又實用,每次都會到固定嘅量,聚會嘅時候必須有一部!



3. 擠牙膏機

韓國 擠牙膏機

 쿠팡


唔知有冇人同小編有一個煩惱係,好想用完成支牙膏,但又唔夠力氣去吱到最後,但自從小編遇上佢之後,真係覺得好幸福,每次牙膏都可以用得乾乾淨淨,佢就好似真空設計咁,最後支牙膏完全係可以用到扁曬,一啲都唔會浪費。



5. 固體熒光筆

韓國 固體熒光筆

 쿠팡


聽講呢支螢光筆,係每個韓國人讀書時期都有用過,因為係固體,所以highlight嘅時候好快乾,比起其他螢光筆品牌畫嘅時候更加滑。



6. 隨身錄影黑盒

隨新錄影黑盒

삼성 페이지 링크플로우


而家韓國越嚟越多人鍾意踩滑板或者係電動單車,因為種種嘅事故發生,為咗可以照顧到自己安全,而家唔少人身上都會佩戴呢一種隨身錄影黑盒,特別係外賣嘅人成日都會見到。



7. 智能筆

智能筆 韓國

생활발명코리아 


平時口口聲聲話要去溫書,但唔使幾分鐘又會拎部電話出嚟撳幾撳、咁不如就買呢一支智能筆,主要係希望學生可以更加集中,佢可以測到你一日或者每星期用咗幾多時間去學習,相當之神奇!



8. 發光遮

發光遮 發光雨傘

 올림pick


有時落雨黑孖孖睇唔清楚路,有咗呢一個發光遮就唔需要怕,睇嘢會清楚啲同安全啲。


唔知大家覺得以上韓國發明嘅產品,有邊一款大家覺得最神奇,或者吸引你會想買一款呢?歡迎留言話俾我哋知!




如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面

 韓國代購

熱門文章

LoadingIcon
熱門文章