《語意錯誤》拍攝地
韓國BL劇《語意錯誤》拍攝景點整理！粉紫屋、酒吧、表白景點主要都喺首爾同水原！
Hello，大家好，我哋係由韓國人話你知每日最新資訊嘅Creatrip。
唔知大家最近期有冇追熱門韓劇之一嘅BL劇《語意錯誤》呢？雖然只係得短短八集，但主角在劇中嘅化學效應，令唔少人都討論，主演嘅朴栖含同朴宰燦都因為咁打開知名度，唔少fans都希望出第二季。今次小編整理好一啲劇中場景，有興趣嘅朋友可以先save底，之後跟住去打卡！
備註：畫面截圖來源為WATCHA
《語意錯誤》拍攝地
1. 青麗園畫廊（청려원갤러리）
- 地址：수원시 팔달구 정조로 751-7 3F
《語意錯誤》開頭秋尚宇去畫展被張宰英嘅畫吸引，想影底作者嘅資料，被宰英誤認為係對方想拎手機影自己，呢一度其實係「青麗園（청령원 音譯）畫廊」，通常會同水原區廳一齊合作，舉辦在地藝術聯展，有興趣嘅朋友之後都可以去睇吓。
2. 安山大學（안산대학교）
- 地址：경기도 안산시 상록구 안산대학로 155
劇中嘅大學實際拍攝地係位於京畿道嘅安山大學，販賣機、課室經典場面都係喺呢度拍，而某部分大學場景鏡頭，就係喺首爾市立大學影。
3. NEXII（넥스투）
- 地址：서울 강남구 선릉로161길 18
宰英成日會去嘅酒吧同朋友篤波嘅地方，正正係狎鷗亭羅德奧站附近嘅「NEXII」。店入面氣氛好正，經典美式風格，除咗可以喺度篤波之外，仲有飛鏢，配上經典舊式唱片舖成背景，果然有種「宰英式」狂放不羈嘅感性。
4. Design Park（디자인파크）
- 地址：경기 수원시 팔달구 행궁로84번길 23
宰英同尚宇嘅屋企出面牆呈現粉紫色，其實呢度係水原市八達區住宅「Design Park」，如果大家之後嚟韓國定居，會不會都想住呢種風格嘅房呢？（提提大家：之後要嚟打卡嘅朋友，因為呢度有唔少居民住緊，千祈唔好太大聲，打擾到人啊！）
5. Bronx（브롱스 동여의도점）
- 地址：서울 영등포구 여의대방로65길 17 B1
尚宇聽完演講之後，同無賴講師一齊聚餐，咁啱遇到同朋友飲緊酒嘅宰英。當時佢哋係位於汝矣島嘅「Bronx」，同啱啱介紹嘅NEXII一樣，好適合年輕人美式風格，以賣啤酒為主，之後去汝矣島，會唔會都想去飲返杯呢？
6. 八達公園（팔달공원）
- 地址：경기 수원시 팔달구 고등동 42-140
相信大家當時睇到呢一幕，應該都會心跳加速，當時宰英問尚宇要唔要試吓一齊，咁浪漫嘅景點其實就係喺水原「八達公園」，推薦大家之後可以喺好天嘅時候嚟一轉，可以望到水原市區景色。
7. 斗源工科大學 坡州校區（두원공과대학교 파주캠퍼스）
- 地址：경기도 파주시 파주읍 주라위길 159
除咗一開始講到嘅安山大學、首爾市立大學之外，《語意錯誤》中圖書館場景，其實係喺斗源工科大學坡州校區拍攝。
8. 耳目口鼻（이목구비）
- 地址：서울 영등포구 영신로32길 19
位於永登浦區文來站附近嘅「耳目口鼻」，主要係賣生啤、Pizza、炸雞等下酒菜等。
如果之後去「耳目口鼻」打卡，大家又會唔會搵得返宰英同尚宇接接吻位喺邊度呢？
9. 葡萄酒（포도술）
- 地址：서울 영등포구 도림로 440-18
兩個人喺餐廳走出嚟呢個位其實同耳目口鼻有啲遠，呢度係文來鋼鐵藝術村入面，過去係以鋼鐵產業為主，如今面臨都市更新、產業重生，進駐好多打卡餐廳同Cafe，有機會去文來，不如就去冒吓險啦！
以上係《語意錯誤》拍攝場景整理，希望可以幫到大家啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
