疫情下韓國演唱會同Fan Meeting嘅限制
疫情下,喺韓國睇演唱會同Fan Meeting會有咩限制?你又掛唔掛住以嚟飛嚟韓國追星嘅日子?
Hello,大家好,我哋係由韓國人話你知每日最新資訊嘅Creatrip。
因為疫情嘅影響,韓國唔少演唱會或者fan meeting都有改變,而家就等我哋一齊睇吓發生咩事啦!
疫情下演唱會&Fan Meeting 現況
自從2020年疫情開始擴散之後,幾乎好多演唱會都叫停,特別係2020年至2021年呢段期間好多都被迫要取消或者延遲,fans想見偶像更加難。
빅히트뮤직
不過喺2021年下半年開始,韓國政府開始With Corona,日常生活開始逐漸恢復,開始有唔少演唱會,最近BTS亦都完成演唱會,引嚟全球關注。
疫情下演唱會&Fan Meeting規則
喺韓國如果想睇演唱會、參加Fan Meeting、睇Musical都會喺Interpark網站買飛,以下規則係截至2022年3月15號,演唱會同Fans Meeting規則可能都會有啲唔同。
1. 所有觀眾要量體溫
所有人入場之前都要量體溫,如果體溫超過37.5度,就會限制入場。
2. 必須戴口罩
而家去到邊都要戴口罩,就算入場都冇例外,睇緊表演嘅時候,Secure會睇住大家,如果違反就會即刻拉出場。
3. 提供消毒洗手液
除咗入場要消毒之外,演唱會場內唔少地方都設有消毒酒精,等大家隨時都可以用到。
4. 禁止大叫、嗌口號同交換物品
以前睇演唱會可能都會跟住歌手一齊唱,不過而家連口號都唔可以嗌,只可以用拍手代替。
5. 送禮物俾偶像都有限制
無論係表演前定表演後,都唔可以同偶像有近距離接觸,就連拎簽名、影相、送禮物一樣都唔得。
唔可以大叫情況吓點應援?
雖然好想大叫偶像個名望吓自己,不過而家疫情底下,好多嘢都受到限制,而家就等我哋一齊睇吓仲有咩其他方法幫偶像加油啦!
1. 拍手
自從唔俾大叫之後,唔少人都開始轉用拍手方式去支持偶像,大家聽緊演唱會唔可以企起身或者跳,每個區域都會掛住「用掌聲代替呼叫聲」嘅Banner。
2. 應援氣球或者拍板
雖然拍手係好,但有時拍得多都會痛,呢個時候就可以用氣球或者拍板去代替,大家好似變身成為鼓手咁。
3. 應援棒
인터넷 커뮤니티
每一位歌手都有屬於自己嘅應援棒,只要拎住舉高,一齊揮揮手,對藝人嚟講都係一種鼓勵,佢哋都會明白大家嘅心意。
4. 手機電筒
只要有手機,大家都可以開住閃光燈,一個人做可能唔太明顯,但只要幾個人一齊搖,就會形成一個美景。
5. 事前錄製歡呼聲
之前Highlight同BTS喺演唱會之前,就有預先錄製歡呼聲,營造熱鬧氣氛,好似fans真係幫佢哋加油咁。
6. 手機廣告牌支持
MBC 가요대제전
只要download一個廣告牌app,就可以將你想講嘅說話show俾偶像知,相信唔少人喺電視節目或者音樂會上應該都會見過。
希望疫情快啲結束,之後演唱會可以恢復正常,再次聽到大家嘅歡呼聲啦!
如果有更多想知嘅內容,都可以隨時留言或者dm話俾我哋知:)
Instagram:creatrip.hk