Hello，大家好，我哋係由韓國人每日提供最新韓國旅行資訊嘅Creatrip。

最近韓國疫情每日確診人數破10萬，尋日仲高達26萬，不過中央災難安全對策本部第二次長透過總結發言表示：「經深思熟慮，決定由聽日起（3月5號）將營業時間由22:00延長多一個鐘到23:00，呢一次限制放寬預計去到3月20號。

呢次可以延長營業時間設施，包含餐廳、Cafe、K房、澡堂、室內體育設施、網吧、賭場、電影院、演出場等。

연합뉴스

另外鑑於先前應對Omicron政策改變，新冠肺炎確診者將分成中高齡「集中管理群」以及年輕族群「一般管理群」管理。而家韓國亦免除打完疫苗或要出示陰性證明先可以入鋪頭嘅「疫苗護照」。

  韓國「Omicron」防疫政策

韓國唔少網民都覺得而家唔需要再出示疫苗護照都係一件好事，因為之前如果未打過針只可以單獨食飯，俾人有啲似係歧視嘅感覺。

喺解除疫苗護照嘅同時，韓國亦免除感染者同居人隔離義務，將確診者隔離時間縮短至七日。

  疫苗護照到底係啲咩？

뉴시스

截止3月4號為止，韓國新增266,853例感染，再次刷新疫情以嚟最高紀錄；死亡病例新增186例（總共8,580例），致死率為0.22%；而兩劑疫苗接種覆蓋比率去到86.48%，第三劑追加接種係61.66%。

防疫當局表示自1月第三星期開始，雖然疫情危險度仍維持「高水平」狀態，而且呢個星期危重症患者病床啟動率增加大約50%，但致死率、重症化率等核心防疫指標，目前仲係可以應對狀態。

  有望入境韓國免隔離？

唔知大家對於疫情嚴重咗，但限制放寬咗有咩睇法呢？歡迎留言話俾我哋知。

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購