Hello，大家好，我哋係由韓國人每日提供最新韓國旅行資訊嘅Creatrip。

韓國嘅便利店真係行幾步就會見到一間，有時深夜肚餓，出面餐廳如果閂晒，今日想同大家分享一啲美食組合，唔單止價錢聽而且唔需要任何技巧，好快就會學識，之後你又會唔會想試吓？

韓國便利店美食組合

1. Mark 定食

• 材料：年糕、意粉、香腸、芝士、馬蘇里拉芝士

인스티즈

如果講到便利店美食組合，一定唔可以唔提GOT7嘅「Mark定食」，做法相當之簡單，將所有材料擺入年糕入面，之後用微波爐去叮就可以！相當之好味而且受歡迎！ 

2. BANZZ定食

• 材料：片裝Pizza、年糕、熏雞脾、芝士、番茄醬

편의점을 털어라

呢個組合係由韓國知名吃播實況主BANZZ所創，做法好簡單，只要將所有材料放喺Pizza上再拎去叮就可以！

3. 三角飯糰拌飯

• 材料：三角飯糰2個、炒泡菜、麻油、雞蛋

맛있는 녀석들

三角飯糰拌飯係綜藝《好吃的傢夥們》成員柳敏相創造嘅食譜，只要將兩個三角飯糰，同炒泡菜一齊放喺大碗入面，再打一隻蛋，擺入微波爐叮1至2分鐘，最後落啲麻油撈勻，聞落超香，而且好好味！

4. 部隊鍋拉麵

• 材料：GS Omori泡菜鍋、炒泡菜、香腸、火腿、豆腐

맛있는 녀석들

文世潤嘅部隊鍋拉麵同樣都好受歡迎，只要喺部隊鍋拉麵加炒泡菜、香腸，豆腐、火腿等材料，同食泡麵一樣，加水放入微波爐叮大約1分30秒就完成，同出面食到嘅部隊鍋超似！

5. 拉麵蒸蛋

• 材料：杯麵、雞蛋

유튜브 '가성뷔의 뷔페로그'

呢個做法超簡單，只要食完杯麵，將剩低嘅湯汁加蛋，將佢撈勻放入微波爐叮3分鐘就食得，如果鍾意食芝士，都可以加埋，一樣都係好好味！

6. 辣雞芝士炒飯

• 食譜：辣雞炒麵、吞拿魚三角飯糰、芝士

해먹남녀

煮完辣雞麵，去除多餘水份，加吞拿魚三角飯糰撈勻，最後喺上面加芝士直接食就得！或者拎去微波爐叮一叮再食都唔錯！

7. 辣炒年糕燉飯

• 材料：炒年糕、三角飯糰、芝士

首先將年糕煮熟，之後再加三國飯團，撈勻之後再將芝士鋪喺上面，放入微波爐叮，就可以食到熱辣辣嘅芝士年糕燉飯。

8. 燉牛骨餃子湯

• 材料：牛骨湯麵、餃子

呢個係全炫茂喺韓綜《我獨自生活》介紹過嘅食譜，煮法好簡單，將餃子放入燉牛骨湯拉麵加水，放入微波爐加熱大約2分鐘，就可以食到超香餃子湯麵，真係好味到令人一試愛上！

9. Aussie原味芝士

• 材料：Aussie原味芝士餅乾、切片芝士、芝士條、煙肉（火腿）

喺薯條餅乾上面放滿唔同芝士、再放啲切碎嘅煙肉或火腿，再用微波爐加熱就完成，超適合做下酒菜。

10. 炸豬排蓋飯

• 材料：豬排便當、糖心蛋

맛있는녀석들

便利店成日都會見到豬排便當，首先將飯同豬排拎出嚟，放喺碗入面，再落多隻糖心蛋，同埋牛油醬汁撈埋一齊食就可以！

11. 辣雞拉麵漢堡

• 材料：辣雞炒麵、便利店漢堡

해먹남녀

雖然拉麵同漢堡呢個組合聽落有啲奇怪，但只要食過就會覺得好食到令人停唔到！酸酸甜甜嘅醬汁同辣雞撈麵意外地好夾，食完令人超滿足！

12. 橙香乳酪

• 材料：原味乳酪、橙汁、冰杯

맛있는 녀석들

正所謂食甜品都有第二個胃，如果食完正餐，想食個甜品可以試吓整呢個橙香乳酪，比例係6:4，將佢哋擺入冰杯，咁就大功告成！

13. Milkis藍檸梳打

• 材料：冰杯、Milkis、藍檸梳打

인사이트

只係睇外觀有冇俾佢吸引到？要整佢相當之簡單，倒入三分之一嘅Milkis，再倒啲藍檸梳打，就可以整到咁嘅效果！

14. Yummy義大利餃

• 材料：Bibigo餃子、水牛芝士、肉丸

맛있는 녀석들

Yummy義大利餃係韓綜《好吃的傢夥們》，「2019便利商店」美食排行榜中獲得第一名，將餃子同肉丸放喺微波爐叮熱之後，將肉丸撈碎，放喺餃子上面，再放多一層水牛芝士，喺微波爐叮1分30秒就大功告成！

15. 民基家薯仔泥

• 材料：預感薯片、水

맛있는 녀석들

將三個紙杯份量嘅熱水倒入薯片裡面，等3分鐘，再用筷子撈勻就會變成薯仔泥，意外地幾好味！

16. 雞蛋早餐包

• 材料：牛奶麵包、碎雞蛋、粟米薯仔沙律（GS限定）

首先將麵包微波1分鐘，再切成一半，裡面加碎雞蛋同粟米薯仔沙律，好似食漢堡咁，無論係大人定小朋友都會鍾意食。

17. 浣熊炸醬麵

• 材料：炸醬麵、小浣熊泡麵

來源：나무위키

呢個食譜係電影《上流寄生族》裡面嘅經典口味，好多人睇完都跟住整！將兩種口味調味料各加一半，撈勻就搞掂！

呢啲材料基本上喺便利店都會搵到，只要發揮少少創意，就可以創造出美味組合！

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購