2022虎年生肖運程
原來韓國都信生肖運程？你會唔會好奇自己今年運程係點？即撳入嚟睇吓啦！
Hello，大家好，我哋係由韓國人每日提供最新韓國旅行資訊嘅Creatrip。
唔知大家每一年都會好奇自己生肖運程係點嘅呢？其實韓國人都會跟住自己生肖去睇，今日就同大家介紹一下2022年最幸運同最需要注意嘅生肖係邊幾個啦！
2022虎年生肖運程
你嘅生肖係？
生肖 | 出生年份 |
鼠 | 96年、84年、72年、60年 |
牛 | 97年、85年、73年、61年 |
虎 | 98年、86年、74年、62年 |
兔 | 99年、87年、75年、63年 |
龍 | 00年、88年、76年、64年 |
蛇 | 01年、89年、77年、65年 |
馬 | 02年、90年、78年、66年 |
羊 | 03年、91年、79年、67年 |
猴 | 92年、80年、68年、56年 |
雞 | 93年、81年、69年、57年 |
狗 | 94年、82年、70年、58年 |
豬 | 95年、83年、71年、59年 |
因為生肖係每12年一個循環，如果上面冇大家出身年份，可能就要進行加減。
喺韓國如果有時覺得直接講年齡有啲怕羞，或者當老人家唔記得自己幾歲嘅時候，都好鍾意用自己屬咩生肖去表達。例如韓國人都會咁講：「我係98年屬虎」咁。
咩係三災生肖（삼재띠）？
형님이 돌아왔다、아내의 유혹
「三災」概念嚟自佛教，意思係9年輪迴三年嘅災禍，當中災難分為三種：工具或武器刺傷、流行病引起或飢餓災難，一般嚟講，三災年會需要比較小心，不過隨住時間推移，災難程度會越嚟越少。
2022年三災生肖：鼠、龍、猴
2022年壬寅年，屬「鼠、龍、猴」都係三災生肖，所以要更加小心，小編參考咗YouTube Channel「國家大神宮（나라대신궁）奈良大神社影片想同大家分享。
屬龍
屬龍嘅韓星包括金鍾國、朴敘俊、車太鉉、Super Junior 圭賢、林時完、丁海寅等。聽講今年屬龍嘅朋友，會有文件、合約或提案等邀約，其實三災生肖唔一定只係會發生壞事，都有好事發生，不過喺人際關係方面要注意啲。
屬猴
屬猴嘅韓星包括曺政奭、金泰熙、泫雅、Zico、Hani、禹棹奐、宣美等。今年好有「移動運」、喺工作方面都幾幸運，不過最緊要留意返當月份同自己夾唔夾先好簽，如果唔係投資會賠錢，要好好考慮清楚。
屬鼠
屬「鼠」嘅韓星包括劉在錫、柳演錫、請夏、Red Velvet Joy、SF9 路雲、姜丹尼爾等，今年最需要注重嘅就係健康問題，如果唔好好管理，小病都可能變成大病！雖然工作方面會有好多合作，但唔好只係齋等，2022年對屬鼠嘅朋友嚟講可能都有啲辛苦，如果病咗一定要去醫院做檢查！
2022年幸運生肖：馬、兔、狗
2022年壬寅年，屬「馬、兔、狗」嘅朋友有機會可以中大獎！小編參考YouTube Channel「宮合TV（궁희TV）」上影片講到，運氣好到係就算瞓喺度都可以中大獎！
屬狗
屬「狗」嘅韓星有秀智、f(x) Krystal、Girl's Dya 惠利、Apink 娜恩、BTS RM、BTS J-Hope、EXO 世勳等，2022年財運幾唔錯、會遇到貴人、事事順心、努力就會達到目標，可以話係運氣非常之好。
屬兔
屬「兔」韓星包括李敏鎬、韓孝珠、吳漣序、金裕貞、池昌旭、安宰賢、Beenzino等，個性通常都係比較有警惕性，今年財運都幾唔錯，聽講喺買樓同投資方面運勢都幾好、做營業方面都有一張幾靚嘅成績出嚟。
屬馬
屬馬韓星包括李智雅、金荷娜、河智苑、河正宇、水昌男孩殷志源、少女時代 潤娥、朴信惠等，通常都會有準確目標同動力，今年喺金錢同人際方便都好好運，比如年底可能會有更好發展、會遇到貴人幫助。
以上都係比較好運或者需要注意嘅生肖，而家就介紹埋其餘嘅生肖運程係點啦！
屬牛
屬牛嘅韓星包括呂珍九、ASTRO 車銀優、BTS 柾國、鄭宇盛、宋仲基、BLACKPINK Rosé、徐玄振等，今年屬牛朋友係多事之年，有好多新變化，對各個領域產生好奇，可以儲到好多經驗，對未來有幾唔錯幫助。所以屬牛嘅朋友，可以喺各個領域挑戰自己，努力迎接一個幸福年！
屬虎
屬「虎」嘅韓星包括劉亞仁、金宣虎、柳俊烈、尹施允、朴敏英、全昭旻、TWICE多賢等，2022年咁啱係「虎年」，雖然對屬虎朋友嚟講係風雲變測、比較混亂嘅一年，但亦因為咁可以好好計劃未來點去安排，回顧一下過去，尤其係如果太過於專注工作，可能會用哂自己嘅運氣，要整理吓同再管理好人際關係。
屬蛇
屬蛇嘅韓星包括元斌、金喜善、Psy、蘇志燮、池晟、少女時代 太妍、Infinite 聖圭、Cnblue 鄭容、Highlight 斗俊等。2022年對屬「蛇」嘅朋友嚟講係需要好努力嘅一年，如果有進行緊一啲計畫，建議唔好一下子投資太多，當事情進展得順利，就會有一筆錢俾入嚟，但同樣都係要小心人際關係。
屬羊
屬「羊」嘅韓星包括李奈映、林秀晶、李孝利、金高銀、孔劉、神話Eric等。對屬羊嘅朋友嚟講，今年係需要用耐心同責任增加運氣嘅一年，可能會因為擔心太多而錯失機會，屬「羊」朋友性格往往都係太謹慎同優柔寡斷，但今年需要比平時更大膽以減少損失。
屬雞
屬「雞」嘅韓星包括趙寅成、李東旭、曹汝貞、全智賢、宋慧喬等。今年對屬雞嘅人嚟講係一個只要心情舒暢、努力工作，就可以有好成績嘅一年。只要勤勉不懈，不過千祈唔好短視近利，要以大獲全勝為目標、歷經磨難，必定成功。
屬豬
屬「豬」嘅韓星包括尹汝貞、申東燁、馬東石、BTS Jimin、BTSV、BLACKPINK Jennie等，2022年對豬嘅朋友嚟講來係好幸運嘅一年，無論做咩運氣都好好、面且仲會有意想不到嘅好運降臨，遇到唔好嘅事會有貴人相助、財運、桃花運都唔錯，但千祈唔好衝動行事，同時要小心健康運。
以上係2022年個生肖嘅運程，只係一個參考千祈唔好迷信，相信只要努力一定會得到回報，希望大家今年都可以幸福同好運，一齊加油！
資料來源：tournews、유튜브 나라대신궁、유튜브 궁희TV
如果有更多想知嘅內容，都可以隨時留言或者dm話俾我哋知：）
Instagram：creatrip.hk
