logo

測試你係唔係一位霸氣姐姐?

你份人霸唔霸氣?即撳入嚟玩個小測試啦!

마타티카
10 months ago

Hello,大家好,我哋係由韓國人每日提供最新韓國旅行資訊嘅Creatrip


唔知大家有冇聽過韓國「센언니」呢個字呢?到底係咩意思?而你又係唔係一位「센언니」即刻玩個小測試啦!



咩係「센언니」?

玩什麼好呢 退貨遠征隊


如果有關心韓國時事嘅大家,應該都會聽過呢個字,特別係如果有追韓綜「玩什麼好呢」之前推出嘅「退貨遠征隊」更加一定知!

센언니係세다(強勢、霸氣、兇猛等)+ 언니 (Onni/姐姐),加埋一齊即係霸氣姐姐/強勢姐姐。


街頭女戰士


韓國除咗會寫센언니之外,有時仲會寫쎈언니,發音更加強,聽落都再勁啲!之前Jessi就有一首關於霸氣姐姐(Ssenunni)嘅歌。


我就算著咩著咩都(내가 뭘 입어도 뭘 입어도)

就算我講粗口講粗口(내가 혹시 욕을 해도 욕을 해도)

就算其他人講我啲咩講啲咩(사람들이 내게 뭐라 해도 뭐라 해도)

Then still look at me like

好靚 啊啊 好靚 好靚 好靚(아이뻐라 아이아이 아이뻐라 아이뻐라 아이뻐라)

所有人望住我(모두 날 보면)

好靚 啊啊 好靚(아이뻐라 아이아이 아이뻐라)

就算我我我望住自己都(내 내 내가 날 봐도)




如果之前有睇《街頭女戰士》就可以睇佢哋比賽有幾強勁,喺戰鬥開始之前,Honey J仲對住大家講:「睇住啦!Onni之間要開戰啦!」簡單一句超有氣場,聽到真係會起哂雞皮。講霸氣真係唔係人人做到!


而家就同大家玩一個小遊戲,睇吓你自己係唔係一位霸氣Onni啦!

規則:回答以下問題:2=係、1=有時、0 =唔係

題目
係 (2)
有時 (1)
唔係 (0)
1. 你一直對自己都好有自信


2. 從來都唔驚講出自己想法


3. 你身體同感覺最重要


4. 你隨時準備好面對任何問題


5. 唔會在乎啲講你八卦嘅人


6. 只要有比賽你都會參加


7. 你嘅口頭禪係「I dont't Care」


8. 你只在乎自己唔太理其他人點諗


9. 比起靚你成日聽到型呢個字


10. 每當身邊朋友有事,佢哋第一時間會諗起你。




分數結果

14 - 20分

Jessi


恭喜你!你完全係一位霸氣姐姐!你永遠都做好準備好去戰鬥,而且你係一位好有自信嘅人,或者身邊唔少人都會叫你做「媽媽」(好有保護性),做自己係好,但有啲人可能誤會你係一位傲慢而且咄咄逼人嘅人。



10 - 13分 

愛的迫降


你係一位好有自信嘅人,好有領導能力,就算有咩問題都可以解決,不過因為你會好在乎身邊人講嘅嘢同環境,所以未去到一位好霸氣嘅人。



5 - 9分


如果喺小組入面你係一位無所不能嘅人,不過有時同一班朋友一齊,你唔係好敢講你嘅諗法或者感受,因為怕俾其他人講是非,希望你可以有返啲自信心,拎啲勇氣出嚟去表達!



0 - 4分


可能你係一位冇咩自信嘅人,你成日都會好在意身邊人講嘅嘢,甚至好鍾意自己諗埋一邊,希望你可以慢慢有返自信心,更加愛惜自己!


唔知大家有拎到幾多分?係咪一位霸氣姐姐呢?歡迎留言話俾我哋知!




如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面

 韓國代購

熱門文章

LoadingIcon
熱門文章