同我夾嘅Fashion Style
一直都唔知邊一種時尚穿搭最適合自己？不如就撳入嚟玩個小測試啦！
Hello，大家好，我哋係由韓國人每日提供最新韓國旅行資訊嘅Creatrip。
唔知大家平時著衫風格係點嘅呢？如果一直都搵唔到屬於自己嘅風格，有冇諗過玩一個小測試去睇吓？今日小編準備咗一個小遊戲，每一個類型都有四個問題，只要答係同唔係就可以，如果同一個問題有3題都「係」嘅話，即係你適合嗰種風格。
問題一
問題 | 答案 | |
成日會有人讚你可愛，或者你會想打扮得cute啲。 | 係 | 唔係 |
你身高係平均之中偏矮。 | 係 | 唔係 |
衣櫃入面有好多粉紅色衫。 | 係 | 唔係 |
平時好鍾意食連身裙/短裙。 | 係 | 唔係 |
結果：由頭到腳都係可愛少女風！
由登場嘅一刻已經令人覺得你超可愛！唔知你平時用開嘅化妝品係唔係好多都係粉紅色嘅呢？小編推薦大家可以著多啲連身裙，特別係粉藍色、淺黃色、粉色等，除咗夠可愛之外，仲會遮到大脾位同顯得腰瘦。
問題二
題目 | 答案 | |
本身鍾意白色同燕麥色多。 | 係 | 唔係 |
鍾意俾人一種冇打扮到但其實打扮咗嘅感覺。 | 係 | 唔係 |
雖然鍾意靚嘢，但又唔想太突出。 | 係 | 唔係 |
比起流行款，鍾意買基本款多。 | 係 | 唔係 |
結果：唔鍾意太突出，鍾意啲謙虛經典時尚風。
雖然你唔鍾意太突出，但成日都聽到有人讚你著衫好睇，通常白色、米色、燕麥色都好襯你，就好似簡單一件白色t-shirt加條藍色牛仔褲，或者白色衫加件米色短裙都一樣好好睇，手袋方面都係揀單色就夠。
問題三
題目 | 答案 | |
平時鍾意聽HipHop嘅歌。 | 係 | 唔係 |
你嬲嘅時候唔會擺喺心，會發洩哂出嚟。 | 係 | 唔係 |
之前有search過潮牌。 | 係 | 唔係 |
平起下身，對上身會更有自信。 | 係 | 唔係 |
結果：你絕對係一位潮人！
小編估你係一個好潮嘅人，而且應該都幾鍾意跳舞。想推薦你韓國最流行嘅闊身褲襯短身衫，闊身褲除咗可以顯腿長之外，如果鍾意著得舒服嘅你更加唔可以少咗條，如果上身係著露臍衫一樣都有反轉魅力，俾人一種強勢嘅感覺。
問題四
題目 | 答案 | |
可以著住緊身褲周圍去邊都得。 | 係 | 唔係 |
每日都要做一次運動。 | 係 | 唔係 |
有時運動裝同日常裝係冇分別。 | 係 | 唔係 |
買衫多數講求佢實唔實用。 | 係 | 唔係 |
結果：運動已經成為你日常生活中之一，最鍾意著運動休閒裝。
喺日常生活之中，你最講求要著得舒服，就算只係一件簡單t-shirt，再加一條運動褲加對襪，已經有種時尚性感美，通常外面再加返一件Oversize嘅外套，咁仲顯得更有型。
問題五
題目 | 答案 | |
鍾意啲顯得有女人味嘅衫。 | 係 | 唔係 |
揀衫嘅時候鍾意揀啲又輕又滑。 | 係 | 唔係 |
鍾意著啲好顯身材嘅衫。 | 係 | 唔係 |
同好耐冇見嘅另一半見嘅時候需要一件新衫。 | 係 | 唔係 |
結果：你係追求有氣質。
喺某啲日子入面，係唔係都想自己著得有女人味啲呢？呢個時間可以揀啲恤衫再襯牛仔褲，簡簡單單都已經好好睇，就算係約會定係返工Look都冇問題。
問題六
題目 | 答案 | |
成日都鍾意一大班人聚埋一齊。 | 係 | 唔係 |
今晚做主角冇諗過要讓俾其他人。 | 係 | 唔係 |
如果眼影唔用啲閃令令會唔得。 | 係 | 唔係 |
雖然要出去會覺得好麻煩，但只要一出就會比任何人更玩得。 | 係 | 唔係 |
結果：你最搶鏡！好適合著Bling Bling Party Look！
今晚主角仲唔係你？雖然要出去好哂時間同精力，但只要一出你就會任何人都更加玩得！閃令令嘅衫如果覺得太有負擔，咁不如試吓先著豹紋款先，一樣都係吸引到唔少人注意。
問題七
題目 | 答案 | |
聽日都係一個打工仔。 | 係 | 唔係 |
就算係靚花紋嘅衫都會覺得有負擔。 | 係 | 唔係 |
衣櫃入面有85%以上嘅衫都係黑色、白色、灰色同藍色。 | 係 | 唔係 |
揀衫嘅時候鍾意揀啲端正款。 | 係 | 唔係 |
結果： 文青Look應該就唔會有錯！
鍾意啲簡單又俾人感覺乾淨嘅衫，如果你係一位上班族可以參考上圖，雖然只係淨色，但只要配其他首飾已經係另一種feel。
問題八
題目 | 答案 | |
你係一位學生，聽日仲要上早堂。 | 係 | 唔係 |
預咗唔會洗頭，想著啲可以襯帽嘅衫。 | 係 | 唔係 |
喺考試期間或者太忙，就唔會想理fashion。 | 係 | 唔係 |
唔太鍾意出街，鍾意留喺屋企。 | 係 | 唔係 |
結果： 只要有帽嘅衛衣或外套實冇錯。
有時懶起上嚟，真係唔會想點襯衫，呢個時候有帽外套就係最好嘅幫手，好多時見到會咁著嘅都係大學生或就職生，有時趕時間上第一堂著佢就唔會有錯，韓國人多數都會鍾意揀啲遮住屁股，入面著會緊身褲就OK！
問題九
題目 | 答案 | |
鍾意著間條衫。 | 係 | 唔係 |
認為買流行嘅衫好奢侈。 | 係 | 唔係 |
因為平時要走嚟走去，唔會揀啲著上身唔舒服嘅衫。 | 係 | 唔係 |
鍾意揀啲衫可以襯到任何外套。 | 係 | 唔係 |
結果：間條休閒裝最啱你！
因為你成日都要走嚟走去，揀啲舒服嘅衫對你嚟講好重要，如果唔想只係單色T-shirt，可以由簡條開始。
問題十
題目 | 答案 | |
鍾意啲簡單又舒服嘅衫。 | 係 | 唔係 |
有天藍色恤衫同米色棉褲。 | 係 | 唔係 |
需要休閒上班服。 | 係 | 唔係 |
想試吓最近韓國流行緊嘅女裝。 | 係 | 唔係 |
結果：你著緊韓國流行常秀Look！
喺2021年，唔少韓國女仔都好鍾意追求常秀Look，睇落相當舒服同有魅力，只要試過一次就好難擺脫。
主要係寬鬆嘅薄恤衫，搭配寬鬆褲，著得舒服之餘又不失高貴，深受大家嘅喜愛！另外常秀Look其實係改自韓國好有名嘅導演洪常秀。
唔知大家測完呢10條問題，最後搵唔搵到自己屬於咩風格呢？歡迎留言話俾我哋知！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
