Hello，大家好，我哋係由韓國人每日提供最新韓國旅行資訊嘅Creatrip。

好多人都話拍拖之前，曖昧嘅時間都係最幸福，而韓仔表白之前，佢哋都會講咩呢？通常呢啲句子係韓劇都會經常聽到，之後想同韓妹拍拖，都可以學吓㗎 

韓國男仔表白方式

1. 우리 사귈래?
（可唔可以同我一齊？）

發音：uli sagwillae?

好多時表白，呢一句都係經典中嘅經典。사귀다（交往）可以用於朋友/男女朋友關係。但當一個男仔係女仔咁講嘅話，好多時都係講可唔可以同我一齊。

2. 우리 계속 만날까?
（我哋可唔可以一直見面？）

發音：uli gyesog mannalkka?

唔敢直接講一齊，轉用我哋可唔可以一直見面，都係一種可愛嘅表白方式。

3. 우리 만나자
（我哋見面啦）

發音：uli mannaja

同우리 계속 만날까?意思一樣，都係想一直見面嘅意思，如果男/女主動講呢句，都係開始咁嘅意思。

4. 너랑 매일 보고싶어

（每日都想同你見面）

發音：neolang maeil bogosip-eo

너랑（同你） 매일（每日） 보고싶어（見面），可能只係講會覺得有啲尷尬，不過如果唔係想一齊，又點會想日日見呢？聽到呢句嘅時候，即係明示對你有好感。

5. 오늘부터 우리 할래 ?

（由今日開始變成「我哋」？）

發音：oneulbuteo uli hallae ?

喺韓國成日都會聽到「우리」（uli）呢個字，簡單嚟講即係我哋咁解，喺韓國講「우리」有種屬於只有「我哋兩個」嘅感覺，成句오늘부터 우리 할래 ? ＝由今日開始你＋我變成「我哋」咁解。

6. 오늘부터 1일하면 되는거지?

（由今日起係第1日？）

發音：oneulbuteo 1ilhamyeon doeneungeoji

韓國人好重視紀念日，如果佢哋講到오늘부터 1일하면 되는거지?，即係代表今日係拍拖嘅第一日。

7. 연애하자 우리

（拍拖啦我哋）

發音：yeon-aehaja uli

呢句연애하자 우리簡而精，有種似係大男人表白嘅方式，只係諗吓都覺得好心動。

8. 널 더 알아가고싶어

（好想再了解你多啲）

發音：neol deo al-agagosip-eo

雖然只係朋友都會想互相了解，但如果男仔咁樣講嘅話，即係想同你發展情人關係。

9. 내 하루에 네가 있으면 좋겠어

（我希望每一日都有你喺身邊）

發音：nae halue nega iss-eumyeon johgess-eo

我希望每一日都有你喺身邊，相信每一個女仔聽到都會心動，男方認定自己，係一件好幸福嘅事。

係唔係都覺得好多喺韓劇嘅都聽過呢？每次曾經都幻想自己係女主角，如果有韓仔咁樣同大家表白，你又會唔會受呢？

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購