盤點13個韓星創出嘅造型
時尚天王GD每次嘅造型都掀起風潮,除咗佢之外,仲有邊個時尚天王、天后?
Hello,大家好 ,我哋係由韓國人每日提供最新韓國旅行資訊嘅Creatrip。
韓國一直係一個對時尚、美容好敏銳嘅國家,好多明星名人都創過唔少特別嘅造型,今日就一齊嚟睇吓13個由韓星帶起嘅潮流啦。
盤點13個韓星創出嘅造型
G-Dragon - 懶人鞋
2018年初,GD著住佢鍾意嘅Vans鞋出現。佢著嘅方式好特別,無將成隻腳穿入鞋度,後踭好似拖鞋咁,露出嚟。 自此之後,韓國就越嚟越多人咁樣著。
MK스포츠, OSEN
掀起熱潮之後,韓國Fila、MLB……等一系列鞋履品牌推出咗無後踭嘅半拖鞋型嘅鞋款,被稱為懶人鞋,等大家可以跟住GD嘅style,又唔驚整壞對鞋。
G-Dragon - 鯔魚頭 (Mullet)
時尚大王GD除咗創出懶人鞋嘅著法之外,仲帶起鯔魚頭嘅潮流。 呢個係兩邊都剪短,後腦勺就留長嘅髮型。
GD開創呢股風潮之後,唔只韓國藝人緊隨其後,喺韓國街上都好容易見到二十歲頭出嘅男仔剪咗呢個髮型。
Red Velvet Wendy - layer髮型
Wendy剪咗呢個分咗layer嘅髮型之後,立刻喺韓國年輕人之間變得超紅。 好多韓妹去salon剪頭髮都指明要寫Wendy呢個頭。
Apink 娜恩 - 運動leggings
娜恩出名身型好,同有一對美腿。 娜恩穿著運動leggings練蹈嘅影片公開之後,開創咗著運動leggings嘅潮流,更加成為咗Adidas嘅代言人!
BTS 柾國 - 生活韓服
有睇韓綜《孝利家民宿》嘅話,都成日見李孝利著生活韓服,而最近再令更多人認識生活韓服嘅就係BTS柾國,佢多次著住改良自傳統韓服嘅輕便式生活韓服亮相。
好似係去機場、參加綜藝等,都係咁嘅打扮。生活韓服俾人一種舒適,平易近人嘅感覺。 除咗柾國之外,都仲其他偶像藝人著過唔到牌子、款式嘅生活韓服,大家可以撳入以下嘅link了解更多。
金高銀 - 牛角鈕大褸
隨住《鬼怪》嘅人氣,金高銀令呢款牛角鈕大褸再次紅起嚟,幾乎每個人都有一件。
呢款褸好有學生風,可愛感萬分。冬天嘅時候就見好多學生、年輕少女都著呢款大褸。
高準熹 - 短髮 + 項圈
當年同朴敘俊、黃正音合拍嘅《她很漂亮》,就掀起短髮加項圈嘅潮流。嗰排真係周街都賣住各種款式嘅項圈,不過真係要好小心揀,一下失手就好似戴 圈咁。
而短髮到今年仍然好hit,超型超charm!
BLACKPINK Jennie - High Teen
Jennie 可以話係韓國嘅時尚偶像,創出好多潮流,最典型嘅就係呢種 High Teen風格。
High Teen係一種睇起嚟年輕現代嘅穿搭,同時又有復古韻味,是目前韓國流行嘅時尚款式之一。想多了解High Teen風格同今年其他流行時裝可以撳入以下嘅link。
BLACKPINK Jennie - 頭頂挑染
BLACKPINK 以〈How You Like That〉回歸時,Jennie頭部部分嘅頭髮挑染成金色,超級突出,令fans同時尚美妝嘅設計師都好surprise,當然之後就成為一種潮流。
唔只Jennie,好多男idol、女idol都跟住咁染。喺韓國街頭上亦唔難見到染咗呢種髮型嘅人。
BLACKPINK Jisoo - 大型頭飾
BLACKPINK嘅〈How You Like That〉預告照曝光後,Jisoo嘅妝容同黑色大蝴蝶結亦成為熱潮。
戴上呢種大嘅蝴蝶結,溫柔、優雅嘅氣質即刻出晒嚟。 如果唔鍾意兩邊都夾,亦可以夾單邊,一樣咁靚。
BLACKPINK Jennie - 大蝴蝶結上衣
呢件胸前大蝴蝶結嘅吊帶上衣喺Chanel fashion show登場之後,加上BLACKPINK Jennie著起,立刻喺韓國,同其他好多國家都掀起呢款上衣嘅熱潮。
著起上嚟性感之餘,大蝴蝶結又增添幾分可愛~ 另外Oh My Girl嘅Arin同YooA 喺《Dun Dun Dance》回歸時都穿過呢件衫。
BLACKPINK Lisa - 露臍裝 + 牛仔褲
BLACKPINK Lisa除咗舞技出色,最出名嘅就係佢20寸小纖腰。露臍裝,搭闊身嘅牛仔褲就成為佢嘅特色之一。
而家韓國街上都成日見到唔少年青人咁著,可見Lisa嘅影響力都非常大。
BLACKPINK Jennie - 腰帶
BLACKPINK Jennie 亦都曾經掀起過一股新潮流,就係喺纖細嘅腰上戴上細帶,就好似將戒指戴喺腰度咁。
腰上多咗個圈,唔單為露臍裝生色不少,又可以突出纖細腰部嘅線條更加突出同特別。
如果有更多想知嘅內容,都可以隨時留言或者dm話俾我哋知:)
Instagram:creatrip.hk