logo

經理人用力推開fans嘅原因

經理人對fans好暴力?兩位前經理人親自解釋推開fans嘅原因

피비 @creatrip
a year ago

Hello,大家好,我哋係由韓國人每日提供最新韓國旅行資訊嘅Creatrip


想見到偶像,通常都會去機場接機、公司門口前,或者去錄節目嘅路上等等,但唔係次次自己都可能親自去追,所以有時會去睇其他fans親自拍嘅片,而喺片度不時會見到經理人用力推啲fans!究竟點解佢哋要咁做呢?最近有個訪問提到呢個問題,佢哋解釋咗咁做嘅真正原因,一齊去睇吓啦!



經理人用力推開fans嘅原因

經理人用力推開fans嘅原因

heartfelt_921204


做偶像嘅貼身經理人係唔少fans夢昧以求嘅工作之一,因為可以每日都近距離接觸到自己最鍾意嘅偶像,睇落又唔難做。事實上,唔係個個經理人都係貼身跟住偶像,仲有其他職位嘅,包括Road Manager、室長等等。


而且經理人嘅工作都好辛苦,又好有挑戰性,收入亦唔係大家想像中咁高。真係要真心鍾意Kpop,好有耐心同決心先可以堅持做落去嘅職業。


  明星經理人介紹


韓星 經理人chosun


不過經理人有一樣嘢係Kpop fans最唔鍾意嘅,就係用力推fans,有時甚至令fans跌倒,所以成日都俾fans譴責(?)佢哋點解要咁暴力。


明星經理人


YouTube頻道「AYO」邀請咗嚟自R娛樂嘅白景材(音譯/백경재),同埋S娛樂嘅南允才(音譯/ 남윤재)兩位前明星經理人詳細講解佢哋嘅工作。佢哋除咗講到人工低之外,仲講到佢哋嘅職責,更加解開「暴力對fans」嘅誤會。


白經理人話佢做經理人嘅時候,做得最多嘅就係阻擋唔聽指示,亂咁嚟嘅fans,但係冇試過對fans施于暴力,最多都係推開佢哋。佢解釋話因為部分fans,特別係學生,就算同佢哋講要保持距離,好多時都唔聽,係咁向前衝想見自己嘅偶像,咁嘅情況下就會用身體阻擋,同推開佢哋。


韓國偶像經理人


南經理人補充話,現場成日都發生對偶像同經理人好危險嘅情況,偶像又唔可以為咗安全而直接同fans講「唔好行埋嚟」,所以呢個重任就落喺佢哋經理人身上,確保唔會發生意外。




最後,白經理表示,希望同fans互相保持禮儀,展現fans嘅精神。


資料來源: youtube@AYO 


經理人之所以有時用力推開fans,都係逼不得已,係保護偶像同其他在場嘅人,防止意外發生。明白大家都好想見到偶像一面,不過推推撞撞真係好容易出意外,加上現場咁多人,一個跌低,好易骨牌效應咁造成嚴重意外。相信大家都唔想咁,最後同經理人一樣咁講,希望大家互相尊重,保持禮儀,fans嘅行為某個程度都係代表緊偶像,唔好要自己鍾意嘅偶像為fans嘅唔好行為埋單!最重要嘅都係安全啊!




如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面

 韓國代購

熱門文章

LoadingIcon
熱門文章