高陽美食｜擔擔麵工房
韓國第一間擔擔麵專門店「擔擔麵工房」，口味多，保證你食過番尋味！
Hello，大家好，我哋係由韓國人每日提供最新韓國旅行資訊嘅Creatrip。
韓國湯麵有好多種，不過大家又知唔知韓國都有擔擔麵嘅呢？口味同其他國家好唔一樣，而今日小編想為大家介紹嘅呢一間係韓國第一間擔擔麵專門店，叫做「擔擔麵工房」，唔少電視節目都介紹過，如果大家有興趣就要繼續睇落去啦！
高陽美食「擔擔麵工房」資訊
- 地址：경기 고양시 덕양구 고양대로 1955 3F
- 營業時間：10:00 - 22:00（Last Order 21:00）
- 小Tips：三松站3號出口出嚟之後行大約10分鐘
高陽美食「擔擔麵工房」推薦理由
- 呢間鋪頭上過唔少電視節目，就好似「認識的哥哥」、「生活的達人」等都有介紹過，每次望住佢哋食，都好想食埋一份。
- 呢度嘅擔擔麵有好多款揀，總有一款係啱你口味。
- 呢到嘅擔擔麵同其他國家食嘅好唔同，佢係特別配合韓國人口味，想食到比較特別嘅擔擔麵一定要嚟呢度試吓。
高陽美食「擔擔麵工房」優惠
- 只要係叫1人套餐，向職員出示優惠券，即送一粒餃子。
- 唔需要預約。
- 如果用coupon嘅時候，有任何疑問都可以send email到help@creatrip.com。
- 如果係用無人機器落單，請落完單之後，去搵最近嘅職員出示優惠券。
- 優惠可以喺starfield高陽店 、starfield河南店、現代Premium Outlet 松島店、釜山樂天百貨店 西面店 、弘大總店、首爾林店、 文井店等分店用。
*可使用分店*
- 弘大總店：서울 마포구 잔다리로6길25
- 首爾林店：서울 성동구 성수동 1가 656-335 성수메가박스 사옥 2F
- starfield高陽店：경기 고양시 덕양구 고양대로 1995 3F
- 現代Premium Outlet 松島店：인천 연수구 송도국제대로 123 B1
- 釜山樂天百貨店 西面店：부산 부산진구 가야대로 772 B1
- starfield河南店：경기 하남시 미사대로 750 3F
- 文井店：서울 송파구 법원로8길 13 109
高陽美食「擔擔麵工房」 價錢
菜單 | |
| 主餐 | 價格 |
| 擔擔麵 탄탄면 | ₩10,800 |
| 辣擔擔湯飯 얼큰 탄탄 국밥 | ₩9,800 |
| 青陽擔擔麵 청양탄탄면 | ₩11,000 |
| Ragu擔擔麵 라구탄탄면 | ₩11,500 |
| 四川擔擔麵 사천탄탄면 | ₩11,500 |
| 芝士擔擔麵 치즈탄탄면 | ₩11,500 |
| 酸拌擔擔麵 새콤비빔탄탄면 | ₩10,000 |
| 麻辣擔擔麵 마라탄탄면 | ₩11,500 |
| 蝦餃湯麵 새우탕면 | ₩11,500 |
| 冷擔擔麵 냉탄탄면 | ₩10,500 |
| 套餐 | |
| 2人套餐 2인 탄탄 세트 | ₩29,800 |
| 1人套餐 1인 혼탄 세트 | ₩13,800 |
| 炸物 | |
| 餃子 육고명튀김교자 | ₩4,000 |
| 無骨炸雞 150g 바삭순살닭튀김 150g | ₩4,800 |
| 追加 | |
| 蝦雲吞 새우완탕 | ₩2,500 |
| 水牛芝士 모짜렐라 치즈 | ₩1,500 |
| 肉碎 육고명 | ₩1,500 |
| 半熟雞蛋 반숙맛계란 | ₩1,500 |
高陽美食「擔擔麵工房」介紹
好多人去到高陽，都一定會行大型商場Starfield，嗰度除咗好行之外，仲有唔少美食等住大家！呢間「擔擔麵工房」相當之出名，由有30年經驗嘅大師研究出，同時係韓國第一間擔擔麵專門店，曾經仲上過唔少電視節目，就好似《認識的哥哥》、《生活的達人》等。
《認識的哥哥》
呢度擔擔麵工房係採用開放式廚房，大家可以親自睇到廚師煮嘅過程，食得安心又放心。
呢度有好多位，不過聽講只要一到星期六、日晚餐時間就會有坐滿人，所以如果大家之後去，都可以盡量就返時間。
落單嘅時候，記住要出示優惠券，叫1人套餐即刻可以免費獲得一粒餃子。除咗高陽Starfield嘅擔擔麵工房之外，同時亦可以喺弘大、首爾林、文井、現代Premium Outlet松島店、樂天百貨釜山西面店、Starfield河南店、現代百貨板橋店等其他分店用。
落完單之後再去櫃檯拎
正式介紹每一款menu之前，大家覺唔覺得呢到嘅碗好特別呢？呢個碗係用朝鮮白瓷器主題，整成好似半月咁嘅圖案，因為碗比較圓同斜，所以一路食嘅時候仲係熱辣辣。
一人套餐（1인 혼탄세트）₩13,800
呢個係最多人會叫嘅套餐，當中係包括一碗擔擔麵同一碗麻藥醬油蛋飯。
大家喺食麵之前，可以先試吓佢哋嘅湯底，湯底用咗堅果去製成，超濃味，同埋啲肉醉食真係好好味，大家可能見到相會覺得湯好紅，但佢一啲都口唔辣，大家可以放心咁食。
另外，擔擔麵工房採用發酵生麵，食起嚟更多水份同有咬口，所有材料撈埋一齊食真係好好味！😋
呢個麻藥醬油蛋飯，大家只要將所有半熟蛋、福神漬、紫菜同麻藥醬油一齊撈勻食就可以，相當有韓國風味，如果大家怕乾，亦可以同擔擔麵湯一齊撈嚟食。
青陽擔擔麵（청양탄탄면）₩11,000
忠清南道青陽出產嘅辣椒之中，揀咗頭1%青陽辣椒製成擔擔麵，鍾意食辣嘅朋獲絕對唔可以錯過！
雖然真係好辣，但佢好惹味，令人忍唔住食完一啖又一啖😋 將麵同豆芽夾埋一齊食，再像一啖湯，呢個組合真係無敵啊！
麻辣擔擔麵（마라탄탄면）₩11,500
唔知大家鍾唔鍾意食麻辣燙呢？呢款麻辣擔擔麵嘅加咗超香麻辣醬，一上檯已經俾佢味道吸引。
呢幾年，喺韓國真係越嚟越多麻辣燙鋪頭，好多食物都會加入麻辣味，而呢度嘅麻辣真係令人食過番尋味，只係飲一啖湯，大家都會慢慢feel到條脷開始有啲麻，但仍然有一種魅力係令人想一直繼續食。如果平時都鍾意食麻辣嘅朋友，嚟呢度食一定唔會令你失望。
酸拌擔擔麵（새콤비빔탄탄면）₩10,000
天氣熱大家會唔會覺得食咩都冇乜胃口呢？如果係咁，小編想推薦大家食呢個酸拌擔擔麵，佢結合咗酸、甜、辣味，麵上面麵放咗蔥絲、雞蛋絲同肉碎，將佢哋撈埋一齊，酸酸甜甜嘅口感真係令人一試愛上，完全係停唔到落嚟！
出示優惠券即送一粒餃子
最後只要叫1人套餐，出示優惠券即刻可以免費獲得一粒餃子！
大家睇吓餡料相當之多，就算唔點任何醬汁都已經好好食！不過大家亦可以將餃子分一半，先一半食原味，另一半浸入擔擔麵嘅湯到食。
最後就一次過教大家點樣可以100%食擔擔麵啦！
1. 將大蔥同麵同肉一齊攪勻。
2. 先試飲一啖湯。
3. 大家可以試到個湯有幾濃郁。
4. 之後將蔥同麵一齊夾起嚟食。
5. 將半熟蛋同加少少湯一齊食。
6. 將餃子切開一半，大家可以先食一半。
7. 將另一半餃子放入湯一齊食。
8. 食到一半嘅時候，大家可以再落佢哋提供嘅大蒜撈勻一齊食。
9. 雖然重口味再啲，但真係好好食。
10. 食完麵之後，大家可以加啲泡菜同飯一齊撈勻食（白飯要問職員拎）。
11. 最後食得乾乾淨淨咁就完成啦！
如果叫擔擔麵嘅話，會隨餐附贈一碟蒜蓉同一碗白飯，大家可以根據個人喜好加落擔擔麵到。（如果鍾意重口味嘅你一定要加！）
高陽美食「擔擔麵工房」 前往方法
三松站3號出口出嚟之後行大約10分鐘。
入去Starfield。
之後搭扶手電梯上3樓嘅「EATOPIA」，入到去就會見到擔擔麵工房。
點先可以享有高陽「擔擔麵工房」贈禮優惠？
現場消費Click下面網址下載Creatrip專屬優惠券，出事畀店員睇即可享有獨家優惠。
以上係高陽「擔擔麵工房」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com
