logo

韓國偶像特殊技能

做偶像唔單只淨識唱歌跳舞仲有啲特殊技能!你又最想擁有邊種技能呢?

마타티카
a year ago

Hello,大家好,我哋係由韓國人每日提供最新韓國旅行資訊嘅Creatrip


韓國嘅idol除咗精湛嘅歌舞技巧之外,你又知唔知韓國idol有啲咩令粉絲驚訝嘅特殊技能呢?今日就等小編同大家一齊睇吓有啲咩技能啦!



韓國偶像嘅特殊技能

可以拎好多嘢
ไอดอลเกาหลี


好多粉絲都一定見過韓國idol成日都又眼鏡又手提電話咁成手都係嘢,特別係當佢哋去機場嗰陣,除咗護照之外,仲有機票、手機、飲品,有時仲可能會有粉絲送嘅禮物添。或者係因為佢哋想空一隻手出嚟同粉絲打招呼,所以成日都好神奇咁只用一隻手拎住超多嘢。



無聲咁瞓着/一秒就瞓着

인사이트


就算係有失眠嘅人,只要你係idol都可以有一秒入睡嘅特別技能!或者因為idol好忙嘅schedule,每當佢哋一有時間休息,幾乎都會用嚟補眠。就例如TWICE嘅Sana就做做吓interview恰眼瞓啦。(呢個技能真係唔係講笑㗎😂)



快速又有禮貌咁回答問題

โรเซ่ BLACKPINK


對於idol嚟講,佢哋好多時都要面對啲突發嘅問題,所以好多idol都養成咗快速又有禮貌咁答問題嘅技巧,喺短時間就可以反應過嚟,仲要答得好有sense添。就例如Rosé就喺電台到被問到YG社長梁鉉錫係咪自己嘅理想型,雖然佢一面震驚,但都係好好聽咁答係。😂



唔怕凍

Red Velvetnews1


每個idol都有嘅技能當中,唔怕凍都係一個好勁嘅特殊技能啦,特別係女idol真係好忍得凍。大家都應該知道,韓國一年幾乎凍足8個月,而啲頒獎典禮好多時候都會喺年初同年底舉行,加上cody又成日俾短裙啲女idol着,真係睇到人都凍埋。好似上面張相咁,Red Velvet參加1月舉行嘅Seoul Music Awards,明明吹到個頭都亂埋,都仲係好好笑容,夠哂專業!



記得粉絲嘅名同樣

G-friend


喺疫情之前,idol同粉絲都可以透過fan sign同演唱會見面,有啲idol真係可以只係靠短暫嘅幾分鐘就認得你個樣同名!咁樣真係可以令粉絲好開心。或者係因為feel到每個粉絲都真心鐘意自己,所以令idol印象更深刻!不過都真係一個好勁嘅技能嚟!


以上就係幾個idol嘅特殊技能啦,大家覺得idol仲有咩特殊技能呢?歡迎留言同我哋分享!




如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面

 韓國代購

熱門文章

LoadingIcon
熱門文章