logo

奇怪嘅廣告代言

戴住太陽眼鏡賣con廣告?著住韓服拍炸雞廣告?一齊嚟睇吓韓國新穎嘅廣告啦!

Yeong
2 years ago

Hello,大家好,我哋係由韓國人每日提供最新韓國旅行資訊嘅Creatrip


唔知大家知唔知之前Oh My Girl忙內Arin嘅內衣廣告爭議呢?有啲人覺得如果Arin唔著內衣上身,點解要接拍內衣廣告,亦都有唔少人覺得,算係另類嘅廣告拍攝手法,就算唔著上身都冇咩問題,更表示其實以住韓國都有好多商品同代言人唔太夾(?)嘅奇怪廣告,今日就等小編帶大家嚟睇吓有邊啲例子啦!

  


商品同代言人唔夾嘅廣告

1. 唔飲酒但拍燒酒廣告?

ไอรีน Red velvet ไม่ดื่มโซจูแต่โฆษณาโซจู?


韓國燒酒品牌「Chamisul (참이슬)」強調乾淨清純嘅形象,所以過住一直都會搵符合形象嘅女idol嚟代言。當初宣佈最新代言人係Red Velvet嘅Irene嘅時候,唔少粉絲都表示,「明明Irene唔飲酒點解會接拍燒酒廣告?」,因而引起咗一陣討論。



2. 著住韓服拍炸雞廣告?

ซีรีส์ Mr.Queen ใส่ชุดฮันบกแต่โฆษณาไก่ทอด?


有名嘅炸雞名牌「Chicken plus」喺冇耐之前搵咗申慧善做代言人,而且當時更喺古裝劇《哲仁皇后》以植入性廣告播出,令唔少人不禁覺得,韓服同炸雞真係夾?不過最後反而係因為呢種違和感,而令觀眾對呢個品牌更加印象深刻。



3. 戴住太陽眼鏡賣con廣告?

ใส่แว่นกันแดดแต่โฆษณาคอนแทคเลนส์?


con廣告最重要就係展示當副con戴上眼之後嘅樣係點,但韓國隱形眼鏡品牌LENSME就打破咗呢個常規啦!LENSME喺宣傳佢哋嘅QLO7系列嘅時侯,搵咗Rapper Dok2嚟做代言人,但最令人驚訝嘅係,佢竟然戴住黑超拍隱形眼鏡廣告!



4. 唔著住內衣拍嘅內衣廣告?

โฆษณาชุดชั้นในแต่ไม่ใส่ชุดชั้นใน?


當賣內衣廣告嘅時候,多數都會展現內衣著上代言人身上嘅樣係點,但就好似一開頭所講,Oh My Girl Arin嘅內衣廣告就令部分人覺得唔著上身就冇搵明星嚟賣廣告嘅必要啦。



5. 男團拍m巾廣告?

โฆษณาผ้าอนามัยโดยไอดอลชาย?


對於m巾廣告,我哋好自然就會覺得應該要搵女性嚟代言,但喺2017年韓國m巾品牌「Secret Day」搵咗男團Astro嚟做代言人,成為韓國m巾界嘅先例!



6. 搵男人拍bra廣告?

โฆษณาชุดชั้นในสตรีแต่ใช้นักแสดงชาย?


韓國亦有搵男性嚟拍bra廣告嘅例子添!2011年人氣演員蘇志燮接拍咗「Nam Yeung Vivien」嘅內衣廣告,當時佢喺廣告入面溫柔嘅語氣引進咗唔少人嘅討論,不過據稱佢當時宣傅嘅bra到而家都仲好受歡迎!



7. 冇車牌但拍汽車廣告?

ขับรถไม่ได้แต่โฆษณารถ?


Irene除咗飲唔到酒之外,仲要冇車牌,不過佢都接拍咗現代汽車嘅廣告而令部分粉絲覺得唔太match。



8. 喺MV入面直接賣廣告

โฆษณาใน MV โดยตรง


早前人氣女團TWICE就喺「What is Love」 MV入面戴著佢哋代言嘅Johnson & Johnson嘅ACUVUE隱形眼鏡出鏡,而呢個mv嘅觀看次數亦都超過咗5億次,可以稱得上係CP值好高嘅廣告。


โฆษณาใน MV โดยตรง twice



9. 男人演繹嘅m痛

ใช้ผู้ชายมาอธิบายอาการปวดประจำเดือน


2008年喺北京奧運會攞到金牌嘅游泳選手朴泰桓亦都賣過令人好印象深刻嘅廣告。廣告入面佢演繹頭痛同牙痛都好完美,但係對於m痛,佢就只係擺出個心嘅手勢,因為佢唔知咩係m痛😂。


雖然以上呢啲廣告的確同大眾對某啲商品形象好唔同,但小編覺得每種商品有唔同嘅繹方式都係件好事!就例如將bra嘅形象定義為可愛活潑,小編覺得或者可以幫助啱啱青春期發育嘅女仔減低心理負擔,畢竟女仔著bra最主要目的又唔係為咗性感,等佢哋唔好覺得發育係羞恥嘅事。唔知大家又點睇呢?有咩意見都歡迎留言同我哋分享啊!




如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面

 韓國代購

熱門文章

LoadingIcon
熱門文章