特別嘅免服兵役理由
原來喺韓國，4代獨子/初中畢業都係免兵役？有藝人都符合要求？
Hello，大家好，我哋係由韓國人每日提供最新韓國旅行資訊嘅Creatrip。
大家都應該知道韓國男仔去當兵係義務性，所以佢哋一到20歲就會開始去服兵役。不過如來有啲特殊情況係唔洗當兵嘅，到底有啲咩呢？
今日小編就會同大家講吓韓國有邊啲藝人係因為呢啲特殊情況而唔洗服兵役啦！
免服兵役嘅理由
1. 身高未達標
SBS
原來想服兵役，對身高都有好嚴格嘅要求，大家知唔知金炳萬族長就係因為得156cm所以就被免除咗兵役。加上喺2012年就改咗身高唔夠2米零四嘅男性都必須要入伍服兵役。因為其實喺12年之前，身高超過1米96嘅男性都淨係被當作為補充役（4級），唔使去軍隊服役嘅義務，所以207cm嘅徐章勳就唔使服兵役。
2. 體重未達標
SINGLELIST
由於韓國法例規定體重唔符合的話，就可以獲得免除兵役，國民MC姜鎬童就係咁而免兵役。根據兵務廳嘅資料類示，兵役會喺體檢嘅時候睇測出嘅體質指數（BMI）嚟判斷符唔符合服役嘅體重要求。BMI低過19.9就係體重過低，喺20.0-24.9就屬於正常範圍，而25.0-29.9就係超重，超過30就會被視為肥胖，可以免除兵役。
3. 學歷未有達標
NEWSEN
韓國有一條條例就係「博士以上或只具有小學文化教育水平的人」就可以免除兵役，初中就退學嘅鄭雨盛就係因為咁而免除兵役，而殷志源就係因為外國人高中學歷未得到認可所以就被免除兵役。
4. 冇辦法維持家計
매일일보
韓國亦都有一條條例係「到咗服役年紀但屋企有3個人以上要負擔生活嘅重擔者」就可以免除兵役。演員曹政奭就係因為父親早逝，所以佢需要養佢年老嘅母親而被免除兵役。根據兵務處嘅調查，如果曹政奭入伍的話，屋企就冇經濟來源，而且冇人可以養佢媽媽，所以就免咗佢嘅兵役。
5. 4代獨子
IMBC
鄭埻夏就係因為佢係4代獨子所以被免除兵役。兵務廳就指呢個制度巳經喺20年前廢除咗，而家唔可以用獨子嘅理由免除兵役，佢哋話：「因為而家生育率低，好多人都係獨子，呢個制度已經失效，如果喺以前的話，如果係3代或者4代都係獨子，就會有6個月嘅短期服役制度。」
6. 喺奧運會拎獎牌
Olympic.org
因為奧運會係大型賽事，所以無講係金牌、銀牌定係銅牌，都可以做替代兵。當兵期間只係需要接受一個月訓練，之後可以以選手或者教練身份去服役，做夠2年10個月就得，同時每個月仲可以有糧同獎金收。
8. 2002年韓國足球隊殺入4強（例外）
티스토리
其實呢個係以外例子，喺2002年世界盃，雖然韓國未入三甲，但都打入4強。因為成績突出，政府亦都特別批准足球隊成員只係需要參加咗為一個月嘅基礎軍事訓練。
大家有冇覺得呢啲免兵役好特別呢？如果大家都知道其他特別嘅免兵役條例的話，可以留言話俾小編知！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
