韓國獨居熱門單品
韓國年輕人嘅獨居文化,當中好多熱門單品你可能都估唔到?有咗佢哋原來可以方便咁多!
Hello,大家好,我哋係由韓國人每日提供最新韓國旅行資訊嘅Creatrip。
香港租金貴,大家就算想搬出嚟自己住都唔係一件容易嘅事,但喺韓國相對租金較平同地方大,一人家庭嘅數量亦一直不停咁增加,通常讀大學的話,就會揀住喺學校附近,開始獨居生活。今日就同小編一齊嚟了解吓韓國嘅獨居文化啦!
獨居?獨立?有啲咩唔同?
효성 fms
以2020年做基準的話,韓國有1,118,000戶人係自己一個住緊,其中20歲至30歲以35%佔據第一位,而且佢哋大部分都係「獨居」。 雖然單人家庭同獨居喺法律上都係有相同意義,不過日常生活入面就有少少唔同。
單人家庭就係喺經濟上完全獨立唔需要靠人幫,而獨居就係隨時都可以得到父母幫助,因為20幾歲嘅大學生同啱啱出社會做嘢嘅人,有時都需要靠父母嘅幫助(當然亦有啲係唔需要)。
tvn
大家可能會諗點解韓國嘅年輕人仲字有太多能力,寧願得到父母嘅幫助,都要自己獨居呢?其實韓國大學嘅升學率係70%以上,係屬於好高嘅水平。 如果可以去到自己原本居住嘅地區上大學就可以唔洗獨居,不過其實呢種情況並唔多。
韓國有好多好嘅大學都係聚集喺首爾,所以有好多高中生都係以「in seoul」爲目標。 所以唔係住喺首爾嘅人要去首爾讀大學的話,就要開始獨居生活。當然如果可以住到喺大學宿舍嘅話就緊係最好,𣎴過因爲宿舍冇位容納所有學生,所以其他學生就只可以自己出去住。
啱啱入公司嘅新手都係一樣! 喺公司工作,如果離屋企太遠,就只可以喺公司附近住。不過要啲啱啱成年嘅大學生同啱啱踏入社會嘅新手去房租的話,事實上係冇可能,加上韓國嘅房價都算係好貴!特別係首爾比其他地區貴好多,尤其係大學附近或者公司比較多嘅地區附近就更加貴。
通常一開始搬出嚟大家都會揀住One room,一般都係5-6坪(約16.5 m2 ~ 19.8 m2)左右。 喺首爾租呢啲大細嘅屋需要500至1000萬韓幣嘅保證金,同50至70萬韓幣嘅月租。 俾得越高保證金月租就可以越平,相反少俾保證金就要多俾月租。平均月租嘅合同係2年左右,好多人喺2年之後可以揀再續約或者係搬去其他地方。
獨居流行趨勢
以前喺韓國一提到One room,最先令人諗起嘅就會係啲好狹窄嘅房入面生活,因爲唔係完全獨立,而且淨係得2年左右嘅時間,所以感覺只需要簡簡單單有地方住就得。
오늘의집 페이스북
不過近呢幾年,好多人對於獨居嘅形象都產生好大嘅變化。 即使間房係好細,但開始都會想好好咁去裝飾自己嘅空間,韓國人會呢個做「獨居幻想」。
오늘의 집 페이스북
隨着「獨居幻想」嘅出現,好多熱門單品都會跟住一齊登場,以呢類單品都有以下特點:
1. 高空間利用率:因爲房太細,所以要盡可能充分咁利用空間。
2. 性價比高:因爲係學生或者啱啱踏入社會嘅人,所以都會鐘意喺經濟上買唔會成爲負擔嘅單品。
3. 容易處置:因爲之後可能會搬返自己屋企住,所以都鐘意啲容易處置嘅物品。
오늘의 집 페이스북
今日想給大家介紹其中幾個好紅嘅幾個單品俾大家。
1. 懶人床上檯
因爲間房太細,好難可以用到大檯,所以用呢種床上檯就最合適不過,佢哋主要有分兩個款式。
오늘의 집
第一個係好似上面張相咁放喺床上面用,因爲係摺疊式,所以唔用嘅時候就可以將佢好好收埋,可以好好咁去利用空間。
오늘의 집
最近亦有一款係可以放杯、平板電腦或者可以插手機支架等多功能檯。
오늘의 집
而另一款就係安裝喺床架出面嘅款式,唔用嘅時候就將佢推到腳邊, 空間利用率高,比放喺牀上用更加有安全感!
mbc
出演MBC綜藝節目《我獨自生活》嘅金世正,自己獨居之後,都係用過呢種類型嘅架,亦都係最近獨居年輕人之中最熱門嘅單品之一。
2. 相框檯
應該有好多人都好想知道相框檯到底係啲咩嚟嘅呢?
오늘의 집
睇唔睇到上面嗰張相呢?平時可以將相框檯好似室內裝飾品咁放喺一面,有必要嘅時候就好似右面嗰張相咁打開嚟用,因爲韓國流行坐式文化,所以經常會用呢種摺疊式嘅檯。
오늘의 집
呢種相框檯嘅人氣都好高,按照自己房間嘅裝修理念買嚟佈置的話,一定會為屋企增加唔少氣氛。
3. 摺疊式浴缸
只有平均6坪(19.8m2)左右嘅單間房應該都冇可能會有浴缸,所以獨居嘅人就算係想浸浴都做唔到。雖然係可以去公共澡堂浸浴,但係最近亦都因爲疫情,連想去都唔去得。
오늘의 집
不過最近就好流行呢款摺疊式浴缸!好似上圖咁,有需要嘅時候先會打開嚟用,用完之後就晾乾,再收埋保管就得。
오늘의 집
想要更細更簡便嘅浴缸的話,仲有呢種水泡式嘅浴缸! 因爲係圓筒形,所以一個人蹲住用都好夠,亦因為多得呢個單品,獨居嘅人都可以浸半身浴去緩解疲勞!
4. 梳化牀
오늘의 집
梳化牀都係一個活用空間嘅單品,特別係好似韓國咁嘅坐式文化,摺疊嘅時候就可以當係梳化咁用,打開的話就可以當牀用!
就好似上面張相咁,平時好似一般梳化咁用,如果有客人嚟屋企需要瞓覺嘅時候,就可以打開張梳化當牀用!
오늘의 집
小編一開始都會懷疑呢個會唔會唔舒服,但係試過一次之後就覺得比想象好!
5. 直立式分區架
오늘의 집
喺韓國,大家會目到好多家庭都會用呢種鐵製成嘅格仔花紋分區架。
오늘의 집
分區架點解咁有人氣? 一間屋嘅空間無辦法好好分離,生活上就會有好多不便。例如廚房正前方有檯,檯嘅正後方有床,爲咗可以好好分開呢種空間,設置分區架的話就方便好多!
오늘의 집
除此之外,用呢種格仔圖案隔板,仲可以做好多收納! 獨居可以收納嘅空間好少,所以咁用的話,可以提高空間嘅活用度,係唔係仲好呢?
6. 門掛晾衫架
오늘의 집
門掛晾衫架都係提高空間活用度嘅單品! 因為一般晾衫架放喺屋企會佔據咗好多空間!
오늘의 집
不過呢個只要掛喺門上面就可以,空間利用率真係好高。 唔用嘅時候就直接折埋就可以! 真係好方便!
7. 窗戶鎖定裝置
오늘의 집
呢個單品唔係用嚟提高空間利用率或者有助於室內裝修,呢個係考慮到韓國獨居人士安全而設計嘅單品。
스냅 타임
多One room嘅小區會被稱爲「獨居村」,獨居村嘅治安俾人感覺唔係咁好,特別係大學附近,飲醉酒嘅人多,同時街燈亦唔多盞,所以經常都會發生以獨自居住嘅人爲犯罪對象。因爲樓層太低,所以經常會發生打開個窗偷睇人哋入面嘅犯罪。
오늘의 집
因為咁特別係獨居嘅女仔經常者會用呢個單品,呢個鎖可以插入去窗框用。 安裝完呢個鎖,窗就唔會被打開!
唔單止係獨居嘅人,有小朋友家庭,或者養寵物嘅人,爲咗安全起見,用呢啲單品會更加好!
以上就係韓國獨居文化同獨居流行趨勢!如果今日睇過嘅單品入面有大家想要買嘅單品的話,可以搵我哋代購㗎!
如果有更多想知嘅內容,都可以隨時留言或者dm話俾我哋知:)
Instagram:creatrip.hk