theqoo

送禮物應該係大家都知道嘅應援方法！ 一般生日或者出道紀念日等特別嘅日子大家都會送，雖然fans可以自己送禮物，但係一般都會集資送禮物。

트위터 @Jangwonyoung_CN 

因爲如果係集資送禮物的話，就可以送一啲比較高價嘅禮物。 人氣偶像或者演員都會有數以億計嘅應援，都一度成爲話題。

instiz

而且決定進行集資應援嘅主辦都好重要， 如果揀咗啲禮物係其他fans唔滿意的話就會俾人鬧， 所以主辦都會儘量採納大家嘅意見！

例如最近因為音源逆行而成爲話題嘅Brave Girls，佢哋嘅fans大部分都係年紀比較大嘅男性fans， 所以進行應援嘅時候，唔知道Brave Girls會鐘意啲咩，所以就先儲錢， 然後就好積極咁採納咗幾位女fans嘅意見，先買應援禮物。

수지 인스타그램

如果送完應援禮物之後，藝人喺自己嘅SNS上面認證的話，fans就會感到好欣慰！不過呢種禮物應援一直都存在緊一啲問題。

有啲明星會一直希望fans買自己想要嘅嘢（ 特別係啲價格昂貴或者好難買到嘅限量版），仲會一直提住， 好似將fans當成送禮物嘅人一樣，受到好多批評， 因為禮物應援係fans懷着愛佢哋嘅心自發性送俾佢哋。 仲有啲明星係將fans送俾佢哋嘅禮物送俾自己嘅朋友或者賣俾朋友。 不過因爲收到咁多禮物，都好難會一次過用得曬， 如果包含fans心意嘅禮物被人攞走的話應該都會幾傷心。  

트위터 @headliner_jk

藝人雖然都會好感謝fans嘅心， 不過覺得收咁貴嘅禮物都會覺得唔係咁好，所以由2010年中期開始，好多藝人都表示唔會接受啲咁高價嘅禮物。 BTS、IU 、SHINee等明星都有宣佈唔會再收， 淨係會收包含心意嘅手寫信！所以fans都諗緊其他方式嘅應援方法，而唔係用高價禮物應援！

2. 便當 

便當應援都係好耐以前就有嘅應援方法！ 偶像的話喺活動時期每日都拍音樂節目，其他時間就進行綜藝同電台活動， 幾乎冇正常食飯嘅時間。 演員都一樣， 喺開始拍攝電視劇或者電影嘅時候，亦唔可以按時食飯。

브레이브걸즈 멤버 인스타, 브레이브걸스 갤러리

喺fans立場嚟睇，藝人如果餓住個肚、隨便食， 或者食對身體唔好嘅外賣食物的話，會好傷心！ 所以爲咗支持佢哋嘅活動就開始送便當。

如果係fans的話，就會知道藝人鐘意食啲咩，唔可以食啲咩， 所以可以俾藝人一啲度身定做嘅便當，或者喺整便當應援之前， 事先同公司聯絡排除過敏嘅食物， 或者俾控制緊體重嘅成員送減肥便當。

另外唔單止係藝人嘅便當，仲會有工作人員嘅便堂。 當然藝人嘅便當係最好，不過工作人員嘅便當都充滿誠意！

instiz

啱啱開始提供便當應援嘅時候，fans真係會親手製作全部便當，自己直接買材料親手做！ 上面呢張相就係GD fans喺BigBang活動時期親手製作嘅便當！

트위터 @baekhyun_town

而家都慢慢開始出現咗提供便當服務嘅公司！ fans親自揀咗菜單之後，由便當公司根據菜單製作便當再送過去，咁便當無論係質量同衛生都應該更有保證啦！大家可能都會好奇便當服務嘅費用， 所以小編都有去便當公司問吓價錢。

sujikim.modoo.at

藝人嘅便當基本上每一人份都超過10萬韓幣，"基本便當"係10 萬，"特別便當"就係由30萬開始！ 啱啱開始覺得價錢好似太貴 ，不過睇到佢哋嘅菜單同誠意之後，就覺得幾貴都值。 有種係高級餐廳食飯嘅感覺，如果可以食到啲咁嘅便當， 應該心入面都會覺得好幸福，而工作人員嘅便當價錢就由1萬到3萬不等。

sujikim.modoo.at

咁講下如果明星上音樂節目買便當大概要準備幾多錢啦！ 聽講電視台嘅工作人員大概係80至100人， 而經紀公司嘅工作人員就5至25人。送俾電視台嘅工作人員就係1萬左右嘅簡單便當，而經紀公司嘅工作人員就係2萬到3萬左右嘅便當，仲有當然唔少得明星嘅特別便當。 咁樣的話二五人偶像組合為例，最少就要需要200萬至300韓幣左右，係唔係覺得都幾誇張呢？

3. 咖啡車/零食車/飯車 

아이유 인스타그램

最近幾年喺藝人嘅SNS，都應該見過好多呢種嘅餐車認證照！ 由5年前左右開始，韓國嘅餐車公司越嚟越多， 韓國嘅fans都將餐車作爲應援送俾明星！

餐車同便當唔同，餐車好多時都係即叫即整，可以食到新鮮熱同辣辣嘅食品同飲品， 另外餐車嘅設計都好靚， 可以吸引所有人嘅視線！咁樣嘅餐車服務唔單止係藝人，拍攝現場嘅工作人員都可以享用！

지수 인스타그램

除咗fans會送之外， 有交情嘅藝人都會成日互相送餐車做應援。相信大家都會好好奇價格，小編問咗相關人事，食品餐車服務嘅價格係以菜單同最低訂貨金額+出差費用+宣傳物金額。

옹성우 인스타그램

咖啡車飲品平均3000到5000韓幣左右，零食車嘅零食平均就3000到6000韓幣左右，餐車的話平均6000到12000韓幣左右 。 喺呢度租一架卡車，最少嘅費用係飲品同零食係40萬到60萬韓幣，餐車的話就係60萬到100萬韓幣左右！

仲有支持藝人嘅宣傳物都好重要！ 一定會放藝人嘅相同爲佢哋加油嘅語句，唔單止可以令藝人開心， 仲可以令喺拍攝現場嘅所有工作員工開心。 呢種宣傳品係按照訂購食物嘅價格免費提供，平均支付2萬韓幣左右就可以增加宣傳品㗎啦！

키 인스타그램

咁我哋一齊計吓大概要幾多錢啦！ 如果小編想為鍾意嘅藝人拍攝綜藝節目現場送咖啡車嘅話， 咁比較大型嘅綜藝節目，藝人同工作人員加埋大概就有100位左右 。

咖啡嘅價格係每杯平均4000韓幣、4000韓元X100人= 40萬韓幣、零食平均4500韓幣、4500X100人=45萬韓幣。 總共85萬！

以小編去餐車公司問嘅標準，85萬韓幣就可以免費得到橫幅同2個橫幅，可以用嚟製作宣傳品， 幫飲料同零食貼貼紙。

加埋出差費就係100萬韓幣以下，咁樣就可以為自己嘅藝人打氣， 有時仲可以有認證照，咁都真係幾滿足㗎。

 Creatrip明星咖啡車應援服務

4. 地鐵廣告牌

트위터 @medianote77

有去過韓國嘅話都一定會睇過地鐵廣告牌嘅明星應援， 雖然可能有人覺得唔係直接送俾藝人，都唔算係應援嘅一種。 不過咁樣就可以間接為自己鍾意嘅藝人做宣傳， 都係近年幾受歡迎嘅應援之一。

네이트판

喺播緊《PRODUCE 101》系列選秀節目嘅時候， 喺地鐵真係有好多支持練習生嘅廣告牌。 喺2016年地鐵廣告牌係有542個，而喺《PRODUCE 101 第二季》播出嘅2017年就增加到1038個。 因為fans要宣傳俾更多嘅人知增加投票數！ 因爲唔係正式出道的藝人， 而係練習生，所以佢哋擁有廣告牌係一件好罕見嘅事， 所以節目入面仲有拍攝練習生搵自己嘅廣告板片段！

티오피미디어 SNS

而且出演《PRODUCE 101》嘅練習生都禁止使用SNS， 所以fans同練習生都喺廣告板貼便利貼溝通。 將筆同便條貼放喺廣告牌前邊，俾嚟到嘅人寫上加油同愛嘅說話， 以後藝人嚟到嘅時候就會攞走。

另外，呢種廣告牌應援對fans嚟講都係一個好好嘅活動， 因為可以去地鐵廣告牌旅遊，去晒自己鍾意嘅明星嘅廣告牌！ 所以大家都應該會成日見到廣告牌前邊經常會有fans拍攝留念。

上面啲相係小編去影嘅，雖然係以前嘅相，不過都俾大家睇吓， 左邊係喺2018年SHINee泰民生日嗰日去影嘅認證照！右邊就係2017年《PRODUCE 101》第二季當時支持過嘅練習生柳善浩被淘汰之後去應援影嘅認證照！

instiz

咁地鐵廣告牌嘅價格係幾多呢？事實上呢種廣告板根據車站嘅流動人口都有唔同嘅價錢，因爲越多人睇嘅話就越好，所以人流越高嘅話，價錢都越貴。首爾入面流動人口最多嘅地方就係三成站、江南站、 弘益大學入口站。 聽講喺嗰度一個月嘅廣告所需費用大概係450萬韓幣。如果想搵個更合理嘅價錢的話， 都可以喺啲唔太受歡迎嘅地鐵站放廣告，唔同車站價錢真係會差好遠㗎！

5. 捐贈 

 theqoo

偶像fans俱樂部嘅文化之一就係捐贈應援，主要係分送花環或者募捐兩種。

首先就講吓花環應援啦，韓國有每逢紅白喜事就會送花環嘅文化，喺2m左右大細嘅花環上面佩戴有祝賀字句嘅絲帶。不過藝人嘅fans俱樂部比起送花環， 就開始送花環同大米等可以捐贈嘅物品！

theqoo

捐贈大米嘅數量係由最少千克單位到噸單位都有，真係多式多樣。 根據捐贈大米嘅數量，價錢都會有唔同。最小重量係10kg， 大概就係10萬韓幣左右。

세이브더칠드런 공식 트위터

不過最近因爲唔可以舉行演唱會或者fans meeting， 所以近排有好多直接向團體捐款，歌迷爲咗藝人嘅生日或者紀念日而儲錢，再以藝人嘅名義捐款！

트위터@_nuna_V 

然後將捐贈證書俾藝人，站喺藝人嘅立場上面， 應該會覺得好欣慰。

逆應援文化 

偶像主要喺回歸、上音樂節目、fans meeting、《偶像田徑錦標賽》等節目入面，做最多逆應援活動！

instiz

就好似音樂節目咁，fans等待嘅時間通常都係好長， 所以會向辛苦咁等自己嘅fans表達感謝之心！

 theqoo

<偶像田徑錦標賽>係咁多偶像組合同fans都好辛苦嘅節目，喺運動場上面要等好長時間。因爲知道好辛苦， 所以大部分嘅偶像們都會為fans準備逆應援便當！嗰日fans之間都會暗中咁鬥，邊個藝人嘅便當好啲。

小編以前都去過自己鐘意藝人嘅最後活動周嘅音樂節目。 嗰日音樂節目結束之後仲開咗個迷你fans meeting，雖然等咗將近7個鐘， 不過有藝人準備嘅三明治、水果仲有飲料嘅逆應援，真係好幸福。

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購