明星胎夢盤點
睇胎夢就知天生就係要做超級偶像？有BTS成員夢到一隻大黑豬帶住七隻小黑豬，完全係BTS嘅縮影？
Hello，大家好，我哋係由韓國人每日提供最新韓國旅行資訊嘅Creatrip。
韓國人好相信「胎夢」，胎夢對盼望、期待小朋友降臨嘅父母嚟講係有巨大嘅意義。除咗可以做判斷性別嘅指標之外，韓國人仲覺得可以預知到小朋友嘅未來㗎！今日小編就同大家分享吓6位明星嘅胎夢啦！
明星胎夢盤點
IU
被稱為「吉夢」中嘅「吉夢」！韓國人認為個夢入面有一條龍都巳經係代表好吉利嘅夢，IU嘅胎夢竟然有2條龍，係就用「大發」嚟形容都唔夠嘅好夢！IU嘅媽媽係夢到有2條龍打交，而贏咗嗰條龍就咬住如意珠升天嘅夢，係代表咩都會被實現嘅胎夢。
SF9 - 路雲
路雲嘅胎夢係有一隻大黃牛孭住一堆金銀珠寶。黃牛係代表體格或者體質好，有好似黃牛咁沖上去嘅性格！再加上孭住一堆金銀珠寶，就代表財富同名譽一齊嚟嘅意思。
TWICE - 定延
同家姐升妍都有優秀DNA嘅定延！胎夢係媽媽攞住5隻金蛋，之後攞走咗2隻，淨底3隻金蛋就放入衫袋，點解係3隻金蛋呢？係代表佢哋屋企3姊妹，都係出世嘅同時擁有名譽同財富嘅意思。
IVE - 員瑛
스타투덴이
員瑛嘅胎夢係鶴飛嚟坐底嘅夢，代表性嘅長腿動物「鶴」，胎夢夢到鶴嘅話係代表身材苗條，又高挑。加上鶴係高貴嘅象徵，意味係會成為尊貴身份嘅人。
Girl’s Day - 惠利
惠利嘅胎夢係爸爸喺青草地騎白馬，如果喺胎夢出現馬的話係代表唔會覺得攰，而白馬亦都係馬入面最好嘅，係好出名又高貴嘅存在，加上喺草地嘅馬係指會如魚得水。
BTS - 柾國
柾國話媽媽懷佢嘅時候做過兩個胎夢，第一個係夢到落雨，而雨水跌到落地就會變成黃金，同柾國喺防彈少年團備受哥哥寵愛嘅黃金忙內一樣，同時亦擁有名譽同財富嘅意思。
而柾國媽媽做嘅第二個胎夢係更加有趣，係一隻大黑豬帶住七隻小黑豬，成員JIMIN仲笑住咁話：「唔通大黑豬係代表老闆？」 柾國就表示大黑豬話唔定真係房時赫PD，而7隻小黑豬就係代表防彈少年團7位成員，好似命運安排BTS係注定會出道。
大家睇完之後有冇好神奇呢？如果大家仲知道其他韓星有特別嘅胎夢的話，不妨留言話俾小編知！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
