Hello，大家好，我哋係由韓國人每日提供最新韓國旅行資訊嘅Creatrip。
今日小編想同大家介紹釜山大學語學堂嘅課程同申請方法！好多人都想嚟韓國讀語學堂，但對於外國學生嚟講，可能一開始都唔知可以喺邊度搵資料，而家我哋Creatrip都有提供代申請語學堂服務啦！
Creatrip語學堂服務 | 好處
- 我哋會詳細指導教大家點樣去申請。（審查提交文件，簽證申請指導等。）
- 根據你提供嘅個人資料同文件，我哋會幫你填寫入學申請表。
- 如果你透過我哋俾完報名費同學費，我哋收到之後會即刻幫你轉交俾學校。
Creatrip語學堂服務 | 注意事項
- 呢篇文會講到語學堂申請過程同教育課程等介紹，因為篇幅較長，建議用電腦睇會比較好。
- 透過我哋只可以申請正規課程。
- 我哋冇提供申請Visa服務，本人請自行喺大韓民國駐香港總領事館申請。
- 因為疫情影響，語學堂政策可能會有變。
- 有任何疑問，都可以Send Email到help@creatrip.com同我哋聯絡。
釜山大學語學堂 | 學校簡介
釜山國立大學成立於1946年，係解放後第一間國立大學，歷史悠久，被韓國政府選為優秀認可大學，教育同學校生活方面擁有高水評。
附近有海雲台、廣安里等附近幾個海灘可以去舒壓！ 沿海灘路單車道同象徵青春嘅西面站都好很受學生歡迎。
釜山大學語學堂 | 推薦理由
- 有經營獎學金制度（優秀成績獎學金等）。
- 有各種可以練習韓文嘅計劃（韓國文化體驗、跆拳道課程等）。
- 各種下午班（發音練習班、口語班、唱歌學韓文班）
- 韓國政府認可「優秀認可大學」25間其中一間。
釜山大學語學堂 | 申請資格
- 申請人需要至少中學畢業或同等學歷
釜山大學語學堂 | 獎學金福利
- 學術卓越獎學金：每班第一名報名下學期時將獲得20%學費退款，第二名獲得10％學費退款。 （但如果班入面少於8人，只有第一名可以獲得福利。）
- 特殊獎學金證書：連續4個學期100%出勤率或連續4個學期拎獎學金，將退還下學期所有學費。 （只可以拎一次）
釜山大學語學堂 | Creatrip語學堂申請流程
| STEP. 1 | 填寫申請書 揀幾個學期、申唔申請學校宿舍、填寫基本資訊。 根據你提供嘅個人資訊同文件，我哋會幫你仔細填寫入學申請書。 |
| STEP. 2 | 上傳資料副本 請參考下面資料。 因應唔同情況，可能會有追加資料要交。 |
| STEP. 3 | 繳交報名費 *報名費係申請嘅時候要交，同學費係分開。 |
| STEP. 4 | 提交必須資料同文件後我哋會進行審查（2-5個工作天） *如果交嘅資料有問題，我哋會用email聯絡你。 |
| STEP. 5 | 當你收到我哋確認嘅email之後，請用郵寄（EMS、DHL等）提交文件（費用由本人支付）。 *網上交完文件冇問題，我哋就會send email叫你用郵寄方式寄俾我哋。 *當我哋收到你份文件之後，會再審核多次有冇問題，我哋開始審核時會用Email通知你。 寄件地址：서울특별시 강남구 강남대로 484, 7층702호 (06120) Rm702, HK B/D, 484, Gangnam-daero, Gangnam-gu, Seoul, Republic of Korea (06120) |
| STEP. 6 | 填寫入學申請表及將文件寄俾學校 當我哋審核完文件後，會填寫入學申請表再寄俾學校。 （由學校收到文件後，審核需要2-3個星期。） |
| STEP. 7 | 錄取與否通知及繳交學費 |
| STEP. 8 | 申請簽證及學校宿舍 |
| STEP. 9 | 入學分班試及迎新日 用韓文上堂 |
釜山大學語學堂 | 程序注意事項
- 必須資料同文件，我哋會進行審查（2-5個工作天）。
- 由學校收到文件後，審核需要2-3個星期。
- 如果交嘅資料有問題，我哋會用email聯絡你，請記得要check email。
- 如果學校有要求追交其他文件，必需提交，費用需由申請人承擔。
- 文件會由學校保管，唔會俾返申請人（有需要請同學校商量）。
- 簽證需由本人自行申請。
- 如果對於隔離政策、申請宿舍等有疑問，請直接聯絡help@creatrip.com。
- Creatrip開始審核文件後，報名費不設退還。
釜山大學語學堂 | 需要提交文件
| - 下載釜山大學表格並提交（透過我哋申請可以直接下載）。 |
| - 要英文正本。 - USD 10,000 以上。 - 可以用父母名義。 - 由申請日起計1個月內證明。 |
| - 護照或身份證都可以。 |
| - 如果唔係英文或韓文，需要公證。 |
| - 如果唔係英文或韓文，需要公證。 |
| - 父母或個人名義。 - 必填公司名、公司地址、公司聯繫方式。 - 如果唔係英文或韓文，需要公證。 |
| - 父母或個人名義。 - 必填公司名、公司地址、公司聯繫方式。 - 必須提供過去一年收入證明。 |
- 唔同國家/地區交嘅文件都會唔一樣，請喺申請前send email到help@creatrip.com話俾我哋知你嘅國籍，我哋會再同你講有咩資料要交。
- 如有必要，學校或政府機構可能會要求提供額外文件。
- 建議所有文件係由申請日起3個月內證明。
釜山大學語學堂 | 海牙認證
- 海牙認證係咩意思？
- 國與國之間有文件來往時，如果得到海牙認證就更加可靠貼有效性。
- 只要有海牙簽證嘅文件等同已被承認，喺第二個國家用都會有效。
- 有關喺香港點申請海牙認證，可以參考大韓民國駐香港總領事館或香港司法機構。
- 香港海牙認證機構
- 指定管轄區：香港高等法院
- 地址：香港金鐘金鐘道38號
- 價格： HKD 125
- 聯絡電話：+852 2825 4226
- 香港海牙認證流程（如果係直接去）
- 申請人須攜同要求加簽文件親臨高等法院登記處加簽服務組。
- 如申請文件被接納可加簽，申請人須前往高等法院會計部(高等法院低層LG211室)繳交費用〈以現金、易辦事或抬頭「香港特別行政區政府」支票繳款〉。
- 申請人須攜同會計部所發收款回到加簽服務組遞交文件及領取收文件回條。
- 申請人如未能親自領取已加簽文件，可授權他人代為領取。
- 香港海牙認證流程（如果係海外申請）
- 海外申請者可由安排居港人士代為辦理並繳付費用。
- 申請人亦可郵寄要求加簽文件及一張註明可以在香港提款、註明收款人為「香港特別行政區政府」 (Government of Hong Kong SAR) 銀行滙票（每項加簽服務費用為HKD125）到高等法院登記處加簽服務組辦理加簽服務。申請人亦須支付銀行收取任何附加交易收費。
- 一般情況下，已加簽文件會以普通空郵寄回申請人。為安全起見，申請人亦可要求以掛號空郵寄出已加簽文件。掛號空郵額外費用 為HKD15.5須由申請人支付，申請人請喺銀行滙票加上該項淨額。
釜山大學語學堂 | 宿舍信息
宿舍信息 | 申請方法及申請期間
- 宿舍冇指定申請期限，只有合格嘅同學可以申請。
宿舍信息 | 注意事項
- 宿舍總共有三間，校內兩間、校外一間。
- 宿舍費用每年都會變。
- 宿舍有指定規則，如果唔遵守，可能會被退宿。
宿舍信息 | 費用
宿舍名 | 構造 | 費用 | 注意事項 |
自由館 | 2人一間房 | 約￦1,391,000 | 限女性入住 |
雄飛館 | 2人一間房 | 約￦1,391,000 | 限男性入住 |
振雄大廈 | 2人一間房/ 1人房 | 2人房：約￦856,000 1人房：約￦1,337,500 | 校外宿舍 |
- 以上宿舍費係以2022年夏季學期為標準，可能會有變動。
- 自由館同雄飛館一日會包3餐（費用已包。）
- 宿舍費包Creatrip7%手續費。
釜山大學語學堂 | D-4申請資訊（韓國外交機構頒發）
D-4 簽證 | 注意事項
- 我哋係冇提供簽證服務。
- 以下信息只提供俾Creatrip會員，喺準備申請簽證時一個參考，可能會因申請時間而有異。
- 如果你冇做好充足準備，即使已被錄取，你嘅簽證申請有可能會唔成功。因為Creatrip同學校唔係發簽證嘅地方，所以需要自行檢查清楚。
- 請自行上大韓民國駐香港總領事館網頁參考申請D-4簽證需要嘅資料。
D-4 簽證 | 基本資訊
- D-4簽證係為咗想留喺韓國6個月或以上（2個學期）學生申請。
- 一開始有6個月逗留時間，入國後將會3個月更新一次簽證。
- 可以喺大韓民國駐香港總領事館簽發。
- 只讀一個學期嘅學生可以獲得C-3-1短期簽證，最多可以停留90日。
- 收到學校標準錄取通知書後，可以申請簽發D-4簽證。
- 發行簽證時間最短為2星期，最長為2個月。 （請自行向大韓民國駐香港總領事館提前確認。）
- 以下資料係申請簽證嘅時候要交，唔需要交俾我哋。
D-4 簽證 | 需要資料
* 係以讀語學堂簽證作基準
| 文件 | 備註 |
| D-4簽證申請表 | -必須由申請人親自填寫/簽字，貼好白色背照3.5*4.5cm證件相。 |
| 護照 | -護照有效期要超過6個月以上，正本及有個人資料頁副本。 |
| 香港/澳門長期逗留簽證 | -如果係持有香港/澳門護照、香港身份證、澳門特區旅行證嘅人唔需要交。 - 如果係其他國籍要交嘅資料都唔一樣，有需要請send email到help@creatrip.com問。 |
| 照片1張 | -3.5cm X 4.5cm (請貼喺申請表上） |
| 身份證副本 | -香港/澳門身份證副本或澳門藍卡副本 |
| 財務狀態證明資料 | -需超過HKD25,000證明 -認證有好多方法，想知詳細內容可以撳我。 |
| 學校標準錄取通知書及繳交學費收據 | -學校提供 -繳交學費收據 |
| 教育機構商業登記副本 | |
| 在學/畢業證明 | -有學校3個月內證明 -在學證明或畢業證明書 -正本及副本 |
| 學習計劃 | -由申請人填寫 |
| 學校學習詳細內容 |
參考網址： https://overseas.mofa.go.kr/hk-en/brd/m_20261/view.do?seq=717440
