Hello，大家好，我哋係由韓國人每日提供最新韓國旅行資訊嘅Creatrip。
今日想介紹韓國最高學府首爾大學語學堂嘅課程同申請方法俾大家知！好多人都想嚟韓國讀語學堂，但對於外國學生嚟講，可能一開始都唔知可以喺邊度搵資料，而家我哋Creatrip都有提供代申請語學堂服務啦！
Creatrip語學堂服務 | 好處
- 我哋會詳細指導教大家點樣去申請。（審查提交文件，簽證申請指導等。）
- 根據你提供嘅個人資料同文件，我哋會幫你填寫入學申請表。
- 如果你透過我哋俾完報名費同學費，我哋收到之後會即刻幫你轉交俾學校。
Creatrip語學堂服務 | 注意事項
- 呢篇文會講到語學堂申請過程同教育課程等介紹，因為篇幅較長，建議用電腦睇會比較好。
- 透過我哋只可以申請正規課程。
- 我哋冇提供申請Visa服務，本人請自行喺大韓民國駐香港總領事館申請。
- 因為疫情影響，語學堂政策可能會有變。
- 有任何疑問，都可以Send Email到help@creatrip.com同我哋聯絡。
首爾大學語學堂 | 學校簡介
首爾大學係韓國最出名大學之一，可以喺度同嚟自世界各地嘅優秀學生同專業教授一齊上堂。
首爾大學鄰近冠嶽山，藏身喺喺自然環境優美嘅地方，佢係韓國咁多間大學中有最大校園，要行哂全校係一件好困難嘅事，不過好彩語學堂就喺正門附近。
首爾大學被稱爲國內最優秀大學，提供一個理想學習環境，語學堂唔單止可以學韓文，仲有好多文化活動等住大家體驗，一定要參加啊！
首爾大學語學堂 | 推薦理由
- 首爾大學係韓國大學排名第1，世界排第36， 可以喺韓國最出名嘅學校上堂。
- 首爾大學語學堂用嘅教材，甚至連其他大學嘅語學堂或語言學校都會用，你可以通過韓國語言學同韓國語教育領域領先學者編寫嘅教材，更有系統學習韓文。
- 除咗學習韓文之外，仲會有各種體驗活動，例如學習傳統民謠、四物、韓國紙工藝同韓國料理等，可以更深入了解韓國文化。
首爾大學語學堂 | 申請資格
- 申請人需要至少中學畢業或同等學歷
首爾大學語學堂 | Creatrip語學堂申請流程
| STEP. 1 | 填寫申請書 揀幾個學期、申唔申請學校宿舍、填寫基本資訊。 根據你提供嘅個人資訊同文件，我哋會幫你仔細填寫入學申請書。 |
| STEP. 2 | 上傳資料副本 請參考下面資料。 因應唔同情況，可能會有追加資料要交。 |
| STEP. 3 | 繳交報名費 *報名費係申請嘅時候要交，同學費係分開。 |
| STEP. 4 | 提交必須資料同文件後我哋會進行審查（2-5個工作天） *如果交嘅資料有問題，我哋會用email聯絡你。 |
| STEP. 5 | 當你收到我哋確認嘅email之後，請用郵寄（EMS、DHL等）提交文件（費用由本人支付）。 *網上交完文件冇問題，我哋就會send email叫你用郵寄方式寄俾我哋。 *當我哋收到你份文件之後，會再審核多次有冇問題，我哋開始審核時會用Email通知你。 寄件地址：서울특별시 강남구 강남대로 484, 7층702호 (06120) Rm702, HK B/D, 484, Gangnam-daero, Gangnam-gu, Seoul, Republic of Korea (06120) |
| STEP. 6 | 填寫入學申請表及將文件寄俾學校 當我哋審核完文件後，會填寫入學申請表再寄俾學校。 （由學校收到文件後，審核需要2-3個星期。） |
| STEP. 7 | 錄取與否通知及繳交學費 |
| STEP. 8 | 申請簽證及學校宿舍 |
| STEP. 9 | 入學分班試及迎新日 用韓文上堂 |
首爾大學語學堂 | 程序注意事項
- 必須資料同文件，我哋會進行審查（2-5個工作天）。
- 由學校收到文件後，審核需要2-3個星期。
- 如果交嘅資料有問題，我哋會用email聯絡你，請記得要check email。
- 如果學校有要求追交其他文件，必需提交，費用需由申請人承擔。
- 文件會由學校保管，唔會俾返申請人（有需要請同學校商量）。
- 簽證需由本人自行申請。
- 如果對於隔離政策、申請宿舍等有疑問，請直接聯絡help@creatrip.com。
- Creatrip開始審核文件後，報名費不設退還。
首爾大學語學堂 | 需要提交文件清單
| 文件 | 備註 |
| 網上入學申請書 | - 根據你提供嘅個人資料，我哋會幫你仔細填寫入學申請表。 |
| 證件相 | - jpg File - 3cm*4cm Size |
| 護照副本 | - 要彩色影印。 - 要明確睇得清護照號碼。 |
| 外國人登錄證副本 | - （條件） 有先需要交。 |
| 最終學歷畢業證書或在學證明書影印本 | - 可以用韓文/英文/中文/日文其中一款。 - 需經過Apostille（海牙認證）。 - 如果係其他語言，需要翻譯同公證，要交埋影印正本同副本。 |
| 最終學歷全近成績表影印本 | - 可以用韓文/英文/中文/日文其中一款。 - 需經過Apostille（海牙認證）。 - 如果係其他語言，需要翻譯同公證，要交埋影印正本同副本。 |
| 銀行餘額證明 | - USD 10,000以上 - 30日內證明 - 可以用本人名義/父母名義。 - 可以用韓文/英文/中文/日本其中一款。 - 如果係其他語言，需要翻譯同公證，要交埋影印正本同副本。 |
| 家庭關係證明書 | - 如果係用父母名義提交銀行餘額證明時先需要。 |
| 學習申劃 | - 可以用韓文/英文/中文/日文寫。 - A4紙1張，自由書寫。 - 詳細寫點解會想申請讀語學堂同讀完之後嘅計劃。 |
| 履歷或自我介紹 | - 可以用韓文/英文/中文/日文寫。 - A4紙1張，自由書寫。 - 可以由中學開始寫到其他經歷，簡單寫就可以。 |
*如有必要，學校或政府機構可能會要求提供額外文件。
首爾大學語學堂 | 海牙認證
海牙認證係咩意思？
- 國與國之間有文件來往時，如果得到海牙認證就更加可靠貼有效性。
- 只要有海牙簽證嘅文件等同已被承認，喺第二個國家用都會有效。
- 有關喺香港點申請海牙認證，可以參考大韓民國駐香港總領事館或香港司法機構。
- 香港海牙認證機構
- 指定管轄區：香港高等法院
- 地址：香港金鐘金鐘道38號
- 價格： HKD 125
- 聯絡電話：+852 2825 4226
- 香港海牙認證流程（如果係直接去）
- 申請人須攜同要求加簽文件親臨高等法院登記處加簽服務組。
- 如申請文件被接納可加簽，申請人須前往高等法院會計部(高等法院低層LG211室)繳交費用〈以現金、易辦事或抬頭「香港特別行政區政府」支票繳款〉。
- 申請人須攜同會計部所發收款回到加簽服務組遞交文件及領取收文件回條。
- 申請人如未能親自領取已加簽文件，可授權他人代為領取。
- 香港海牙認證流程（如果係海外申請）
- 海外申請者可由安排居港人士代為辦理並繳付費用。
- 申請人亦可郵寄要求加簽文件及一張註明可以在香港提款、註明收款人為「香港特別行政區政府」 (Government of Hong Kong SAR) 銀行滙票（每項加簽服務費用為HKD125）到高等法院登記處加簽服務組辦理加簽服務。申請人亦須支付銀行收取任何附加交易收費。
- 一般情況下，已加簽文件會以普通空郵寄回申請人。為安全起見，申請人亦可要求以掛號空郵寄出已加簽文件。掛號空郵額外費用 為HKD15.5須由申請人支付，申請人請喺銀行滙票加上該項淨額。
首爾大學語學堂 | 宿舍信息
宿舍相關信息 | 基本情報
- 讀正規課程嘅學生可以申請首爾大學宿舍（2人房）或語言教育院（1人房/2人房）。
- 首爾大學宿舍喺校內行去語學堂大約15分鐘左右。
宿舍相關信息 | 申請方法及期間
- 只有正規課程（上午班、下午班、研究班）可以申請。
- 收到合格通知，要一次過交宿舍費用同保證金。
- 收到分房嘅名單之後，必須告知宿舍工作人員你會入住嘅日期同到達時間。
- 必須接受宿舍助理嘅指導，同簽宿舍生活規則協議。
學期 | 申請期間 | 合格通知 | 繳交宿舍費用 | 入住日期 | 退房日期 |
2022 冬季 | 10.12-10.24 | 10.28(五) | 11.10(三) | 11.28(一) | 2.17(五) |
2023 春季 | 01.11-01.22 | 1.27(五) | 2.08(三) | 2.27(一) | 5.19(五) |
2023 夏季 | 04.12-04.23 | 4.28(五) | 5.10(三) | 5.29(一) | 8.18(五) |
2023 秋季 | 07.12-07.23 | 7.28(五) | 8.09(三) | 8.28(一) | 11.17(五) |
2023 冬季 | 10.11-10.22 | 10.27(五) | 11.09(三) | 11.27(一) | 2.16(五) |
宿舍相關信息 | 注意事項
- 冠岳舍宿舍最多只可以住兩個學期。
- 語言教育院宿舍2人房最多只可以住3個學期（如果有空房可以延長多一個學期）。
- 語言教育院宿舍1人房冇限制。
- 唔可以用非宿舍內提供嘅電暖器。
- 如果冇提前通知宿舍負責人，唔可以帶其他人入房。
- 如果超過3人唔喺房，要提前同宿舍負責人講。
- 如果故意損壞設施要賠償。
- 未經負責人事先許可，唔可以隨便轉房。
- 如果房設施有任何疑問，請即聯絡宿舍負責人。
- 冇提供床單、被、枕頭等，需要另外買，退房時會扣埋清潔同維修費，再退保證金。
宿舍相關信息 | 費用
- 首爾大學宿舍：一個學期 ₩590,640원（連保證金）
- 語言教育院宿舍1人房：一個學期 ₩1,765,500원 （連保證金）
- 語言教育院宿舍2人房：一個學期 ₩963,000 或 1,123,500 （連保證金，每間房費用都唔同）
- 包括Creatrip 7%手續費費用。
宿舍相關信息 | 退款政策
入住前 | 全額宿舍費（100%） |
入住1~2星期後 | 退還80% |
入住3~4星期後 | 退還60% |
入住5~6星期後 | 退還40% |
入住7~8주星期後 | 退還20% |
入住9~12주星期後 | 不設退還 |
首爾大學語學堂 | D-4申請資訊（韓國外交機構頒發）
D-4 簽證 | 注意事項
- 我哋係冇提供簽證服務。
- 以下信息只提供俾Creatrip會員，喺準備申請簽證時一個參考，可能會因申請時間而有異。
- 如果你冇做好充足準備，即使已被錄取，你嘅簽證申請有可能會唔成功。因為Creatrip同學校唔係發簽證嘅地方，所以需要自行檢查清楚。
- 請自行上大韓民國駐香港總領事館網頁參考申請D-4簽證需要嘅資料。
D-4 簽證 | 基本資訊
- D-4簽證係為咗想留喺韓國6個月或以上（2個學期）學生申請。
- 一開始有6個月逗留時間，入國後將會3個月更新一次簽證。
- 可以喺大韓民國駐香港總領事館簽發。
- 只讀一個學期嘅學生可以獲得C-3-1短期簽證，最多可以停留90日。
- 收到學校標準錄取通知書後，可以申請簽發D-4簽證。
- 發行簽證時間最短為2星期，最長為2個月。 （請自行向大韓民國駐香港總領事館提前確認。）
- 以下資料係申請簽證嘅時候要交，唔需要交俾我哋。
D-4 簽證 | 需要資料
*係以讀語學堂簽證作基準
| 文件 | 備註 |
| D-4簽證申請表 | - 必須由申請人親自填寫/簽字，貼好白色背照3.5*4.5cm證件相。 |
| 護照 | - 護照有效期要超過6個月以上，正本及有個人資料頁副本。 |
| 香港/澳門長期逗留簽證 | - 如果係持有香港/澳門護照、香港身份證、澳門特區旅行證嘅人唔需要交。 - 如果係其他國籍要交嘅資料都唔一樣，有需要請send email到help@creatrip.com問。 |
| 照片1張 | - 3.5cm X 4.5cm (請貼喺申請表上） |
| 身份證副本 | - 香港/澳門身份證副本或澳門藍卡副本 |
| 財務狀態證明資料 | - 需超過HKD25,000證明 - 認證有好多方法，想知詳細內容可以撳我。 |
| 學校標準錄取通知書及繳交學費收據 | - 學校提供 - 繳交學費收據 |
| 教育機構商業登記副本 | |
| 在學/畢業證明 | - 有學校3個月內證明 - 在學證明或畢業證明書 - 正本及副本 |
| 學習計劃 | - 由申請人填寫 |
| 學校學習詳細內容 |
參考網址： https://overseas.mofa.go.kr/hk-en/brd/m_20261/view.do?seq=717440
Hello，大家好，我哋係由韓國人每日提供最新韓國旅行資訊嘅
首爾大入口站3號出口出嚟會見到巴士站，喺度可以搭5511/5513號巴士。
落星垈站4號出口出嚟會見到GS加油站，喺到搭관악02號巴士。
喺首爾大入口站3號出口直行2分鐘，會見到Coffee Beans，喺前面就有巴士站可以搭接駁車。
