Hello，大家好，我哋係由韓國人每日提供最新韓國旅行資訊嘅Creatrip。
今日想同大家介紹專爲外國學生準備，世宗大學語學堂嘅課程同申請方法！好多人都想嚟韓國讀語學堂，但對於外國學生嚟講，可能一開始都唔知可以喺邊度搵資料，而家我哋Creatrip都有提供代申請語學堂服務啦！
Creatrip語學堂服務 | 好處
- 我哋會詳細指導教大家點樣去申請。
- 根據你提供嘅個人資料同文件，我哋會幫你填寫入學申請表。
- 如果你透過我哋俾完報名費同學費，我哋收到之後會即刻幫你轉交俾學校。
Creatrip語學堂服務 | 注意事項
- 呢篇文會講到語學堂申請過程同教育課程等介紹，因為篇幅較長，建議用電腦睇會比較好。
- 透過我哋只可以申請正規課程。
- 我哋冇提供申請Visa服務，本人請自行喺大韓民國駐香港總領事館申請。
- 因為疫情影響，語學堂政策可能會有變。
- 有任何疑問，都可以Send Email到help@creatrip.com同我哋聯絡。
世宗大學語學堂 | 學校介紹
중앙일보
為咗繼承同發揚創造韓文嘅世宗大王精神，世宗大學由2008年開始為外國人開設韓語教育課程。 世宗大學有優秀嘅講師，針對學生差異性，實施完善教育。
세종대학교 국제교육원
除咗只係上堂之外，世宗大學有Global Chin Chin（글로벌 친친）交流項目，一齊用老師、韓國學生一齊互動，更深入了解韓國文化。
世宗大學附近有埋建國大學，呢個區好熱鬧，可以體驗韓國生活最好地方之一！
世宗大學語學堂 | 推薦理由
- 以發明韓文嘅世宗大王命名嘅大學，一定會提供最好嘅韓語教育課程。
- 通過各種實地考察同文化交流活動，努力幫助外國留學生享受真正韓國生活。
- 世宗大學離建國大學好近，而且好多嘢食同玩，大家喺度生活一定好有趣！
世宗大學語學堂 | 2023年課程表
| 學期 | 申期期間 | 課程期間 |
| 2022 冬季 | 大約係開學前1個月 | 2022.12.05 - 2023.02.14 |
| 春季 | 2023.03.06 - 2022.05.15 | |
| 夏季 | 2023.06.07 - 2023.08.17 | |
| 秋季 | 2023.09.04 - 2023.11.16 | |
| 冬季 | 2023.12.04 - 2024.02.14 |
*基本上一年365日都可以申請，冇特別時間限制，不過要考慮到申請簽證問題，要留多少時間。
世宗大學語學堂 | 申請資格
- 高中畢業（或預計畢業）嘅在外同胞或外國人，或同等學歷。
世宗大學語學堂 | 上課時間
| 課程 | 時間 |
| 上午班 | 星期一至五 09:00 - 13:00 |
| 下午班 | 星期一至五 13:30 - 17:30 |
- 課程係面對面上堂。（如果疫情嚴重，有可能會轉為網上課程。）
- 想知1-6級係點分，可以參考以下網址。
世宗大學語學堂 | 學費
| 報名費 | ₩108,000 |
| 學費 | 一個學期 ₩1,782,000 |
- (例如) 如果想申請上午班2個學期：報名費 ₩108,000 + 學費₩1,782,000*2 = ₩3,672,000
- 報名費係申請入學時需繳交嘅費用，不設退還。 / 錄取後先需要繳交學費。
- 未包含書簿費。
- 包括Creatrip手續費費用。
世宗大學語學堂 | 報名費、學費退款政策
時期 | 退款政策 |
開學前 | 學費全額退款 |
開學1~7일日 | 退還1~20日 2/3學費 + 21~50日全部學費 |
開學8~10日 | 退還1~20日 1/2學費 + 21~50日全部學費 |
開學11~20日 | 退還21~50日全部學費 |
開學21~27日 | 退還21~40日 2/3學費 + 41~50日全部學費 |
開學28~30日 | 退還 21~40日 1/2學費 + 41~50日全部學費 |
開學31~40日 | 退還41~50日學費 |
世宗大學語學堂 | Creatrip語學堂申請流程
| STEP. 1 | 填寫申請書 揀幾個學期、申唔申請學校宿舍、填寫基本資訊。 根據你提供嘅個人資訊同文件，我哋會幫你仔細填寫入學申請書。 |
| STEP. 2 | 上傳資料副本 請參考下面資料。 因應唔同情況，可能會有追加資料要交。 |
| STEP. 3 | 繳交報名費 *報名費係申請嘅時候要交，同學費係分開。 |
| STEP. 4 | 提交必須資料同文件後我哋會進行審查（2-5個工作天） *如果交嘅資料有問題，我哋會用email聯絡你。 |
| STEP. 5 | 當你收到我哋確認嘅email之後，請用郵寄（EMS、DHL等）提交文件（費用由本人支付）。 *網上交完文件冇問題，我哋就會send email叫你用郵寄方式寄俾我哋。 *當我哋收到你份文件之後，會再審核多次有冇問題，我哋開始審核時會用Email通知你。 寄件地址：서울특별시 강남구 강남대로 484, 7층702호 (06120) Rm702, HK B/D, 484, Gangnam-daero, Gangnam-gu, Seoul, Republic of Korea (06120) |
| STEP. 6 | 填寫入學申請表及將文件寄俾學校 當我哋審核完文件後，會填寫入學申請表再寄俾學校。 （由學校收到文件後，審核需要2-3個星期。） |
| STEP. 7 | 錄取與否通知及繳交學費 |
| STEP. 8 | 申請簽證及學校宿舍 |
| STEP. 9 | 入學分班試及迎新日 用韓文上堂 |
世宗大學語學堂 | 程序注意事項
- 必須資料同文件，我哋會進行審查（2-5個工作天）。
- 由學校收到文件後，審核需要2-3個星期。
- 如果交嘅資料有問題，我哋會用email聯絡你，請記得要check email。
- 如果學校有要求追交其他文件，必需提交，費用需由申請人承擔。
- 文件會由學校保管，唔會俾返申請人（有需要請同學校商量）。
- 簽證需由本人自行申請。
- 如果對於隔離政策、申請宿舍等有疑問，請直接聯絡help@creatrip.com。
世宗大學語學堂 | 需要提交文件
| 文件 | 備註 |
網上入學申請書 | - 根據你提供嘅個人資料，我哋會幫你仔細填寫入學申請表。 |
證件相 | -請附上以白色背影及最近6個月內影嘅證件相。 - 網上上載 |
護照副本 | - 要彩色影印。 - 要明確睇得清護照號碼。 |
外國人登錄證副本 | - 有先需要提交。 - 前後都要影。 |
最終學歷畢業證書 | - 需提交Apostille（海牙認證）公證正本。 - 如果係讀緊大學，請提供中學畢業證明書。 |
最終學歷成績表 | - 需提交Apostille（海牙認證）公證正本。 |
銀行餘額證明 | - 可以用本人/父母名義。 - USD 10,000以上。 - 由申請日起計30內。 |
家庭關係證書/出世紙 | - 如果係用父母名義提交銀行餘額證明時先需要。 |
父母收入證明 | - 無論係邊個國家都要提交。 - 提交證明父母有一定嘅收入文件，例如1至2個月收入糧單，以及所得稅等。 |
父母在職證明 | - 無論係邊個國家都要提交。 |
| 學習計劃書 | - 請下載網站樣本。 |
*如有必要，學校或政府機構可能會要求提供額外文件。
世宗大學語學堂 | 海牙認證
海牙認證係咩意思？
- 國與國之間有文件來往時，如果得到海牙認證就更加可靠貼有效性。
- 只要有海牙簽證嘅文件等同已被承認，喺第二個國家用都會有效。
- 有關喺香港點申請海牙認證，可以參考大韓民國駐香港總領事館或香港司法機構。
- 香港海牙認證機構
- 指定管轄區：香港高等法院
- 地址：香港金鐘金鐘道38號
- 價格： HKD 125
- 聯絡電話：+852 2825 4226
- 香港海牙認證流程（如果係直接去）
- 申請人須攜同要求加簽文件親臨高等法院登記處加簽服務組。
- 如申請文件被接納可加簽，申請人須前往高等法院會計部(高等法院低層LG211室)繳交費用〈以現金、易辦事或抬頭「香港特別行政區政府」支票繳款〉。
- 申請人須攜同會計部所發收款回到加簽服務組遞交文件及領取收文件回條。
- 申請人如未能親自領取已加簽文件，可授權他人代為領取。
- 香港海牙認證流程（如果係海外申請）
- 海外申請者可由安排居港人士代為辦理並繳付費用。
- 申請人亦可郵寄要求加簽文件及一張註明可以在香港提款、註明收款人為「香港特別行政區政府」 (Government of Hong Kong SAR) 銀行滙票（每項加簽服務費用為HKD125）到高等法院登記處加簽服務組辦理加簽服務。申請人亦須支付銀行收取任何附加交易收費。
- 一般情況下，已加簽文件會以普通空郵寄回申請人。為安全起見，申請人亦可要求以掛號空郵寄出已加簽文件。掛號空郵額外費用 為HKD15.5須由申請人支付，申請人請喺銀行滙票加上該項淨額。
世宗大學語學堂 | 宿舍信息
宿舍相關信息 | 申請方法
- 喺填寫申請表時，請揀「YES」想申請宿舍。
宿舍信息 | 公佈結果
- 等所有學生申請完之後，會向合格嘅學生安排宿舍。
- 宿舍係以先到先得形式，就算要撳要申請，但如果申請人太多，會提早結束。
宿舍信息 | 申請期間
- 宿舍冇另外開放其他時間，請喺申請正規課程同時一齊申請。
宿舍信息 | 注意事項
- 新生專用宿舍係3人一間房。
- 新生專用宿舍有Study Room、公共洗衣房、休息室。
- 宿舍係以3個月為單位（可以延簽）。
- 新生專用宿舍距離世宗大學行大約10分鐘。
- 宿舍費用可以喺到咗韓國之後去過數，或者去俾現金。包括Creatrip 7%手續費費用。
宿舍信息 | 2022年宿舍入/退房時間表
入房日 | 退房日 | |
春季 | 2022.02.21 | 2022.05.20 |
夏季 | 2022.05.30 | 2022.08.25 |
秋季 | 2022.08.30 | 2022.11.25 |
冬季 | 2022.11.28 | 2023.02.23 |
宿舍信息 | 費用
宿舍費用 | |
新生專用（一個學期） | ￦642,000 |
- 包括Creatrip 7%手續費費用。
世宗大學語學堂 | D-4申請資訊（韓國外交機構頒發）
D-4 簽證 | 注意事項
- 我哋係冇提供簽證服務。
- 以下信息只提供俾Creatrip會員，喺準備申請簽證時一個參考，可能會因申請時間而有異。
- 如果你冇做好充足準備，即使已被錄取，你嘅簽證申請有可能會唔成功。因為Creatrip同學校唔係發簽證嘅地方，所以需要自行檢查清楚。
- 請自行上大韓民國駐香港總領事館網頁參考申請D-4簽證需要嘅資料。
D-4 簽證 | 基本資訊
- D-4簽證係為咗想留喺韓國6個月或以上（2個學期）學生申請。
- 一開始有6個月逗留時間，入國後將會3個月更新一次簽證。
- 可以喺大韓民國駐香港總領事館簽發。
- 只讀一個學期嘅學生可以獲得C-3-1短期簽證，最多可以停留90日。
- 收到學校標準錄取通知書後，可以申請簽發D-4簽證。
- 發行簽證時間最短為2星期，最長為2個月。 （請自行向大韓民國駐香港總領事館提前確認。）
- 以下資料係申請簽證嘅時候要交，唔需要交俾我哋。
D-4 簽證 | 需要資料
*係以讀語學堂簽證作基準
| 文件 | 備註 |
| D-4簽證申請表 | - 必須由申請人親自填寫/簽字，貼好白色背照3.5*4.5cm證件相。 |
| 護照 | - 護照有效期要超過6個月以上，正本及有個人資料頁副本。 |
| 香港/澳門長期逗留簽證 | - 如果係持有香港/澳門護照、香港身份證、澳門特區旅行證嘅人唔需要交。 - 如果係其他國籍要交嘅資料都唔一樣，有需要請send email到help@creatrip.com問。 |
| 照片1張 | - 3.5cm X 4.5cm (請貼喺申請表上） |
| 身份證副本 | - 香港/澳門身份證副本或澳門藍卡副本。 |
| 財務狀態證明資料 | - 需超過HKD25,000證明。 - 認證有好多方法，想知詳細內容可以撳我。 |
| 學校標準錄取通知書及繳交學費收據 | - 學校提供。 - 繳交學費收據。 |
| 教育機構商業登記副本 | |
| 在學/畢業證明 | - 有學校3個月內證明。 - 在學證明或畢業證明書。 - 正本及副本。 |
| 學習計劃 | - 由申請人填寫。 |
| 學校學習詳細內容 |
參考網址： https://overseas.mofa.go.kr/hk-en/brd/m_20261/view.do?seq=717440
