Hello，大家好，我哋係由韓國人每日提供最新韓國旅行資訊嘅Creatrip。
今日想介紹韓國最有人氣嘅延世大學語學堂嘅課程同申請方法俾大家知！好多人都想嚟韓國讀語學堂，但對於外國學生嚟講，可能一開始都唔知可以喺邊度搵資料，而家我哋Creatrip都有提供代申請語學堂服務啦！
Creatrip語學堂服務 | 好處
- 我哋會詳細指導教大家點樣去申請。（審查提交文件，簽證申請指導等。）
- 根據你提供嘅個人資料同文件，我哋會幫你填寫入學申請表。
- 如果你透過我哋俾完報名費同學費，我哋收到之後會即刻幫你轉交俾學校。
Creatrip語學堂服務 | 注意事項
- 呢篇文會講到語學堂申請過程同教育課程等介紹，因為篇幅較長，建議用電腦睇會比較好。
- 透過我哋只可以申請正規課程。
- 我哋冇提供申請Visa服務，本人請自行喺大韓民國駐香港總領事館申請。
- 因為疫情影響，語學堂政策可能會有變。
- 有任何疑問，都可以Send Email到help@creatrip.com同我哋聯絡。
延世大學語學堂 | 學校介紹
延世大學係韓國三大代表大學之一，唔少留學生都會揀嚟呢度讀，人氣超高！
延世大學為學生提供有系統韓語教育課程，有各種功課同測驗，等學生可以一直練韓文，另外仲有100日比賽、大學慶典、各種韓國文化體驗等，幫你更了解韓國文化！
延世大學就係喺新村，要Shopping、要玩、要食呢度都做到，之後同朋友一齊喺韓國大學生活嘅浪漫啦~
延世大學語學堂 | 推薦理由
- 可以喺韓國大學三大入面學韓文，絕對有保證。
- 因為學校喺新村，去首爾任個一個地區都好方便。
- 呢度有唔少國際交流項目、文化體驗活動、等大家學韓文嘅同時，仲可以更深入了解韓國文化。
延世大學語學堂 | 申請資格
- 申請人需要至少中學畢業或同等學歷
延世大學語學堂 | Creatrip語學堂申請流程
| STEP. 1 | 填寫申請書 揀幾個學期、申唔申請學校宿舍、填寫基本資訊。 根據你提供嘅個人資訊同文件，我哋會幫你仔細填寫入學申請書。 |
| STEP. 2 | 上傳資料副本 請參考下面資料。 因應唔同情況，可能會有追加資料要交。 |
| STEP. 3 | 繳交報名費 *報名費係申請嘅時候要交，同學費係分開。 |
| STEP. 4 | 提交必須資料同文件後我哋會進行審查（2-5個工作天） *如果交嘅資料有問題，我哋會用email聯絡你。 |
| STEP. 5 | 當你收到我哋確認嘅email之後，請用郵寄（EMS、DHL等）提交文件（費用由本人支付）。 *網上交完文件冇問題，我哋就會send email叫你用郵寄方式寄俾我哋。 *當我哋收到你份文件之後，會再審核多次有冇問題，我哋開始審核時會用Email通知你。 寄件地址：서울특별시 강남구 강남대로 484, 7층702호 (06120) Rm702, HK B/D, 484, Gangnam-daero, Gangnam-gu, Seoul, Republic of Korea (06120) |
| STEP. 6 | 填寫入學申請表及將文件寄俾學校 當我哋審核完文件後，會填寫入學申請表再寄俾學校。 （由學校收到文件後，審核需要2-3個星期。） |
| STEP. 7 | 錄取與否通知及繳交學費 |
| STEP. 8 | 申請簽證及學校宿舍 |
| STEP. 9 | 入學分班試及迎新日 用韓文上堂 |
延世大學語學堂 | 程序注意事項
- 必須資料同文件，我哋會進行審查（2-5個工作天）。
- 由學校收到文件後，審核需要2-3個星期。
- 如果交嘅資料有問題，我哋會用email聯絡你，請記得要check email。
- 如果學校有要求追交其他文件，必需提交，費用需由申請人承擔。
- 文件會由學校保管，唔會俾返申請人（有需要請同學校商量）。
- 簽證需由本人自行申請。
- 如果對於隔離政策、申請宿舍等有疑問，請直接聯絡help@creatrip.com。
- Creatrip開始審核文件後，報名費不設退還。
延世大學語學堂 | 需要提交文件
文件 | 備註 |
網上入學申請書 | 根據你提供嘅個人資料，我哋會幫你仔細填寫入學申請表。 |
證件相 | 請附上以白色背影及最近6個月內影嘅證件相。 |
護照副本 | -要彩色影印。 |
| 外國人登錄證副本 | -有先需要交。 |
最終學歷畢業證書正本 | -中學畢業證明。 -需提交Apostille（海牙認證）公證正本。 -如果唔係韓文、英文、中文同日本需要翻譯同公證。 -由申請日起計3個月內。 |
| 銀行餘額證明正本 | -可以用本人/父母名義。 -USD 10,000以上。 -由申請日起計30日內證明。 |
家庭關係證書 | -如果係用父母名義提交銀行餘額證明時先需要。 -需提交Apostille（海牙認證）公證正本。 -如果唔係韓文、英文、中文同日本需要翻譯同公證。 |
*如有必要，學校或政府機構可能會要求提供額外文件。
*所有提交嘅文件不設退還 如果畢業證書或成績單只得一份，請複印一份副本然後進行公證程序。
*提交資料時，所有經過公證（如海牙認證或領事確認）嘅文件必須為正本，如因拆下書釘等行為導致文件出現損毀，將有可能不被認證
延世大學語學堂 | 海牙認證
- 海牙認證係咩意思？
- 國與國之間有文件來往時，如果得到海牙認證就更加可靠貼有效性。
- 只要有海牙簽證嘅文件等同已被承認，喺第二個國家用都會有效。
- 有關喺香港點申請海牙認證，可以參考大韓民國駐香港總領事館或香港司法機構。
- 香港海牙認證機構
- 指定管轄區：香港高等法院
- 地址：香港金鐘金鐘道38號
- 價格： HKD 125
- 聯絡電話：+852 2825 4226
- 香港海牙認證流程（如果係直接去）
- 申請人須攜同要求加簽文件親臨高等法院登記處加簽服務組。
- 如申請文件被接納可加簽，申請人須前往高等法院會計部(高等法院低層LG211室)繳交費用〈以現金、易辦事或抬頭「香港特別行政區政府」支票繳款〉。
- 申請人須攜同會計部所發收款回到加簽服務組遞交文件及領取收文件回條。
- 申請人如未能親自領取已加簽文件，可授權他人代為領取。
- 香港海牙認證流程（如果係海外申請）
- 海外申請者可由安排居港人士代為辦理並繳付費用。
- 申請人亦可郵寄要求加簽文件及一張註明可以在香港提款、註明收款人為「香港特別行政區政府」 (Government of Hong Kong SAR) 銀行滙票（每項加簽服務費用為HKD125）到高等法院登記處加簽服務組辦理加簽服務。申請人亦須支付銀行收取任何附加交易收費。
- 一般情況下，已加簽文件會以普通空郵寄回申請人。為安全起見，申請人亦可要求以掛號空郵寄出已加簽文件。掛號空郵額外費用 為HKD15.5須由申請人支付，申請人請喺銀行滙票加上該項淨額。
延世大學語學堂 | 宿舍信息
宿舍信息 | 申請方法及分配方法
- 所有課程宿舍均以先到先得方式分配。
- 想申請宿舍，可以留意學校宿舍官網申請期間。的同學可以在申請期間通過宿舍網站進行申請。
- 每個學期申請時間都唔一樣，所以請參考以下時間表。
- 申請完之反可以喺宿舍官網「My Page」查否被錄取，喺指定日期前繳交宿舍費就可以。
宿舍信息 | 主要日子及注意事項
學期 | 申請期間 | 公佈結果 | 繳交宿舍費 | Check In | Check Out |
春季 | 1月11號(早上10點) ~ 1月16號 (冇自我隔離) | 1月18號 | 1月31號 | 2月27號 | 5月18號 |
夏季 | 4月14號(早上10點) ~ 4月19號 | 4月21號 | 4月27號 | 5月30號 | 8月18號 |
秋季 | 7月13號(早上10點) ~ 7月18號 | 7月20號 | 7月27號 | 8月29號 | 11月17號 |
冬季 | 10月11號(早上10點) ~ 10月16號 | 10月18號 | 10月26號 | 11月28號 | 2024年2月16號 |
宿舍信息 | 注意事項
- SK Global House有分1人同2人房，I-House係2人房專for女性用，男性如果要申請宿舍，只可以申請SK Global House。
- 校內宿舍申請名額為150名左右（包括新生同續房生）。
- 宿舍最多只可以申請2個學期（6個月）。
- 包電器同上網。
- 冇包食費，禁止食煙同飲酒。
- 如果違反宿舍規則會要求你退宿。
- 入學嘅時候，要交護照副本同2個月內嘅肺結核證明。
宿舍信息 | 費用
SK Global House | I-House（女性專用） | ||
種類 | 1人房 | 2人房 | 2人房 |
洗手間/浴室 | 獨立 | 共用 | |
費用 | ₩2,453,760 | ₩1,814,400 | ₩1,546,560 |
- 包括Creatrip手續費費用。
延世大學語學堂 | D-4申請資訊비자 안내（韓國外交機構頒發）
D-4 簽證 | 注意事項
- 我哋係冇提供簽證服務。
- 以下信息只提供俾Creatrip會員，喺準備申請簽證時一個參考，可能會因申請時間而有異。
- 如果你冇做好充足準備，即使已被錄取，你嘅簽證申請有可能會唔成功。因為Creatrip同學校唔係發簽證嘅地方，所以需要自行檢查清楚。
- 請自行上大韓民國駐香港總領事館網頁參考申請D-4簽證需要嘅資料。
D-4 簽證 | 基本資訊
- D-4簽證係為咗想留喺韓國6個月或以上（2個學期）學生申請。
- 一開始有6個月逗留時間，入國後將會3個月更新一次簽證。
- 可以喺大韓民國駐香港總領事館簽發。
- 只讀一個學期嘅學生可以獲得C-3-1短期簽證，最多可以停留90日。
- 收到學校標準錄取通知書後，可以申請簽發D-4簽證。
- 發行簽證時間最短為2星期，最長為2個月。 （請自行向大韓民國駐香港總領事館提前確認。）
- 以下資料係申請簽證嘅時候要交，唔需要交俾我哋。
D-4 簽證 | 需要資料
* 係以讀語學堂簽證作基準
| 文件 | 備註 |
| D-4簽證申請表 | -必須由申請人親自填寫/簽字，貼好白色背照3.5*4.5cm證件相。 |
| 護照 | -護照有效期要超過6個月以上，正本及有個人資料頁副本。 |
| 香港/澳門長期逗留簽證 | -如果係持有香港/澳門護照、香港身份證、澳門特區旅行證嘅人唔需要交。 - 如果係其他國籍要交嘅資料都唔一樣，有需要請send email到help@creatrip.com問。 |
| 照片1張 | -3.5cm X 4.5cm (請貼喺申請表上） |
| 身份證副本 | -香港/澳門身份證副本或澳門藍卡副本 |
| 財務狀態證明資料 | -需超過HKD25,000證明 -認證有好多方法，想知詳細內容可以撳我。 |
| 學校標準錄取通知書及繳交學費收據 | -學校提供 -繳交學費收據 |
| 教育機構商業登記副本 | |
| 在學/畢業證明 | -有學校3個月內證明 -在學證明或畢業證明書 -正本及副本 |
| 學習計劃 | -由申請人填寫 |
| 學校學習詳細內容 |
參考網址： https://overseas.mofa.go.kr/hk-en/brd/m_20261/view.do?seq=717440
