Creatrip安心保障制度 為你開啟夢想中嘅韓國留學生活

好多人都會想去韓國留學，或者生活一段長時間，呢個時候其中一個選擇係報名語學堂，不過其實過程都唔簡單，有時候仲會搞到勁頭痛，未到出結果嗰刻都好似仲會出現啲未知之數咁...

到底自己準備嘅資料啱唔啱？

學校究竟有冇收到我寄過去嘅嘢？

中途會唔會發生咩阻滯？

如果唔成功咪好似倒錢落海咁？

為咗令大家可以更加安心，今次我哋推出咗「Creatrip安心保障制度」，令大家可以放心報名，唔洗因為怕呢樣怕嗰樣而放棄夢寐以求嘅韓國生活！

申請過程中出現問題？

透過Creatrip代辦嘅時候會有專人幫你進行資料審查同報名，如果喺呢個階段之後出現任何問題（例如學校最終決定唔錄取你、中途發生任何阻滯同差錯等），我哋會全額退還報名費，更加會額外賠償多100,000分Creatrip積分俾你！

所以大家只要跟住指示提供所有所需資料就得，其他程序都可以放心交俾我哋！

資料審查過程中出現問題？

喺Creatrip內部資料審查過程當中，如果因某種原因而被判斷為無法繼續進行報名，我哋將會向你全額退還報名費！

我哋咁有自信嘅原因

1. 幫過無數學生成功辦理語學堂報名！

透過多年代辦經驗，我哋知道報名語學堂嘅時候有咩需要注意，亦都會比起其他機構更加仔細審查大家嘅資料，同時提供諮詢服務，確保大家申請嘅時候唔會出現任何問題！

2. 辦公室位於韓國，有咩問題都可以即時解決！

大部份留學代辦機構辦公室都係喺韓國以外地區，如果報名過程中出現問題都只可以透過email同學校聯絡，需時較長。不過因為Creatrip本身就係一間韓國公司，辦公室亦都位於韓國，所以可以即時幫大家打電話，甚至親身去學校幫大家直接解決問題！

3. 已經同各大語學堂成為合作伙伴！

好似上述所講，因為我哋已經幫過唔少學生報名，一直同各大學校維持良好關係，所以如果出現任何問題，都可以迅速解決，提高成功機率！

安心保障制度報名期限

※要喺上述日期前交報名費先可以享用安心保障制度

FAQ 常見問題

Q. 點解會有報名期限？

A：每間學校報名截至日期都唔同，如果想保障大家可以成功報名，申請人就需要喺指定日期前提交所有所需資料，以便我哋可以進行後續程序同幫大家準時交資料。

Q. Creatrip內部判斷為無法繼續進行報名姐係點？

A：我哋幫你向學校交資料之前首先會先進行一次資料審查，如果發現資料有問題或者申請人本身唔符合資格，就會被內部判斷為無法繼續進行報名。如果出現上述情況，報名安心保障制度適用學校嘅申請人可以得到報名費全額退還。

Q. 喺邊個階段唔合格可以同時收到100,000分Creatrip積分賠償？

A：如果報名程序已經去到「申請完畢/等待通知」或其後階段，但係唔好彩地最後唔成功，申請人將會得到報名費全額退還同Creatrip積分賠償！有關報名階段詳情，可以參考語學堂申請紀錄（※如果只係去到「申請中」，只會退還報名費）。

<注意事項>

• 合格後如因個人理由放棄入學，將會視為取消（非申請失敗），呢個情況之下唔會進行任何賠償。
• 如果同時申請2間或以上嘅學校，安心保障制度只適用於第一間申請嘅學校。
• 如最高學歷為特殊學校（職業學校、專科中學、藝術中學等），將無法享用安心保障制度。
• 根據韓國法律規定，外國特殊學校（職業學校、專科中學、藝術中學等）學歷未受認證，申請語學堂嘅時候需要同學校進行多番商討同提交額外證明資料。如需協助，請透過email（help@creatrip.com）話俾我哋知你嘅出生國家/地區、學歷、想報名嘅學校同學期、需要申請嘅簽證等，負責同事將會盡力幫大家處理。
• 使用語學堂代辦服務時需要用返指定語言頁面進行申請程序，否則有可能無法享用安心保障制度。

撳我申請語學堂（港澳人士適用）