喺韓國可以買到嘅香港嘢
冇諗過喺韓國都可以買到香港品牌?有一樣嘢大部分韓國家庭一定有?
Hello，大家好，我哋係由韓國人話你知每日最新韓國資訊嘅Creatrip。
大家喺香港超級市場應該有見過好多韓國品牌可以買，無論生活用品定係食品都有好多。不過大家又有冇諗過喺韓國嘅超級市場都有香港品牌可以買？今日小編就帶大家去韓國嘅超級市場睇下到底有啲咩香港嘢賣啦！
喺韓國可以買到嘅香港嘢
1. 李錦記雞粉
雞粉應該唔洗同大家介紹，香港嘅屋企一定人人都有一罐，煮飯只要落一羹，香味即刻出曬嚟。韓國人平時喺屋企煮中式料理一定會買佢嚟調味！韓國網上而家1kg係KRW11,620，超市買相對g數會少啲，價錢大約係KRW 6000-7000。
2. 李錦記蠔油
唔知大家屋企有冇蠔油，不過韓國人屋企一定會有一枝！因為佢哋好鐘意炒飯嗰陣落蠔油，只要喺泡菜炒飯入面落少少蠔油的話，鮮味就會好出！韓國人就係鐘意呢種鮮味，所以每個家庭都有買㗎。
3. 和興白花油
喺香港可能巳經少咗人會用白花油，不過喺韓國大家會叫佢做「萬通治痛藥」！喺大家最鐘意掃貨嘅olive young都有得買㗎。韓國人覺得白花油價錢唔太貴，又有好多功效，肌肉痛，鼻炎嗰啲全部都可以靠佢解決到！
4. 珍妮曲奇
喺香港嘅珍妮曲奇舖頭，一定會見到韓國人喺入面買5、6罐出嚟，大家就可以想像得到佢哋到底有幾鐘意。因為佢哋對呢間cookie嘅熱愛太高，所以而家喺韓國都可以買啦！雖然香港人可能好少機會會食到，不過韓國人心目中去香港=要買珍妮曲奇㗎！
5. 維他檸檬茶
雖然維他檸檬茶仲未喺韓國超級市場見到佢嘅蹤影，小編喺係中國超市搵到佢嘅。不過可以見到佢喺韓國都有得買巳經好開心，所以想分享俾大家知道！希望之後喺韓國大型超級市場都可以買到佢，唔使為咗買佢搵得咁辛苦。
不過小編喺早前都發現原來Coupang都有得買！亦都買過兩次，味道同香港飲嘅係一模一樣！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
