Hello，大家好，我哋係由韓國人每日提供最新韓國旅行資訊嘅Creatrip。
韓國仁川機場係全韓國規模最大嘅機場，好多人都會喺呢度出入境，或者會轉去其他城市，今日小編整理好一篇仁川機場秘笈，希望可以幫到之後嚟嘅大家啦！
仁川機場總整理
各客運大樓進駐航空公司
T1 | 香港快運（UO） |
香港航空（HX） | |
國泰航空（CX） | |
韓亞航空（OZ） | |
濟州航空（7C） | |
德威航空（TW） | |
T2 | 大韓航空（KE） |
真航空（LJ） |
韓國仁川機場有分T1同T2，兩邊都會有來回香港直航航班嘅航空公司進駐，大家記住參考上面呢個表，先確認好自己搭邊間航空公司，之後再去所屬客運大樓辦理登機手續啦！
仁川機場出入境人流
如果想知而家機場現場逼唔逼，大家可以睇我哋網站嘅仁川機場人流狀況預測數據，綠色係普通、黃色係人流較多、橙色係擁擠、紅色就係非常擁擠。通常旅行旺季都會特別多人，如果見到橙色同紅色就記住一定要提早去排隊入禁區啦！
仁川機場快速通關
SMART PASS
Smart Pass係一個人臉識別系統，透過事先登記護照、臉部數據、機票等等嘅資訊之後，離開韓國嘅時候只要掃一掃塊臉就可以讀取登記咗喺系統入面嘅資料，唔洗再人手去掃機票同護照。
詳細教學可以睇👇🏻
[블로그] 仁川機場快速通關系統「SMART PASS」攻略
韓國E道SeS
香港人只要事先申請SeS，就可以好似韓國人咁入境嘅時候行E道，唔洗曬咁多時間排隊等人工海關櫃檯。而就算冇另外申請過自助通關，出境嘅時候亦都可以直接行無人自助通道，快啲入到禁區！
詳細教學可以睇👇🏻
[블로그] 韓國E道「SeS自動通關」教學&注意事項
嬰幼兒/老人快速通關措施
仁川機場有為老人同嬰幼兒開設Fast Track（패스트트랙）快速通道，基本上年滿70歲嘅老人家、未滿7歲嘅小朋友、殘疾人士等等，如果有需要可以喺check-in嘅時候同航空公司職員講！詳情可以參考下面呢篇文章：
[블로그] 仁川機場嬰幼兒/老人快速通關措施
仁川機場交通
機場鐵道（AREX）
來回首爾同仁川機場最快嘅方法就係搭「機場鐵道AREX」！機場鐵道大致分為兩種，一種係站站停嘅一般列車（坐13個站），另一種係直通車（只停T1、T2同首爾站）。T1機場快線車站喺B1/F、T2就喺B3/F。
機場快線AREX | |
票價 | ₩11,600 |
搭乘時間 | T2⇋首爾站 51分鐘 |
首班車 | 末班車 |
| 仁川T2出發 05:15 | 仁川T2→首爾站 22:40 |
首爾站出發 06:00 | 首爾站→仁川T2 22:50 |
| 機場鐵路一般列車 | |
| 票價 | ₩5,050 |
| 搭乘時間 | 2航⇋首爾站 69分鐘 |
| 首班車 | 末班車 |
| 仁川T2出發 05:15 | 仁川2航→首爾站 23:32 |
| 首爾站出發 05:20 | 首爾站→機場 23:40 |
普通列車可以直接嘟交通卡，但係因為會經弘大站，所以會多人好多，而且由頭站搭到尾站要大約70分鐘；機場快線AREX就50分鐘內可以去到，但因為班次同座位有限，所以建議大家要提早買定車飛，而且網上買外國人車飛比較平。
[스팟] 仁川機場快線AREX直通車票
仁川機場巴士
T1機場巴士車站：1/F
T2機場巴士車站：B1/F
仁川機場有好多機場巴士都可以去到首爾市區，推薦如果大家住宿/目的地附近有機場巴士車站嘅話，可以考慮搭機場巴士。另外亦都有可以去京畿道、仁川等地嘅高速巴士，路線選項多，亦都有凌晨班次，大家可以參考以下文章或者仁川機場官網！
[블로그] 2025仁川機場巴士攻略
仁川機場的士
- T1的士站：出境大堂5C、6C、6D
- T2的士站：出境大湯5C（往首爾）、4D（往京畿）
搭的士離開仁川機場嘅人都唔少，呢個都係最方便、最舒服嘅交通方式。不過小編認為比起喺現場截的士，建議預先預約包車接送服務，一大班人或者一家人一齊搭仲會抵過搭公共交通工具！
[스팟] 仁川/金浦機場 PAPA Taxi 高級接送服務
[스팟] Solati仁川/金浦機場→首爾12人座豪華包車接送服務
[스팟] 首爾⇌仁川機場外國人的士接送服務
[스팟] LANE4 仁川/金浦機場接送服務（拼車接送）
仁川機場客運大樓免費接駁車
T1→T2 | T2→T1 |
T1 3/F 7號、8號出口 | T1 3/F 4號、5號出口 |
如果去到機場發現自己去錯客運大樓，除咗可以返轉頭搭地鐵，仲可以搭客運大樓之間嘅免費接駁巴士，車程大約15至20分鐘。不過因為兩個客運大樓都有啲距離，建議大家登機前一定要check清楚，如果唔係會浪費咗好多時間。
仁川機場磁浮列車
- 位置：T1交通中心2樓
- 營業時間：
- 07:30 - 09:00 每15分鐘一班
- 18:00 - 19:00 每15分鐘一班
- 費用：免費
等飛機時間唔知做咩好？不如就搭免費磁浮列車暢遊仁川啦！只要12分鐘就可以去到泥灘、西海岸龍游站。
唔知搭咩車來回仁川機場好？
[블로그] 仁川機場交通攻略 | 來回市區方法&比較
仁川機場換錢/匯率
首爾一帶嘅找換店大多數晚上8點就收舖，如果太夜落機想先換少少錢，機場都有好多銀行可以換到。不過要提大家，機場匯率「一定」會差過普通換錢所，建議喺機場只換2~3萬韓幣（夠搭去首爾嘅交通費），其餘等第二日再去找換店換會抵好多。
不過如果大家想喺機場一次過換錢，不妨可以用我哋Creatrip嘅換錢服務，匯率保證好過機場銀行。大家可以用匯率計算機計下可以換到幾多錢，咁樣用同樣港幣就可以換到更多韓幣啦！
[스팟] 仁川機場外幣→韓幣換錢服務（送BELLYGOM聯名交通卡）
仁川機場退稅
仁川機場T1退稅
- T1出境大堂：Zone B、D、J、L
- T1出境後免稅區：Gate 28
如果冇預先喺市區用自助機器退稅，都可以一次過喺機場退稅。T1出境大堂附近就有退稅機，而出境之後28號登機口附近都有，現場有職員幫手，大家記住要把握最後機會退稅。
仁川機場T2退稅
- T1出境大堂：Zone D、E櫃檯
- T1出境後免稅區：Gate 249、253
而仁川機場T2退稅區域比較新淨，現場同樣有工作人員幫手，記住準備定護照同收據啦。
你可能會想睇埋👇🏻
[블로그] 韓國退稅總整理
仁川機場免稅店
仁川機場T1免稅店
- 店鋪：新世界免稅店、現代免稅店等等
- 位置：T1 3樓免稅店區域
- 時間：06:30至21:30
仁川機場T2免稅店
- 店鋪：新世界免稅店、新羅免稅店、樂天免稅店等等
- 位置：T2 3樓免稅店區域
- 時間：06:50至21:30
仁川機場便利設施
其實仁川機場有好多方便旅客嘅設施同服務大家都未必知道或者用過（連韓國人都未必知道XD），大家下次嚟記住好好善用啦！
[블로그] 仁川機場便利設施總攻略
首爾站預辦仁川機場登機
- 位置：首爾站B2/F
- 適用航空：
- 大韓航空
- 韓亞航空
- 首爾航空
- 釜山航空
- 濟州航空
- 德威航空
- 真航空
- 易斯達航空
- 預辦登機時間：05:20至19:00（需於航班起飛前3小時報到）
- 出境審查時間：07:00至19:00
出境審查
上述韓籍航空公司（部分航班、聯營航班除外）喺首爾站有提供預辦登機同寄行李服務，完成所有手續之後要直接搭AREX直通車去仁川機場，流程如下：
- 買AREX直通車車票
- 辦理登機手續
- 過海關
- 搭AREX直通車前往機場
去到仁川機場後，唔需要再去航空公司櫃台報到，直接去專用通道就可以入到禁區！詳情可以參考小編上次去嘅過程：
以上係小編幫大家整理嘅仁川機場攻略，希望可以幫到準備嚟韓國嘅大家！
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
