韓國人冬天嘅消費習慣&必備物品
韓國冬天咁凍，韓國人又覺得有咩係必備品？COVID-19咁嚴重又有冇影響到韓國人嘅生活習慣？
Hello，大家好，我哋係由韓國人話你知每日最新韓國資訊嘅Creatrip。
#韓國生活 #冬天
#生活習慣 #COVID-19
韓國每年一到11月天氣就會開始變凍。
為咗應對咁凍嘅天氣，韓國人都會有佢哋嘅必備品同埋生活習慣。
今日小編就打算話俾大家知，韓國人今年冬天嘅生活習慣有冇畀呢個疫情影響。
同埋韓國人喺冬天又有啲乜嘢生活必備品呢？
✨馬上Follow我哋IG
instagram.com/creatrip.hk
COVID-19對韓國人冬天嘅影響
韓國四季分明，冬天亦都會好凍甚至落雪。
加上今年喺COVID-19嘅影響下，大家都少咗出街。
韓國就有一個調查顯示，韓國人普遍今年都比較傾向會揀網上購物。
最近，隨住疫情嘅擴散，韓國人為咗保持社交距離，令到大家嘅生活模式都改變左對日常生活都有一定嘅影響。
喺呢個調查結果顯示，有62.8%嘅受訪者認為預計冬天費用會增加， 28.1%嘅受訪者認為費用會同舊年差唔多， 29.2%嘅受訪者就認為預計嘅費用將會減少。
小編個人認為，因為COVID-19嘅關係，大家都少咗出門口，多咗時間留喺屋企。
一到咁凍嘅天氣都會想留喺屋企唔出門口。
當多咗時間留喺屋企嘅時候，電費同埋煤氣費就會更加高。
喺同一個調查入面，消費者喺「冬天生活必需品」呢一個問題，最多人揀嘅係熱水墊。
第二多人揀嘅係加濕器，因為韓國一到秋天同冬天天氣真係會非常之乾燥。
而第三個多人揀嘅就係暖風機。
韓國大部份住宅都會有暖氣或者地暖，但係如果長時間開着嘅話，煤氣費就會非常之貴。
所以好多人都會寧願用暖風機、暖爐或者電熱墊去取代暖氣同地暖。
另外，今年喺韓國關於加濕器同埋暖爐等等嘅電器，都有唔少發生意外嘅新聞。
所以大家喺買呢啲電子產品之前，一定要做好功課，喺一啲有信心保證嘅地方度買。
千祈唔可以貪平或者貪方便，就喺一啲冇信譽嘅舖頭度買啊！
不過，香港都唔會好似韓國咁凍同埋天氣咁乾燥。
所以喺香港都好少會用到暖爐同加濕器呢啲產品。
不過如果你係住喺韓國嘅話，就一定要好好做好保暖措施，唔好凍親啊！
✨馬上Follow我哋IG
instagram.com/creatrip.hk
| 其他延伸閱讀 | |
 韓國秋冬8款麵包 |  秋冬季流行髮色 |
