Hello，大家好，我哋係由韓國人每日提供最新韓國旅行資訊嘅Creatrip。
今日小編要介紹一間喺屋企附近嘅燒肉店——「厚肉」。雖然好近小編屋企，但每次想去食，都有好多人，今次都係第一次食到。果然「厚肉」真係好好食，難怪有咁多人去啦！
首爾站「厚肉」介紹
小編專登5點前就去到餐廳，諗住避開人潮，等咗一陣門口就已經好多人。
第一次落單，至少一定要叫同款肉類兩人份（如：五花肉兩人份），之後加單就可以一人份一人份咁叫。小編先叫咗五花肉兩人份。大部份肉類都係一人份（170g）₩16,000。落完單，店員就開始上小菜。
等咗五分鐘左右，厚切五花肉就嚟啦！店家另外會送一份菇（錫紙包住）。
終於燒啦！小編急不及待開餐！
熟咗嘅肉， 店員會將佢哋放埋一邊。
厚切五花肉加埋小編至愛嘅醃蘿蔔，真係特別好食！
五花肉兩人份唔係好夠飽，小編又再叫咗一份豬頸肉，脂肪分佈平均，香味十足，唔會韌。
小編每次去燒肉店都一定會叫豬頸肉。如果豬頸肉冇好好保存或者放得太耐，好易會有陣豬腥味，不過「厚肉」嘅豬頸肉完全冇呢個問題。
老闆仲送咗一份辣椒醬湯（₩6,000）俾我哋（第一批客人先有）。小編朋友話個湯比想像中好味，大家下次都可以叫一份試吓。
食完三人份嘅肉，小編都係覺得唔太夠。（到底有幾餓？）於是我哋就叫多一份豬皮（₩11,000）。豬皮都係嚟到燒肉一定要叫！燒到勁香口，咬落充滿「骨膠原」嘅感覺。
一份豬皮會有三塊（小編食咗一塊先記起未影相ㅠㅠ）。豬皮真心推薦俾大家，一定要嚟試。
鍾意飲啤酒嘅朋友可以叫麥酒（Ale Beer/에일 맥주 ₩7,000）。燒肉店好少會有生啤，好多時只會有罐裝啤酒，「厚肉」有生啤就梗係要試。小編個人覺得唔錯，推薦俾大家！
小編覺得「厚肉」係一間好值得再去嘅燒肉店，大家之後有機會都去試吓啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
