韓國人愛睇10套港產片
韓國人鍾意睇嘅10套港產片！每套都係經典中嘅經典！連韓國人都撐我哋又點可以唔睇？
Hello，大家好，我哋係由韓國人每日提供最新韓國旅行資訊嘅Creatrip。
喺80、90年代，香港呢個地方，對於韓國人嚟講係一個好繁華嘅城市，比起韓劇，當時嘅港產片可以話係比起其他國家更領先一籌。當年嘅每一套電影都係經典中嘅經典，連韓國人都睇過，我哋身為香港人又點可以唔支持呢？10套入面，大家又睇過邊幾套？
韓國人愛睇10套港產片
1. 《殭屍先生》 系列
殭屍先生係1985年上映嘅香港電影，當時只要係70、80年代嘅，都一定有睇過，比起話佢係恐怖片，當中因為加入咗喜劇成份，唔少人都係邊驚邊睇，但睇落去輕鬆。當時韓國冇呢類影片，佢哋對於殭屍電影好神奇，直到而家都仲有唔少人去討論。
2. 《英雄本色》 系列
就連韓國國民MC劉在石都係發哥fans，每次Runningman一播「當年情」嘅歌，佢都要爭住唱，發音仲要幾唔錯添！
3. 倩女幽魂
啱啱講完韓國男性入面，第一會揀《英雄本色》 ，咁韓國女性一定係揀《倩女幽魂》 ，當年哥哥人氣真係唔講得笑，當時哥哥新專輯《愛慕》喺韓國大賣20萬張，創造華語唱片喺
《倩女幽魂》講述一段唔被接受嘅人鬼之戀，故事情節淒美，完全係正中女仔鍾意睇嘅愛情電影。
4. 《賭神》
繼《英雄本色》 之後，發哥又一傑作，就係《賭神》啦！唔單止香港人鍾意發哥，韓國人鍾意發哥程度，可以話同香港人有得揮。
每一次發哥要出場賭嘅時候，都會先食一片朱古力，唔少韓國男性睇完呢個動作都覺得好有型，點解可以咁有魅力。
5. 醉拳
韓國人之會鍾意成龍，係因為佢哋覺得成龍每一次拍嘅打鬥場面，都會盡量親自上場而唔用替身，呢一個態度好敬業，同時以前韓國人有話，只要一到中秋節，就會想睇成龍嘅片。
6. 重慶森林
雖然呢套電影已經係26年前，但係會令人一直苦惱嘅一套電影，直到今時今日，唔少韓國人都會俾錢去睇重播，甚至有人留言話，以前細個唔明套戲講咩，但而家大咗終於明白當時嘅說話。
7. 阿飛正傳
阿金正傳可以話出咗唔少金句，韓國人之會鍾意睇，係因為哥哥嘅每一個眼神都好交到戲，只要有哥哥拍嘅戲，就一定要睇！
8. 《黃飛鴻》系列
講到武術電影，以前韓國男性好鍾意睇武術電影或小說，要睇都一定係睇《黃飛鴻》系列 。
9. 《逃學威龍》系列
講到要睇喜劇片，又點可以唔提周星馳呢？唔單止韓國人鍾意睇，就連小編只要得閒冇事都會搵星爺嘅戲嚟睇。佢每一集嘅金句，小編都已經背到滾瓜爛熟，就連韓國同事都話星爺嘅戲，細細個開始就鍾意睇。
10. 《西遊記》系列
要笑有笑點，要喊有喊嘅場面，甚至連感動位都有！甚至唔少韓國人睇完都話，呢套電影冇唔鍾意嘅理由！
港產片唔單止香港人鍾意睇，就連韓國人都大讚，唔知以上10套，大家又睇過幾多套呢？未睇過嘅，有時間不妨都睇，支持一吓港產片。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
