Hello，大家好，呢度係由韓國人每日提供最新韓國旅行資訊嘅Creatrip。
廣藏市場有好大大小小嘅攤檔同店鋪，呢度特別出名綠豆煎餅、水餃、紫菜包飯、醬蟹、生牛肉同生章魚。大部分嘅生牛肉店都係維持住舊式嘅外觀，但就令到好多遊客擔心衛生問題。今日小編就想推薦聲牛生拌牛肉，唔單止枱櫈擺放整齊，店內更加係環境整潔，令人安心。大家快啲save底呢一篇blog，之後嚟廣藏市場嚟試下啦。
撳我領取優惠券👇🏻
[스팟] 聲牛生拌牛肉（廣藏市場）
廣藏市場「聲牛生拌牛肉」資訊
- 地址：서울 종로구 종로 200-12
- 營業時間：星期一、二、四至日 10:00 - 22:00（Last Order 21:00）
廣藏市場「聲牛生拌牛肉」介紹
只睇門口係唔係都覺得佢好新同乾淨呢？
小編叫咗生牛肉（육회）、活章魚（산낙지）、生牛肉拌飯（육회비빔밥）。
即使已經將章魚切成一粒粒，章魚都仲係好生猛會不斷郁……切完章魚放喺生牛肉上面，再加埋蛋黃就可以上菜。
食嘅時候，首先要將蛋黃篤穿之後攪勻，夾一塊紫菜，再放幾片梨，將生牛肉同章魚之後包埋一舊，最後加少少麻油就食得。食嘅時候唔會覺得油膩、有腥味，反而係覺得好爽口。
生牛肉拌飯
呢度嘅拌飯亦都好特別，因為佢哋嘅配料係用咗生牛肉，食嚟起更有鮮味，而且好有飽肚感。
推薦大家下次嚟廣藏市場嘅時候，可以去聲牛生拌牛肉！
廣藏市場「聲牛生拌牛肉」前往方法
鐘路5街站（종로5가역）11號出口出
轉左入去廣藏市場。
喺呢個路口轉左。
行大約30秒就會見到聲牛生牛肉（성우육회）嘅招牌喺左手邊。
撳我領取優惠券👇🏻
[스팟] 聲牛生拌牛肉（廣藏市場）
以上係廣藏市場「聲牛生牛肉」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
