Hello，大家好，我哋係由韓國人話你知每日最新韓國資訊嘅Creatrip。

＃釜山＃南浦洞樂天超市
＃釜山樂天超市＃2019
＃退稅＃紙箱＃儲物櫃資訊

首爾好行嘅大型超市有首爾站樂天超市、合井站 Home plus、以及東大門/東廟附近嘅 emart，咁釜山呢？

最多人去嘅，應該就係南浦洞嘅樂天超市啦!

睇下以下小編最新嘅探訪後記，小編一次過整理好，

集合大家最關心嘅退稅資訊、儲物櫃、樂天超市必買商品，

以及最近最令人緊張「究竟仲有冇提供自助包裝嘅紙箱」等等。

一齊睇落去啦!

🤞🏻 Creatrip Youtube上線囉  

✨馬上Follow我哋IG
instagram.com/creatrip.hk

🎈 韓國全區住宿優惠碼 creatrip 立折7%  

釜山南浦洞樂天超市

• 地址：부산 중구 중앙대로 2
• 交通：釜山地鐵1號線南浦站（남포역）6號出口
• 時間：10:30至23:00（第二週、第四週週日公休）

超市百貨最新公休日｜請點我

講到釜山最多人會去嘅大型超市，一定係南埔站旁嘅樂天超市。

呢度同時係樂天百貨嘅大本營，可以直接滿足購物同飲食嘅需求，非常方便。

同首爾站嘅樂天超市唔同，釜山南浦樂天超市嘅營業時間係10:30去到23:00，大家千奇唔好睇錯時間，要白行一趟......

另外，釜山南浦洞樂天超市嘅退稅方式，係採用現場退稅，消費滿₩30,000嘅朋友，只要出示護照就可以享有退稅服務，

其他嘅退稅限制就同首爾一帶一樣，大家可以參考教學。

🙌 韓國退稅懶人包

接落嚟大家就跟著小編嘅腳步，一起入去釜山南浦洞樂天超市睇下啦!

上面呢款一大桶嘅係韓國SNS最近好HIT嘅薯片，雖然有啲貴，但可以一次過抱住咁大桶薯片食，一定好幸福姐!

大家嚟到樂天超市，知唔知有咩要留意呢?

答案就係「Only Price」專區。

大家睇下呢啲商品，標籤上面都貼咗 Only Price 嘅標誌，而且會除開幾錢=幾多gram，等大家一目了然，可以衝量件貨平唔平。

大家嚟到釜山樂天超市，一定要去睇下啦!

一啲常見嘅生活用品、小餅乾等，喺釜山南浦站嘅樂天超市都搵得到。

小編行咗一圈，都不禁係心入面默默讚嘆，果然係樂天超市，又大、又多嘢買，可以慢慢揀。

不過行行下，唔知大家係咪都好似小編咁覺得......

釜山嘅樂天超市，行落同首爾最大間嘅「首爾站樂天超市」唔同，呢度好似有更多商品（？）可以睇。

實際上，應該係首爾站樂天超市嘅商品最多，

但因為南浦站樂天超市嘅人冇咁多，加上商品放得比較零散，畀人一種:呢度商品好多、好豐富嘅感覺。

嚟韓國必食嘅即食麵，如果擔心因為非洲豬瘟，唔可以帶返香港，

咁可以喺釜山樂天超市買完之後，返民宿或者酒店食下啦！

最近辣炒雞麵出咗 Light 辣炒雞炒麵，號稱冇咁辣，大家有冇食過呢？

雖然係輕量版，但大家都千奇唔好睇少佢啊!

呢款 Real 起司拉麵，亦係小編嘅心頭好，濃郁嘅奶油芝士香，配上熱辣辣嘅麵條，畀人一種無敵嘅幸福感。

呢啲常見嘅韓國餅乾、零食，就唔洗擔心太多，可以直接帶返香港。

嚟到釜山南浦洞樂天超市，都一定要繼續掃貨啊!

大家最鍾意邊種薯片呢？比起熱門嘅大牌子，小編有時行樂天超市，會刻意搵啲冇咁出名嘅薯片牌子，成日會有意想不到嘅收穫。

但係！經典嘅餅乾都一定要買，尤其係秀美、烏龜餅乾，真係食幾多都唔會嫌~

呢幾款餅乾係 Creatrip Office長期有嘅餅乾，尤其係下面嗰款엄마손（媽媽手），係小編嘅最愛，見親都一定要買!

因為非洲豬瘟嘅關係，如果大家驚食物、即食麵，其實買呢類餅乾、糖果類，相對嚟講風險較低。

仲有！嚟韓國必買嘅堅果，喺釜山南浦洞樂天超市會直接pack好一包咁賣，咩口味都有齊，畀大家可以直接買返去，真係超方便。

或者可以買調味醬、調味包，等你返到香港都仲食到韓國美味……

至於大家最愛嘅韓國酒！

嚟到釜山，再唔係真露嘅天下，而係好日子 Good Day（좋은 데이）燒酒占據一位。

大家喺釜山嘅酒吧飲酒，大部分嘅人都係飲 Good Day 燒酒~

最後！就係大家都好擔心，韓國超市取消自助包裝嘅措施，究竟有冇影響釜山嘅樂天超市響呢？

答案係：冇！不過南浦站樂天超市已經貼咗公告，2020年01月01日起就會冇咗自助包裝區。

因此，最近嚟釜山南浦洞樂天超市嘅朋友，唔需要擔心，目前自助包裝區都仲係正常，要大手入貨嘅朋友記得把握最後時間啦!

至於好多人問南浦洞樂天超市，有冇置物櫃，答案係有，不過佢有時間限制，大家用之前要留意番。

用嘅時間係10:30至23:00，三個鐘內免費，超過三個鐘就要收費，但現場冇寫明超時要畀幾多錢，咁多位去個陣可以幫小編留意下。

以上係小編最新探訪嘅釜山南浦洞樂天超市嘅資訊。

首爾大型超市好多，唔一定要去樂天才好行；

但喺釜山，好似就只有南浦站嘅樂天超市好行......

各位，我哋下次再見啦。

🤞🏻 Creatrip Youtube上線囉

✨馬上Follow我哋IG
instagram.com/creatrip.hk

🎈釜山韓服線上預約享creatrip獨家優惠

其他延伸閱讀
釜山西面探訪記	釜山南浦懶人包
釜山景點總整理	釜山ＲＭ體驗館
釜山超市總整理	釜山西面總整理