Hello，大家好，我哋係由韓國人每日提供最新韓國旅行資訊嘅Creatrip。

一定有很多人好奇，嚟韓國個陣，需要用咩簽證~ 今日就為大家介紹下韓國簽證有邊幾種，同埋嚟韓國旅行，各個國家需要邊啲文件啦！跟住Creatrip一齊準備安心嘅韓國旅行啦!

1. 韓國簽證種類 

韓國嘅簽證根據目的同居留時間分為好多種，大家最熟悉嘅應該係一般嚟韓國用嘅 B-1、B-2同留學嘅 D-2、D-4～ 其實仲有好多款，而家為大家介紹下韓國各式各樣嘅簽證種類。

B系列 : 同大韓民國簽咗簽證豁免協定嘅國家，佢哋嘅國民可以無簽證入境韓國，逗留90日以下，用嘅就係B1 ，B2簽證。即使護照上冇另外貼簽證貼紙，都可以用觀光、參加活動、參加會議、探親等各式各樣嘅目的居留韓國。

C系列 : C1係俾以臨時採訪目的、C4係俾以短期就業活動為目的嘅外國人嘅居留資格。C3同B1、B2一樣，係俾以各式各樣嘅目的居留韓國嘅外國人。同B系列一樣，只可以逗留韓國90日以下嘅短期簽證，唔同嘅係B系列簽證唔需要另外申請，而C系列就一定要經過申請批刻。

D系列 : 以學習為目的嚟到韓國嘅外國人會用D2簽證，只係嚟韓國學韓文嘅學生就會用D4簽證。此外，研究韓國文化、藝術或者接受指導嘅人用 D1、採訪並展時間逗留嘅人用 D5、針對傳教等宗教活動嘅人用 D6、喺外國公司國內分公司工作嘅人用 D7、外國人投資者用 D8、D9，還有喺韓國求職嘅人用D10簽證等。

E系列 : 以母語喺大學工作嘅人用 E1、以母語喺補習班做會話講師嘅人用 E2、研究員用 E3、提供特殊領域技術或傳授嘅人用 E4、從事放送演藝 / 公演活動等嘅人用 E6、翻譯、海外營銷等外國人嘅特定領域業務用 E7、幫助農村地區短期勞動嘅人用 E8，製造業等非專門領域工作嘅人用 E9、船員就用 E10。

F系列 : 以探親為目的嘅人用 F1、以居住為目的嘅外國人用F2、取得就業簽證嘅外國人家屬用 F3、在外同胞同 F4、韓國永住權同 F5、結婚移民用F6。用F2、F4、F5、F6逗留韓國嘅外國人可以喺韓國就業。

G系列：希望嚟韓國醫療機構治療或療養嘅外國患者，同配偶都係用G1。

H系列：主要目的係觀光同想短期就業嘅人用H1、中國朝鮮族想嚟韓國短期工作可以用H2。

2. 簽證豁免國家

綠色：免簽證國家

簽證豁免制度係經過國家間嘅協定，或者根據單方、雙方措施，冇簽證都可以入境嘅制度。而家為大家介紹可以無簽證入境嘅國家同埋護照。之後，小編會再介紹幾個主要訪問國嘅入境相關事項。

*重要*

因為疫情影響，韓國由2020.04.13（星期一）就停止咗免簽證國家入境，如果係想觀光、讀語學堂，或者係探親，都要申請短期簽證。

不過每個國家入境措施成日都會變，建議大家可以去返自己國家嘅大使館網頁查詢。

*如果有最新消息，我哋都會持續update*

台灣	駐台北韓國代表部
日本	駐日本韓國大使館
香港	大韓民國駐香港總領事館

3. K-ETA

K-eta官網

另一方面，如果同韓國簽訂免簽證協議，而家只要申請K-ETA就可以入境韓國旅遊、探親或參加各種活動或會議等，需要喺網上前事預約同提供個人資料，有興趣嘅朋友，可以參考下面連結。

K-ETA申請資格｜撳我

1. K-ETA 重要通知

• 申請K-ETA，至少要喺登機前72個小時完成，如果唔係可能就會上唔到機。
• K-ETA有效期間係兩年，不過就算申請完未必一定成功，主要係睇韓國出入境事務所最後決定。
• 如果喺申請K-ETA時提交虛假或唔正確信息，隨時會被拒絕或撤銷，可能會根據韓國相關法律受到處罰或限制入境，同時代理人申請代申請，都一定要寫清楚。
• K-ETA手續費係₩10,000， 但如果申請被拒絕係不設退還。
• 如果搵第三者（大型機構等）代付款，可能會收取額外手續費，K-ETA中心亦唔會負任何責任。
• 即使K-ETA係有效期2年，但如果改名、性別、出生日期、國籍、護照（護照號碼同有效期）、犯罪記錄同傳染病信息等有變，必須重新再申請。
• 如果批完K-ETA，之後想改目的去其他地區，都要喺官網修改，如果唔係會被拒絕入境。
• 如果批咗K-ETA嘅人，之後入境唔需要再寫入境申請書。
• K-ETA可以由其他人代申請同付款，計埋自己可以最多30人。

2. K-ETA申請流程

• 只要係飛韓國，需要喺登機前至少72個小時，喺網站或者手機Apps申請。
• 要同意申請條款，只要寫好email、護照、申請等訊息，之後就會收費同開始審查。
• 審核大約需要一個工作天。

3. K-ETA手續費 

• 申請K-ETA手續費係₩10,000。
• 網上付款可能會再有額外收費。
• 無論申請結果係點，已經支付咗嘅金額係唔會退。
• 如果你張卡係禁止海外支付，詳細內容可能要聯絡返你嘅信用卡公司。

K-ETA官網 ｜撳我

韓國旅遊簽證（C-3-9）申請所需文件

• 需要先喺Visa.go.kr填寫e-Form，需要填寫內容可以參考教學（撳我）。

注意事項：

• e-Form可以揀寫英文/韓文。
• 如果係持有HKSAR護照國家欄請揀CHINA P.R.（HONG KONG），如果係持有HKDI護照請揀HONG KONG ID。
• 就算提交好份e-Form，千祈唔好直接閂windows/tab，如果唔係有可能要重新填過/冇得改。
• 填好哂e-Form之後，記得要print出嚟同簽名（如果未成年要請父母簽名）。
• 之後將其連同其他所需文件、相同費用一齊交到大韓民國駐香港總領事館。
• e-Form申請表號碼應該會係HKXXONXXXXXX.
• 如果e-Form填得唔完整，申請有可能會被拒絕。
• 申請表同直接去交form嘅時候張證件相要一樣，如果唔係申請有可能會被拒絕。 
• 填完申請表之後請喺兩星期內去大韓民國駐香港總領事館交資料，交完之後唔可以取消。

其他有可能需要嘅文件：簽證簽發申請表

  2022韓國旅遊簽證申請教學

其他國家申請簽證

3. 中國

以下資訊亦可以喺韓國大使館網站了解更多。 駐中國大韓民國大使館連結

因為受到疫情影響，觀光（醫療旅遊），或者探親，簽證都會受到限制。

1. 一般觀光 (C-3-9) 申請所需文件

• 簽證申請書（連結）
• 照片1張 
• 護照
• 身份證
• 財政能力證明文件
  1. 社會保險加入證明同在職證明
  2. 如果冇上述文件，就需要繳交可以證明最近6個月銀行交易明細正本，同最近6個月個人所得稅繳交證明正本。

*下列對象可免財政能力證明文件。

• 北京、上海等複數簽證申請對象等大都市地區在籍者：以身分證正、副本代替
• 初、中學生：以在學證明代替
• 大學生 : 以電子學歷證明文件代替 (www.chsi.com.cn) 
• 優秀旅行社申請者
• 居留中國嘅外國人
• 有OECD 國家入面22個國家訪問經驗嘅人 : OECD國家簽證同出入境印章正、副本、出入境國家紀錄明細(公安局發放)

2. 簽證申請一般流程

1）請向管轄戶籍地嘅公館申請。

2）簽證申請同簽發時間

• 申請 : 09:00 - 11:30
• 簽發 : 14:00 - 17:00

3）審查期間

• 通過優秀旅行社辦理旅遊簽證：4日內
• 通過非優秀旅行社辦理旅遊簽證：5日內

3. 簽證審查手續費

• 短期簽證（逗留90日內）：280人民幣
• 長期簽證（逗留91日以上）：420元人民幣

*疫情期間只簽發一次性簽證
*疫情期間暫停使用急證

4. 越南

以下資訊亦可以喺韓國大使館網站了解更多。 駐越南大韓民國大使館

1） 短期綜合簽證(C-3) 申請所需文件（旅行社＋個人觀光）

• 護照正本同住民登陸證雙面副本
• 簽證申請書 (包含證件相1張 3.5 x 4.5cm) 連結
• 身份證明文件
• 經濟能力證明文件 (存款存摺雙面副本同存款存摺餘額證明) 

2）個人觀光簽證時需加文件

• 韓國旅行行程 (英文或韓文)
• 韓國國內酒店住宿證明
• 受邀請居留嘅話，必須提供邀請人邀請函正本同邀請人護照副本
• 外國人登錄證明雙面副本
• 邀請人嘅在職證明同在學證明 (英文或韓文)

2. 簽證申請一般流程

1）申請地點：駐越南大韓民國大使館

地址：Lô SQ4 Khu Ngoại Giao Đoàn, Đỗ Nhuận, Xuân Tảo, Bắc Từ Liêm, Hà Nội, Việt Nam

2）簽證申請同簽發時間 ：平日 09:00 - 17:00

3）審查期間：10個工作天

• 逗留90日內：20美金
• 逗留超過91日：50美元
• 雙重簽證：60美元
• 多次簽證：80美元

5. 印尼

以下資訊亦可以喺韓國大使館網站了解更多。 駐印尼大韓民國大使館

1. 一般觀光簽證(C-3-9) 申請所需文件

• 護照正本及護照個人資料頁副本1份
  
• 簽證申請書1份 連結
• 護照用證件相1張 (白色背景 3.5cm x 4.5cm) 並貼喺簽證申請書上
• 申請人嘅身分證明
  • 在職人士：在職證明
  • 學生：在學證明
  • 經營事業：商業登記証 
• 印尼家族關係證明書
• 財政能力文件 (揀2個)
  • 最近3個月嘅銀行交易明細正本
  • 最近3個月嘅薪資明細表
  • 最近1年以上嘅納稅證明文件
  • 車輛持有證明書影本 (STNK)
  • 最近3個月嘅信用卡使用明細
  • 其他證明最近一年收入文件
  • *唔會認證：電單車證明、土地證明、建築證明
    
• 隔離同意書

2）申請地點

• 大使館 : A-1、 A-2、不可避免人道主義原因，例如ASEAN職員、家人死亡
• Korea Visa Application Center : 上列簽證以外嘅簽證
  地址 : KVAC, 5thfloor,LotteShoppingAvenue,JalanProf.DR.SatrioNo.3-5,JakartaSelatan.

3）審查期間：8個工作天

3. 簽證審查手續費

• 短期簽證（逗留90日內）：816,000Rp
• 長期簽證（逗留91日以上）：1,104,00Rp

*因疫情影響，唔接受團體簽證。

6. 印度

以下資訊亦可以喺韓國大使館網站了解更多。 駐印度大韓民國大使館

因為受到疫情影響，觀光（醫療旅遊），或者探親，簽證都會受到限制。

不過如果係韓國投資/技術提供等必要業務活動時，會由大使館去審查同簽發所需文件。

1. C-3 簽證申請時所需文件

• 簽證申請書 連結
  申請C-3簽證僅需填寫下列4個必填項目就可以。
  • 1. 個人資料
  • 3. 護照資料
  • 4. 聯絡資料
  • 9. 訪問資訊
• 護照用證件相2張
• 護照正本 (最少6個月以上有效期)
• 最近1年以上嘅納稅證明文件、或者最近6個月間嘅銀行交易明細
• 健康狀況證明
• 隔離同意書

2. 簽證申請一般流程

1）申請地點：新德里 VFS centre 或者德里 VFS centre 官方網站

2）簽證申請同簽發時間 

德里 VFS centre 

• 申請 : 平日 10:00 - 13:00
• 簽發 : 平日 10:00 - 15:00

新德里 VFS centre 

• 申請 : 平日 09:30 - 12:30
• 簽發 : 平日 09:30 - 17:00

*由於疫情影響，申請同簽發 (VFS) 目前一星期（星期一、三、四）接受3次。

3）審查期間：1,000-1,300個小時

3.  審查手續費

7. 菲律賓

以下資訊亦可以喺韓國大使館網站了解更多。 駐菲律賓大韓民國大使館

* 視簽證簽發而定

短期簽證：因外交/公務等必要商務活動而訪問韓國嘅人，公民家屬，長期證留外國人家屬（F-3），輪班船員，投資/技術提供，以及家庭成員死亡等人道主義原因。 人，臨時採訪 (C-1)，短期就業 (C-4)。

長期簽證：可簽發所有長期簽證（可證留91日以上A、D、E、F、H系列簽證）

1. 申請C-3簽證時所需文件

• 簽證申請書1份 連結
• 護照用證件相1張
• 護照正本(有效期限6個月以上)
• 護照 (照片頁)副本1份
• OECD國家觀光簽證持有人需要提供簽證頁副本1份
• 菲律賓長期簽證、I-CARD、菲律賓入境日副本各1份
• 申請人銀行存款證明正本一份（包括賬戶類型、當前餘額、開戶日期、6個月平均餘額）
• 申請人嘅3個月銀行交易明細（由即日起到過往3個月交易詳情）
• 追加下列證明

*學生：在學證明正本1份、學生證副本1份
*在職人士：在職證明正本1份、所得稅繳納證明副本1份 
*商人：商業登記副本1份，營業執照副本1份，所得稅繳納證明副本1份

2. 簽證申請一般流程

1）申請地點：駐菲律賓大韓民國大使館只允許透過指定旅行社申請簽證。指定旅行社清單

2）簽證申請同簽發時間 

• 申請 : 平日 08:00 - 11:00
• 簽發 : 平日 13:30 - 16:00

*如果係韓國人伴侶/子女、持有簽證、公務出差、因人道需求背景及訪問韓國嘅人士，可以親自到大使館申請/領取簽證。

3）審查期間：10個工作天

3. 審查手續費

• 單數：PHP 2,000
• 複數：PHP 4,500

以上係為大家整理去韓國旅行所需要嘅簽證資料，如果有任何疑問，請喺下面留言。

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購