景福宮專業攝影 | 北村照相館
CP值極高!景福宮「北村照相館」幫你影低最美麗動人嘅一刻
Hello,大家好,我哋係由韓國人每日提供最新韓國旅行資訊嘅Creatrip。
景福宮有好多租韓服嘅鋪頭就大家都知,相信大家都會想著住靚靚韓服,影返幾輯相留念。今次俾小編搵到一間價錢相對上比較平價嘅影相鋪 ——「北村照相館」!專業攝影師會帶大家去好多得佢先知道嘅影相靚位,包你一定滿意!
景福宮專業攝影「北村照相館」資訊
- 地址:서울특별시 종로구 윤보선길 65 B1F
- 營業時間:星期一至五 11:00 - 20:00、星期六及日 10:00 - 20:00
- 可預約時間:星期一至五 11:00 - 19:00、星期六及日 10:00 - 19:00
景福宮專業攝影「北村照相館」推薦原因
- 北村照相館就喺景福宮附近,要去嘅話好方便!
- 呢度影出嚟相都好高質,價錢唔算好貴!
- Naver評價好高,有超過1,600人留低過評論,5分入面拎4.9分!
- 有好多打卡靚位得北村照相館嘅攝影師先知道!
景福宮專業攝影「北村照相館」價錢
北村韓屋村 | 1~2人 | 加人 |
₩99,000 | ₩20,000 / 位 | |
參考圖 | ||
|
北村韓屋村 + 白麟濟故居 | 1至4人 | 加人 |
₩200,000 | ₩20,000/位 | |
參考圖 | ||
|
景福宮 | 1至4人 | 加人 |
₩200,000 | ₩20,000 / 位 | |
參考圖 | ||
|
景福宮專業攝影「北村照相館」 注意事項
- 請最少喺2日前完成預約,你亦可以喺30日前進行預約。
- 請準時到達現場(最好提早10至15分鐘到)。
- 如果打算著住韓服去影相,請考慮租借同拍攝時間。
- 如果遲到超過10分鐘或以上,預約可能會被取消(或需支付罰款)。
- 未有提供韓服租借服務,另外亦冇提供妝髮服務。
- 暫時未有識中文嘅職員,只可以用英文溝通。
- 我哋會喺1個工作天內確認你嘅訂單。
- 如果想要變更或取消,請喺體驗7日前完成,之後就唔可以退。
- 如果想更改預約,請send email到help@creatrip.com。
景福宮專業攝影「北村照相館」 預約流程
STEP 1. | |
STEP 2. | 請詳細輸入相關資訊及支付全額,我哋會喺1個工作天內確認你嘅訂單。 |
STEP 3. | 請提前10至15分鐘到現場準備,並向職員出示預約憑證。 |
STEP 4. | 開始體驗! |
景福宮專業攝影「北村照相館」介紹
去韓國會唔會都想影返一輯靚相呢?小編特別想推薦大家去北村照相館!
小編之所以會咁推薦大家嚟呢間,係因為好近景福宮,而且攝影師嘅拍攝同修圖技術都好好,2樓仲有我哋合作緊嘅韓服出租店「你好韓服」,嗰度啲衫都好乾淨,可以借完再嚟影相。
出去影相之前首先要嚟呢度同攝影師會合,雖然鋪頭空間唔算好大,不過就俾人好舒服嘅感覺!
呢度有提供梳同髮膠,有需要都可以用。
北村照相館亦有提供戶外拍攝服務,上面嘅相都係經由老闆巧手所影出,係唔係都好靚呢?
老闆有收埋收埋好多私房景點,可能因為咁,所以每張相都好好睇,同平時自己去影好唔同。
呢個係客人著住開化期服飾到白麟濟故居附近影嘅相,唔理身上著緊咩衫,老闆都可以影出好多呃Like相!
除咗可以著韓服之外,大家亦都可以選擇著便服影,以充滿傳統特色嘅景福宮同北村韓屋村做背景,同家人、朋友、另一半影返幾輯相,有紀念價值得嚟仲好有意義!
景福宮專業攝影「北村照相館」前往方法
安國站1號出口出嚟之後見到有條巷轉右。
一路直行到T字路口。
地下1樓就係北村照相館。
以上係景福宮專業攝影「北村照相館」嘅介紹,有任何問題請先詳讀呢篇文章。
如果睇完之後有任何疑問,或者我哋語言、標示唔清嘅話,麻煩請send email告知,以方便我哋改進。
如果有更多想知嘅內容,都可以隨時dm話俾我哋知:)
Instagram:creatrip.hk
Mail:help@creatrip.com